You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Viron KONA<br />
ULLMAR KVIK DHE LIBRI I TIJ<br />
“MË SHUMË HEROIZMA, SE SA GRURË”<br />
Në këtë studim, dëshmohet me dashamirësi për mikun e<br />
shquar të shqiptarëve, suedezin Ullmar Kvik. Në pjesën e parë<br />
tregohet se Ai ka lindur më 13 qershor 1934, pra më shumë se 82<br />
vjet më parë, në një familje punëtorësh. Gjatë viteve të studimeve<br />
shfaqi interes për gjuhët e huaja, ndër të cilat ishte edhe shqipja.<br />
Duke dëgjuar Radio-Tiranën, Radio-Shkodrën e Radio-Kukësin ai<br />
mori njohuritë e para për gjuhën shqipe. Më tej, në vitin 1969, nisi<br />
ta mësonte atë me ndihmën e botimeve, që i siguronte në Suedi<br />
nga Shqipëria. Njohuritë për shqipen i shtoi gjatë vizitave në<br />
vendin tonë, në vitet 1970, 1978, 1979, 1994 dhe më 2004 kur mori<br />
pjesë në tubimin e albanologëve në Prishtinë. Ka mbajtur lidhje të<br />
pashkëputura edhe me arbëreshët e Italisë. Ndërsa më 1994 e<br />
vizitoi Shkupin.<br />
Në ato vite, intelektuali i njohur suedez Ullmar Kvik nuk i<br />
shkëputi lidhjet me shqiptarët. Në Suedi ai ka qenë zëdhënës<br />
jozyrtar i Shqipërisë dhe i mbarë Kombit Shqiptar. Ishte<br />
bashkëpunëtor e më vonë edhe kryetar i Shoqatës Suedeze-<br />
Shqiptare, që u themelua në vitin 1970. Për 10 vjet u botua<br />
“Buletini“, një tribunë për shqiptarët dhe letërsinë shqipe.<br />
Nga viti 1981 ai bashkëpunoi me gazetën e re ”Albanien och<br />
vi” (“Shqipëria dhe ne”). Më 2002, Shoqata Suedeze-Shqiptare u<br />
shndërrua në Komiteti Shqiptaro-Suedez, ku Ullmar Kvik dha<br />
parreshtur ndihmesën e tij. Pothuajse të gjitha përkthimet letrare<br />
nga shqipja në suedisht, kanë kaluar nëpër duart e tij. Ai ka botuar<br />
në suedisht një seri veprash të autorëve shqiptarë, të cilat i ka<br />
përkthyer me përkushtim e saktësi. Ka bashkëpunuar në<br />
përpilimin e disa veprave gjuhësore, si: tre fjalorë suedisht-shqip<br />
dhe një gramatikë të suedishtes, në shqip.<br />
u n i v e r s<br />
31<br />
PËRMBLEDHJE