Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Ata që pajtohen me pëlqimin e Allahut xh.sh., dhe që për hir të
Tij i përballojnë të gjitha mundimet e vuajtjet, kurrë nuk
mbeten të pashpërblyer nga Allahu xh.sh. Shumëkush prej nesh
është personifikim i gabimeve, të lajthitjeve e të të metave të
veta. Ne kryejmë shumë mëkate e gabime. Mirëpo, nëse ne
jemi të mësuar të rrimë të pajtuar me Allahun xh.sh., dhe gjithnjë
jemi të gatshëm që për hir të Tij t’i përballojmë vuajtjet,
mundimet e fyerjet, e jo që të vajtojmë për një mundim të
vogël, siç vajtojnë gratë e siç ankohen e bëjnë bujë të madhe,
atëherë për një durim të tillë Profeti i shenjtë s.a.v.s. jep myzhde.
Vuajtjet e një myslimani
i shlyejnë mëkatet e tij
Hazret Abu Hurejrah r.a. rrëfen se Profeti i shenjtë s.a.v.s. tha:-
Myslimanit nuk i vjen ndonjë fatkeqësi, vuajtje, mjerim e
shqetësim, madje edhe nga të shpuarit e gjembave, por Allahu
xh.sh. me anë të tyre i shlyen mëkatet e tij.
(Sahih Buhari, Kitabul Marda, Bab ma xha’a fi kaffaratil mard,
hadithi 5641, 5642)
Në një hadith tjetër, Hazret Suhejb bin Sannan r.a. rrëfen se
Profeti i shenjtë s.a.v.s. tha:- Çështja e një besimtari është shumë
e çuditshme; aty ka bereqet e mirësi në të gjitha veprat e tij,
dhe kjo është vetëm karakteristika e një besimtari. Ai kur
ballafaqohet me lumturi, gëzim e me diçka të këndshme, e
lavdëron Allahun dhe e falënderon Atë, dhe ky falënderim
shkon në favor të tij; dhe kur ai ballafaqohet me vuajtje,
mjerime dhe me diçka të pakëndshme, duron dhe kjo shkon
gjithashtu në favor të tij, sepse fiton edhe sevapin e durimit.
(Sahih Muslim Kitabuz Zuhd, Bab El-mumin amruhu kulluhu hair)
89