06 - Kater rregullat e Shirkut

Shejkh Salih el-Feuzan
Shpjegimi i Katër Rregullave të Shirkut
Thënia e tij “të duruar kur sprovohen”: Allahu () i sprovon robërit e Tij
me fatkeqësi, mjerimi, armiq nga mosbesimtarët dhe hipokritët. Pra, atyre
u duhet të bëjnë durim, të mos dëshpërohen, të mos e humbasin shpresën
nga Mëshira e Allahut, të përforcohen në fenë e tyre dhe të mos lëkunden
për shkak të fitneve apo t’u nënshtrohen atyre. Më saktë, atyre u kërkohet
që të përforcohen në fenë e tyre dhe të tregohen të durueshëm në
vështirësitë që hasin gjatë fitneve. E jo si ai njeri që kur sprovohet
brengoset, zemërohet dhe dëshpërohet ndaj Mëshirës së Allahut. Kështu
që këtij personi i jepen më shumë sprova e fitne.
Ai () ka thënë: “Vërtet, kur Allahu e do një popull Ai i sprovon ata. Kështu,
kushdo që kënaqet, për të është kënaqësia (nga Allahu) dhe kushdo që hidhërohet,
për të është hidhërimi i Tij.” 4
Dhe: “Njerëzit që më së shumti janë sprovuar janë pejgamberët, pastaj ata që më së
shumti janë si ata, pastaj ata që më së shumti janë si ata.” 5
Pejgamberët, besnikët (sidikunët), shehidët dhe robërit besimtarë të Allahut
janë sprovuar që të gjithë, por ata qenë të duruar. Kurse për sa i përket
munafikut (hipokritit, dyfytyrshit), për të Allahu ka thënë:
“Gjen nga njerëzit atë që e adhuron Allahun si të ishte mu në cak (të
dyshimit); nëse i bie e mira, ai kënaqet me të, por nëse e godet
ndonjë sprovë, ai kthehet prapë nga vetja e tij (duke u kthyer në
mosbesim pasiqë e kishte pranuar Islamin) duke i humbur kështu të
dyja, edhe jetën e kësaj botë edhe Jetën Tjetër. Kjo është një
humbje e qartë.” 6
Allahu i Lartësuar thotë:
4 Tirmidhi (4/601), Ibn Maxheh (n. 4031), dhe Ahmed (5/428).
5 Kjo është një pjesë nga hadithi i transmetuar nga Tirmidhi (4/601,602), Ibn Maxheh (n.
4023), Ahmed (1/172,173, 174, 180, 185), Darimij (2/320), Ibn Hibbani në Sahihun e tij
(7/131), dhe Bejhaki (3/372).
6 El-Haxh, 11.
© Selefi . org 7