Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Por, nëse ata s’të japin përgjigje, atëherë ta dish se ata ndjekin
vetëm dëshirat e tyre të këqija. Dhe kush është më i humbur se
ai që, duke e lënë mbrapa udhëzimin e Allahut, ndjek dëshirat e
veta të këqija. Me të vërtetë, Allahu nuk i tregon rrugë të drejtë
popullit mizor.
(El-Kases, 28:51)
Në këtë ajet, Allahu xh.sh. jep një vendim shumë të qartë që na
bën të ndrojtur se ata që i ndjekin epshet e dëshirat e tyre të
kota, nuk do të përudhen kurrë.
Ne në një anë deklarojmë se e kemi njohur dhe e kemi pranuar
Imamin e Kohës, ndërsa në anën tjetër, megjithëse kemi bërë
zotim e premtim me Imamin se do t’i braktisim zakonet e
këqija, nuk e realizojmë premtimin tonë. A, mos vallë, jemi
duke ecur së prapthi? Secili prej nesh duhet të analizojë veten.
Nëse ne kemi marrë zotim e kemi bërë premtim të vërtetë dhe
i frikësohemi Zotit Tonë; dhe nëse qëndrojmë besnikë ndaj
zotimit tonë; nëse u shmangemi epsheve e pasioneve tona; nëse
ne i drejtohemi Zotit Tonë të Dashur, duke e lavdëruar e duke e
madhëruar Atë; atëherë Ai na jep myzhde për xhenetin e Vet,
siç thotë:
101