Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
“Pra, kini kujdes të mos bëni asnjë hap kundër predikimeve të
Zotit dhe kundër udhëzimeve të Kuranit. Unë me të vërtetë ju
them se ai njeri që nuk zbaton ndonjë prej 700 urdhrave të
Kuranit, me dorën e vet e mbyll derën e shpëtimit. Rrugët e
vërteta të shpëtimit të vërtetë e të përsosur, i shënjoi Kurani
dhe çdo gjë tjetër është hija e tij. Prandaj, Kuranin ta studioni
me vëmendje të posaçme dhe ta doni më shumë se çdo gjë
tjetër. Pasi siç më informoi Zoti
d.m.th “Të gjitha të mirat janë në Kuran”, dhe kjo është një e
vërtetë e pamohueshme. Mjerë ata që i japin përparësi ndonjë
gjëje tjetër pos Kuranit. Burimi qenësor i suksesit dhe i
shpëtimit tuaj gjendet në Kuran. Nuk ka asnjë informatë sado e
vogël që nuk gjendet në Kuran. Në Ditën e Kiametit, Kurani do
të vërtetojë ose do të përgënjeshtrojë besimin tuaj. Ta dini se
nën qiell nuk ka asnjë libër që pa ndihmën e Kuranit t’ju
tregojë rrugën e drejtë. Duhet ta çmoni si mirësi të madhe që
Zoti ju dhuroi një libër siç është Kurani. Ju them të vërtetën se
libri që keni në dorë ju, po t’iu jepej të krishterëve, ata nuk do
të shpërbëheshin. Po qe se kjo dhuratë e madhe dhe kjo mirësi
do t’iu jepej hebrenjve në vend të Tevratit, atëherë disa sekte të
tyre nuk do të mohonin Kiametin. Prandaj, duhet ta çmoni
shumë këtë dhuratë të madhërueshme që ju fituat. Ta dini edhe
një herë, se kjo është dhurata më e bukur dhe pasuria më e
madhe për ju. Po të mos vinte Kurani, atëherë tërë bota do të
mbetej si një copë gjaku. Kurani është ai libër para të cilit të
gjitha predikimet e tjera janë të pavlefshme.”
(“Kishtie Nuh”, “Ruhani Khazain”, vol. 19, f. 26-27)
109