Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Pa dyshim, për hir të këshillës, Ne e kemi bërë Kuranin të
lehtë. Pra, a ka njeri që e pranon këshillën?
(El-Kamer, 54:18)
Ka një hadith:
Hazret Abu Musa al-Ashari rrëfen se Profeti i shenjtë s.a.v.s. ka
thënë:- Besimtari që e lexon Kuranin dhe e zbaton praktikisht, i
ngjan qitros, që ka shije të mirë e aromë të këndshme. Dhe
besimtari që nuk e lexon Kuranin, por vepron e punon sipas tij,
është si hurmë, që ka shije të mirë por nuk ka aromë. Dhe
hipokriti që e lexon Kuranin i ngjan borzilokut (krizantemës),
që ka aromë të mirë por ka shije të hidhur. Dhe hipokriti që nuk
e lexon Kuranin, e as nuk e zbaton atë, i ngjan kolocynthit
(kungulli i egër), që ka shije të hidhur e aromë të padurueshme.
(Sahih Buhari, Kitab Fadailil Kuran, Bab man ra’a bi kir’atil Kuran,
au ta’kula bihi au fakhara bihi, hadithi 5059)
Hazret Mesihu i Premtuar a.s. thotë:
“... Kurani është i mbushur me urtësi të thella. Ky ia kalon
Biblës në çdo rrugë për të mësuar bamirësi të vërtetë. Në të
vërtetë vetëm Kurani është ajo llambë në dritën e së cilës shihet
qartë Zoti i Vërtetë dhe i Pandryshueshëm. Allahu xh.sh. e di se
sa shumë njerëz do të ishin bërë pre e adhurimit të krijesave,
nëse nuk do të kishte zbritur Kuranin. Falënderimi i qoftë
Allahut se Njësia e Zotit që ishte zhdukur në botë u rivendos.”
(Tohfa Kaisrija, “Ruhani Khazain”, vol. 12, f. 282)
107