You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Dr. Jolanda LILA<br />
TRAJTIMI I ISLAMIT NË MEDIAN SHQIPTARE<br />
PËRMBLEDHJE<br />
u n i v e r s<br />
39<br />
Ky material nxjerr në pah prirjet dhe karakteristikat<br />
kryesore të medias shqiptare për nga mënyra e qasjes ndaj<br />
islamit, pra sesi janë parë e trajtuar çështjet që lidhen me<br />
besimin musliman përgjatë një shekulli të lindjes dhe<br />
konsolidimit të shtypit e medias në Shqipëri.<br />
Përmes një vështrimi panoramik bëhet periodizimi i medias<br />
shqiptare duke u bazuar në specifikat e trajtimit të temave<br />
islame, por edhe në sfondin historiko-shoqëror, i cili ka qenë<br />
përcaktues për orientimin e shtypit dhe medias shqiptare në<br />
përgjithësi.<br />
Ky periodizim është i domosdoshëm për të kuptuar<br />
rrethanat në të cilat është gjendur besimi islam në Shqipëri për<br />
shkak të politikave të mbrapshta qeverisëse. Ekzistojnë tri<br />
periudha kryesore që e kanë përcjellë nga qasje e mendësi të<br />
ndryshme çështjen e islamit: periudha e parë (1910-1945) është<br />
koha kur u konsolidua fuqishëm shtypi islam dhe në këto<br />
periodikë shkruanin penat më të ndritura të shoqërisë<br />
shqiptare, të cilat përcillnin mendime dhe materiale të vyera, që<br />
nuk kufizoheshin vetëm në çështje të besimit islam, por<br />
shtriheshin edhe në disiplina të tjera të veprimtarisë njerëzore,<br />
si: filozofi, mjekësi, psikologji, letërsi etj.; periudha e dytë<br />
(1945-1991) është epoka e errët e islamit, në të cilën u ndalua<br />
çdo veprimtari fetare dhe faltoret e objektet e kultit, qofshin<br />
këto edhe me vlera muzeale, u rrafshuan përtokë, ose u kthyen<br />
në magazina mallrash konsumi.<br />
Në këtë lloj situate as që mund të pretendohej për<br />
pasqyrime mediatike të çështjes islame. Besimi fetar<br />
konsiderohej si shpikje për manipulimin e mendjeve njerëzore<br />
dhe aksioma dominuese e propagandës antifetare ishte “Feja<br />
është opium për popullin”; ndërsa periudha e tretë (1991-2013)<br />
është faza ku shtypi islam dhe propaganda mediatike është<br />
përhapur fuqishëm.