Bejtit - Ahmadiyya Muslim Community

Kushtet e Bejtit dhe përgjegjësitë e një ahmadiu
Mandej, në këtë hadith Profeti i shenjtë s.a.v.s. na këshillon se
nuk duhet të grindemi me njeri tjetrin. Ne shohim se grindjet
fillojnë nganjëherë për shkak të gjërave shumë të vogla e të
parëndësishme. P.sh. gjatë tubimit një person organizator
qorton një fëmijë që vazhdimisht bën zhurmë e prapësi, me
qëllim që ai të korrigjohet. Prindërit e tij, të ulur afër,
menjëherë përveshin mëngët për grindje, dhe personi në detyrë
sillet në mënyrë shumë poshtëruese. Me anë të këtyre sjelljeve
të tyre, ata në një anë e thyejnë zotimin e Bejtit dhe i
shtrembërojnë normat morale të veta, në anën tjetër e dëbojnë
nga zemrat e brezave të tyre pasardhës respektin ndaj
organizimit të Xhematit, e shkulin nga truri i tyre aftësinë e të
dalluarit në mes së mirës e të keqes.
Mandej, ne jemi këshilluar që të mos mbajmë armiqësi mes
veti. Armiqësia fillon për shkak të gjërave të vogla. Zemrat
mbushen me inat e me urrejtje. Disa persona gjithnjë rrinë në
pritë që të gjejnë ndonjë rast të hakmerren, ndërsa porosia është
që të mos armiqësohemi me askënd e as të mos kemi zili për
askënd. Rrëfehet në një hadith se Profetit të shenjtë s.a.v.s. i erdhi
një shok dhe i tha:- O Profet i Allahut, më jepni një këshillë të
shkurtër që të mbetet e paharruar për mua. Ai s.a.v.s. i tha:-
Shmangu zemërimit. Mandej herën e dytë i tha:- Shmangu
zemërimit.
Pra, kur në çdo kohë do të keni në mend t’i shmangeni
zemërimit, atëherë zilia e inati do të zhduken vetvetiu. Përveç
kësaj, njerëzit kanë një dukuri tjetër; që bëjnë pazarllëk mbi
pazarllëkun e tjetërkujt, që t’ia prishin pazarllëkun e bërë prej
tij. Ky hadith na ndalon që të bëjmë kështu. Nganjëherë njeriu
paguan më shumë, jo për dobinë e vet por për t’i sjellë dëm
tjetërkujt e për t’ia prishur pazarllëkun. Po ashtu, dëshiroj të
them se i njëjti mësim zbatohet edhe për çështjen e martesës.
79