Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
ke nevojë për ndihmë, kërkoje prej Tij. Ta dish se nëse të gjithë
njerëzit së bashku dëshirojnë të të sjellin ty ndonjë dobi, ata
nuk mund ta realizojnë dëshirën e tyre, përveçse kur Zoti
dëshiron e të shkruajë dobi në fatin tënd. Po ashtu, nëse të
gjithë ata bashkohen e vendosin të të sjellin ndonjë dëm, ata
nuk mund ta bëjmë këtë, përveçse kur Zoti atë e shkruan në
fatin tënd. Penat janë vënë mënjanë dhe boja është tharë.
(Sunan Tirmidhi, Kitab Sifatul Kiamah, Bab 59)
Në një hadith tjetër, Profeti i shenjtë s.a.v.s. tha:- Ta mbash Zotin
në mend, do ta gjesh Atë përpara vetes. Njihe Zotin në kohën e
lumturisë e të begatisë, Ai do të të njohë ty në kohën e
vështirësive e të varfërisë. Duhet ta dish se çfarë nuk të arriti
ty, nuk ishte e urdhëruar për ty; dhe çfarë është shkruar në fatin
tënd, pa tjetër do ta gjesh atë. Mbani mend se ndihma e
përkrahja e Allahut u takon vetëm atyre që tregohen durimtarë.
Çastet e lumturisë e ato të mjerimit janë të përziera, dhe çdo
mjerim pasohet me lumturi.
(Rijadus Salihin lil Imam en-Navevi, Bab el-murakabah, hadithi 62)
Asnjë vepër e Profetit të shenjtë s.a.v.s. nuk ishte kundër pëlqimit
të Allahut xh.sh., e prapë Ai bënte lutje me përkushtueshmëri e
me pasion për të fituar pëlqimin e Allahut xh.sh.
Hazret Muhammed bin Ibrahimi transmeton një hadith nga
Hazret Aishja r.a. se ajo tha:- Unë isha duke fjetur në krahun e
Profetit të shenjtë s.a.v.s. Natën vonë nuk e gjeta atë në vend.
Fillova ta kërkoja. Atë kohë, dora ime preku këmbën e tij kur ai
ishte në sexhde e bënte këtë lutje: O Allah, unë kërkoj
mbrojtjen e pëlqimin Tënd nga zemërimi Yt; dhe kërkoj
mbrojtjen e faljen Tënde nga ndëshkimi Yt. Unë nuk mund t’i
numëroj rrugët e lavdërimit Tënd. Ti je ashtu si e përshkrove
Vetë veten Tënde.
(Sunan Tirmidhi, Kitabud da’vat, Bab 76/75, hadithi 3493)
92