cubo evangelistico

Cubo Evangelístico
Jãga Jesucristoog hõor jaau harrju
møg cubo evangelísticodamau

1
Woun hich pekau hee sim gaaimua
Hẽwandam dʌ̈i k’aba sim hoopibá.
• Hẽwandam bʌ̃ʌrjã pekau chuk’u wajapp’ata k’itʌm.
• Hẽwandamau maach k’õsi sĩerrʌm.
• Hẽwandamau chan maach hãbjã hok’oopimap’a sim. Hiruan
maach t’umaam k’ʌʌnta hich mag hiiu wën[rrapim k’õsi sim.
• Mamʌ mag Hẽwandam dʌï hichmag hiiu wënʌrragan hichiita
jʌrju haai nʌm jãga mag pekau heemua höbërju.
(Juawë garm bi)
• Mʌg woun, maacht jaau sim: pʌ, mʌ...
• Har k’ĩ wëjömua maach pekauta jaau sim.
• Pekaún par hoobam nem Hẽwandamau maachig waupiba jaau
simʌu.
• Biblia gaai jaauwai, “t’umaam k’ʌʌnta pekau wai naawai
t’umaam k‘ʌʌnauta hamachdëupai Hẽwandamag hamach hisegpi
nʌmjö hi warpta wënʌrrʌm” ha sim. (Ro. 3:23)
• Maach pekaúata Hẽwandam dʌï hidëu maach hãba naapiba sim.

2
Pakuls gaai Cristo
simʌg t’oyëu hat’á
• Hẽwandamau maach k’õchk’abaadëwia hich Chaai
hãbpai k’itʌmta woun k’ĩir t’egwia mʌg jẽb gaai pʌïjim.
• Jesús pakuls gaai meejim hich bagau maach pekau
heemua p’ag wai höbëraag. Hichdëuta jũrr maach
pekau chʌgag wai dʌnʌisijim paakuls gaai, magbarm
gaaimua hʌü Hẽwandam haar barju hayaa hamk’ĩir. (1
Pe. 2:24; 3:18)
• Biblia gaai jaauwai, “Hẽwandamau maach pekau pöm
nʌm hãba, Cristo pʌïjim” ha sim, “maach kõit t’õmk’ĩir,
mag pʌïbarmua hich garmua maach k’õsi sim k’ap
hapieg.” (Ro. 5:8)
• Maimua hĩchab Jesuu magjim: “Hẽwandamau hoowai
mʌg durr gaaim k’ʌʌn t’um hok’oo narr haawai ham
peerdʌ haum k’õchgau mʌ hich Hiewaa hãbpai k’itʌmta
ham kõit t’õmk’ĩir pʌïjim, mag gaaimua chi mʌrʌgta
hamach peerdʌpi nʌm k’ʌʌn chan hok’ooba, mʌig
heegarwejã hich dënk’anaa hich haar höbërwia
hichmag hich dʌï wënʌrramk’ĩir.” (Jn. 3:16)

3
• Meebaadeewai hõrau hi hauk’ërjierram
jẽbdeg.
Hi
hauk’ërtarr
jẽbdiig
t’oyeu hat’á
• Mag hauk’ërwia mokpör pöoma simua
chi jẽbdi hi hee joot’ʌ sĩujierram.
4
Cristo hiiu
p’iidʌtarrag
t’oyeu hat’á
• Magnaa soldaaunau haig t’ʌa nʌisijim.
• Hẽwandamau hich chog pʌïjim mag
mokpör pöm sim chawag
pʌrëupʌïnaa chi soldaaun
jãp’ierrpimk’ĩir.
• Jesús mee chaar meetarrta Hẽwandamau
deeu p’iriu hauwia hiiu sĩsĩjim.
• Magtarr pömcha k’aba nʌm hee
Hẽwandamau deeu Jesús hʌ̃gt’ar
harrjim.
• Jesuu hich meebarmua maach
pekau p’ag hauwia hichdëuta hĩchãb
hõor meepiejem jua t’eegjã
pödpʌïjim.

5
Pakuls dën puentek’a
simʌg t’oyeu hat’á
• Hẽwandam haar baraagan k’ʌdau hãbpaita sim, mag
k’ʌdau Jesuu.
• Jesús hiek’atarr Biblia gaai mag sim: “Mʌchpaita
hʌ̃gt’ar maajem k’ʌdau. Mʌ gaaimuata chadam hiekjã
pãrau k’ap’ʌ nʌm. Mʌchdëuta mʌg jẽb gaaiwe hõor
Hẽwandam dënk’apiejem. Hãba mʌ gaaimuapaita
hõran mʌ Haai haar barju haai nʌm.” (Jn. 14:6)
• Hãba Jesús gaaimuapaita maach pekau t’um
chugpaawia pekau chuk’u harrjö Hẽwandam dʌï
hichmag wënʌrraju.
• Mamʌ sĩi magju haai nʌm k’ap’ʌ nʌmuapai pöd maach
peerdʌbam. Hichiita, Jesuu jaau sim k’ap’ʌnaa, warre
hi hiek t’ãraucha hʌ̈k’aju haai nʌm, maach pekau
heemua chadcha maach peerdʌ haumk’ĩir.
• Puata cha jaau nʌmjö Jesucristoou pʌch pekau
chugpaaju k’ĩirjunaa hirig jëeubam chan pʌ pekaun
chugpaba hich mag sĩsiju. (Heb. 4:2)

6
Hʌ̃gt’ar maimua
k’ĩmie durr t’oyeu
• Biblia gaai jaauwai, chi Jesús hiekta hʌ̈k’a sim woun chan
k’ĩmie durr maba hich magta hiiu nʌrraju ha sim, tag meeba.
Mamʌ Jesús hiekta hʌ̈k’aba simʌn ya sĩi k’ĩmie durr
barpʌïjupaita sim; Hẽwandam k’ĩir machag ya sĩi mag woun
gaai sĩi jua k’ʌaba deejupaita sjm. (Jn. 3:16, 18, 36)
• Pekaúa chan nem hajap k’aba warag Hẽwandam jua machagta
jʌrpi sim; mamʌ Jesús gaaima hiiu wënʌrrʌmʌn chadau jëeujã
jëeuba sĩi parta Hẽwandamau maach hich haar haaujem.
• ¿Pʌrʌg pʌ meebaadeewai pʌ jamta sĩem k’õsi sĩ ha jaaupik’iin,
pua jãga jaauk’ajĩ?
• ¿Jesuu pʌch dʌï hajap’a haju ha simta pua hʌ̈k’aju, pʌch
pekau chugpaabapʌ̈ʌiwai hi dʌï hich mag hiiu nʌrraag?
(Hʌ̃gt’ar hoopibá.)
HAGA LA PREGUNTA:
¿Te gustaría confiar en Jesús ahora mismo y ser salvo?
(Si la respuesta es sí, continue.)

(Si dicen que sí)
Biblia gaai: “Pua t’ãraucha hʌ̈k’anaa pʌch hidamaucha, ‘Jesucristo chi meem harrta Hẽwandamau
deeu p’iriu hautarr haawai hichta mʌch Pörk’apiju’ hamʌn pʌ peerdʌju ha sim. (Ro. 10:8)
Mua pʌrʌg jaauju haai chirʌm jãga Hẽwandamag jëeuju; mamʌ hũrbá, pʌchdëu
hiek’abapʌïmuata pʌ peerdʌju habam. Hẽwandamau maach hoojem, hirua k’ap’ʌ sim chadcha
t’ãrauchata maadëu hʌ̈k’a nʌ Jesús hiek, wa sĩi par hiiupaita hʌ̈k’a nʌm hanʌ. Pua t’ãraucha
hʌ̈k’a sim k’ai oraatarrau:
Hẽwandam, hʌ̈uta pua mʌ k’õsi hajim. Mua k’ap’ʌ chirʌm/hʌm chadcha pekau pöm
chirʌm/hʌm. Mua hʌ̈k’a chirʌm/hʌm chadcha pʌ Hiewaa Jesucristota pakuls gaai
meejim mʌ pekau kõit hichdëuta p’agpʌ̈yaag, mamʌ pua deeu hi hiiu p’iidʌpijim.
Mua hʌ̈k’a chirʌm/hʌm chadcha Jesuu mʌ dʌ̈i hichdëu jaau simjö mʌ pekau
chugpaawai mʌ peerdʌ hauju. Mua mʌch hidamaucha hĩsmua hatag Jesuuta mʌ
Pöröu ha chirʌm/hʌm. Hẽwandam, hʌ̈u hajim ha chirʌm/hʌm pʌrʌg, pua mʌ k’õsi
hawia pʌch dʌ̈i hich mag joobapiju haawai. Jesucristo t’ʌ̃r gaai pʌrʌg jëeu
chirʌm/hʌm. Amen.

LA SEGURIDAD DE NUESTRA SALVACION
Hʌ̃gt’ar k’ĩmie durr
dʌï hoopibá
• Pua chadcha Jesucristo gaaipaita hʌ̈k’aju hatarr k’ai,
hũrbá Biblia gaai pʌ higwia mag sim: “…hi hisegba hʌü
warag hi hiek hʌ̈k’a nʌmua warag hirigta hamach
peerdʌpitarr k’ʌʌnan hichdëujã warag Hẽwandam
chaainag paapʌïmajim” ha sim. (Jn. 1:12)
(Dibujo gaai jua joot’ʌ nʌm hoopibá)
• Hich Jesuuchajã hĩchãb magjim: “Cha mʌ dënk’a nʌm
k’ʌʌnaun, jãg ovejaau hiek gaaipai hamach pastor
k’aug haaujemjö, mʌjã k’ap’ʌ nʌm mʌ k’ai hagá;
maagwai mʌchdëujã mua ham k’ap’ʌ chitʌm. Mag mʌ
k’ap’ʌ naawai mʌʌta ham na dʌnʌisimʌn, hamachdëujã
mʌ hẽudee weetjem” hajim. “Magbaawai mʌchdëuta
mʌch Haai haar ham höbërpiju haai hapiejem, tag
hok’ooba sĩi hi chaaink’a hich mag wënʌrramk’ĩir.
Magbarm chan ni hãbmuajã mʌ jua heem k’echt’ʌg
haubamgui” hajim. (Jn. 10:27-28)

(PASO OPCIONAL)
Puente pakuls dën
hoopibá
• Hich Jesuupai hĩchab magjim: “...mʌg mua
jaau chitʌm hiekta hũrwia hʌ̈k’a simuan
Hẽwandam hiekta hʌ̈k’a sim....Mag
hʌ̈k’abarm wounan Hẽwandamau ya hich
dënk’a hauwia hich mag hi dʌï sĩsim hiek’au.
Magbarm woun gaai Hẽwandamau hichdëu
hõor hi hagk’a nʌm hedjã mas deebaju...ya
chi peerdʌm haawai. (Jn. 5:24)
(Chi Puente pakuls dën wau sim sim hʌ̃r
jĩgpiriu jʌãp’ë jaaubá k’ĩsu sim garmua
hararagag, dich pekau hee chi meem harrta
tag meeba hich mag hiiu sĩerraju jawaag.)
Chi cubo warr hich sĩerrjöo hapʌÿaag, chi “hʌ̃gt’ar k’ĩmie durr dʌï” t’oyeu hat’á.

Chi Cristo dʌ̈i wënʌrrʌm k’ʌʌn mʌgta haju haai nʌm
7
Chi cubo evangelístico
warr hich sĩerrjöo sĩsiewai
hëugar chamʌg cuadro
sĩsim. Hag gaai hoonaa
jaaubá chi heeu hʌ̈k’a
simʌg warag hirig Cristo
k’augmamk’ĩir.
Hẽwandamjã k’õsinaa hõorjã t’umaam k’ʌʌn k’ʌʌn k’õsi habá.
—Maestro, Moiseeu ley p’ã pʌatarr gaai, ¿chijãg hiekta tagam k’ʌʌn k’ãaijã chi wajapcharamàwa?
¿K’anta hʌ̃rʌʌcha Hẽwandamau maachig waupim k’õsi sĩ? hajim hirig. Magbaawai Jesuu hirig, —Chi
wajapcharamʌm, “Maach Hẽwandam sĩi par hiiupai k’aba, pʌch t’ãrauchata k’õsi habá” ha p’ã simʌu
hajim hirig. Tagam ley hʌʌrk’api jaau nʌm k’ãaijã maata chir wajapcharamʌugui hajim. Magnaa deeu
hichdëupai, Hãb hagjö hich hagjöpaiimʌʌ simgui hajim. Ma sĩi “Pʌch k’apeenjã wir haig pʌchjö daupii
habá” ha sim. Moiseeu ley p’ãpʌarr t’um tagam k’ʌʌn hagjö Hẽwandam hi jaaumienau jaaujerrpa
mak’ʌʌn dau numiim gaaimuata höbërdʌtk’a nʌm. Mʌk’ʌʌn numiita wajap’a hʌʌrk’a simʌn magan
tagam k’ʌʌn hʌʌrk’api jaau simjã t’um hʌʌrk’a simgui hajim hich Jessuu. (Mt. 22:36-40)

Hed hëepierr Biblia gaai estudiebá, chi Hẽwandam hiek gaai. Nacha San
Juan gaaita hed hëepierr capítulo hãb t’ʌ̃rbá.
...jãg chaai heeu hau k’itʌmua jũd deeg bĩe k’itaajemjö H¹wandam hiek warag k’augam
k’õchgauta dö döm k’õsimjö habat...mag k’aug nʌmua warag hag hiek gaaita hubʌ naag.
(1 Pedro 2:2)
Chi mʌ daupii simuata mʌ hipierraa nem wauju. (San Juan 14:23)
Hʌ̃iba Hẽwandamag jëeubá.
Oraa mamua pua Hẽwandamag hʌü hajim hanaa hi t’ö hiek’aju haai sim, pʌch k’aigpërpi jëeuju
haai sim, pʌch pekaujã chugpaapi jëeuju haai sim, magnaa hĩchab pʌch k’apeen kõitjã jëeuju
haai sim. Hi hiek gaai mag sim:
“...pãach p’it’urg hau wënʌrrʌm t’um Hẽwandamagta jaaubapʌöt, hirig jëeumamua. Mamʌ
mag jëeumamua hĩchab pãach hiek hũurjem paarjã hʌü hajim habat. Pãrau cha mua jaau
chirmjöta hamʌn, magan Hẽwandamau pãar hök’ĩirjug meeupiju. Pãar Cristo dʌï naawai
p’it’urg hauwiejã hĩchab hichdëuta pãar k’õinaa wënʌrrapiju. Mag pãar k’õinaa wënʌrrʌm chi
hʌ̈k’aba nʌm k’ʌʌnau pöd k’augba haajem, jãgata mag pãar nʌisip nʌ. (Fil. 4:6-7)

Deeum k’ʌʌn hagjö Cristo hiek hʌ̈kʼa nʌm kʼʌʌn dʌ̈i hʌĩba hãba
biirdʌbá.
Hẽwandamaun, maach Cristo hiek hʌ̈k’a nʌm k’ʌʌnag hʌĩbata hãba biirdʌnaa hi t’ö hiyʌ̈ʌ nʌmua
hirig jëeunaa, Bibliajã hãba estudienaa deeum k’ʌʌn juagjã hoopi jaau sim:
...culto hee maba sĩi degpai naaju k’aba. Magju k’ãai hagdaujö chik’am wawí nʌmua
warag dich k’apeen honee hapijuuta hẽk’aju. (Heb. 10:25)
Jesucristo hiek hiiur pʌchdëu k’augtarr deeum k’ʌʌnag jaaubá.
Hẽwandamau maachig jaaupim k’õsi sim jũrr deeum k’ʌʌnag jãga hamaujã Jesucristo hiek
hʌ̈k’ap’öbaadeewai Hẽwandam dʌï hichmag wënʌrraju haai nʌ pekau jua heemua
peerdʌp’öbaadeewai. Pua Jesús hõrag k’augpieg ham dʌï hiek’aawai magta haju haai sim.
Jesuu mʌg hiek’ajim:
“Hërëup’öbaadëwi Hẽwandamau hõor peerdʌ haaujem hiekta durrpierram magwe
t’umaam k’ʌʌnag jaaupetat” hajim. (San Marcos 16:15)