Create successful ePaper yourself
Turn your PDF publications into a flip-book with our unique Google optimized e-Paper software.
Baş redaktordan...<br />
Yeni iqtisadi proseslər və yeniliklər davamlı islahatlar<br />
tələb edir. Bu məqsədlə müxtəlif formatlarda müzakirə və<br />
təhlillər aparılır, problem və çətinliklər müəyyən olunaraq<br />
prioritetləşdirilir. Ölkənin ərzaq təhlükəsizliyinin təminatı<br />
istiqamətində təxirəsalınmaz addımlar atılmasına xidmət edən<br />
müxtəlif fərman və sərəncamlar verilir və bütün istehsalçılar<br />
ictimai müzakirələrə cəlb olunur. Hökumətin müvafiq<br />
qurumları, müxtəlif təbəqələrdə fəaliyyət göstərən iş adamları,<br />
sahibkarlar müzakirələrə cəlb olunur, yol xəritəsi yenilənir. Bu<br />
tədbirlərin bütün mərhələlərinin effektiv təmin edilməsi üçün<br />
peşəkarların təklif və tövsiyələri əvəzsizdir. Bu məqsədlə də<br />
Azərbaycan Sahibkarlar Konfederasiyasının təklifi ilə Sahibkarlar<br />
Konfederasiyası "Aqrar İnkişaf və ailə kəndli təsərrüfatları ilə<br />
daimi iş" komissiyasının növbəti işgüzar toplantısına ev sahibliyi<br />
etdik. Görüşə sədrlik edən komissiyanın rəhbəri hörmətli<br />
Abdolbari Goozal bir çox sahələri əhatə edən səmərələşdirici<br />
təkliflərin hazırlanmasında bilavasitə iştirak edərək fəal<br />
müzakirələrə şərait yaratdı. Müzakirələr zamanı əhalinin ərzaq<br />
məhsullarına olan tələbatının ödənilməsi, taxılçılıq, quşçuluq,<br />
heyvandarlıq, idxal-ixrac istiqamətində təşviqedici addımlarla<br />
bağlı müxtəlif təkliflər irəli sürüldü. İştirakçıların hər biri tədbirin<br />
dövlət və özəl sektor arasında yaranmış sağlam dialoq mühitinin,<br />
meydana çıxan çətinliklərin aradan qaldırılmasına mühüm töhfə<br />
olacağına ümidvar olduğunu bildirdi.<br />
Ötən ay hər il olduğu kimi, yenə də pomidor mövsümü ilə<br />
müşayiət olundu. Artıq hər bir azərbaycanlı ailəsinin süfrəsinin<br />
ayrılmaz nemətinə çevrilmiş “Bizim Tarla” markasının istehsal<br />
olunduğu yüksək keyfiyyətli Azərbaycan pomidorunun qəbulu ilə<br />
bağlı bu il də kəndliyə dəstək olmağa çalışdıq. Min bir əziyyətlə<br />
yetişdirdikləri məhsulu zavodlarımıza təqdim edən bölgə insanı,<br />
hər gün güclənən və “made in Azerbaijan” adını şərəflə təmsil<br />
edən “Bizim Tarla” markasını bərəkətləndirir, gücləndirir.<br />
Ölkənin ərzaq təminatının güclənməsi üçün hər gün<br />
yeniliklərə imza atan "Azərsun" ailəsi daha bir yeniliyi ilə<br />
fərqləndi. Kənd təsərrüfatı mütəxəssislərimiz yüksək keyfiyyətli<br />
kartof toxumu yetişdirməklə, kartofçuluqda yeni mərhələnin<br />
başlanmasına nail oldu.<br />
Daim yeniliklər axtarışında olan qrupumuzun budəfəki<br />
qonağı, şirniyyat sənayesində öz sözünü demiş, İtaliyanın<br />
məşhur “Uniqra” şirkəti oldu. Şirniyyat sektorunda çalışan yerli<br />
mütəxəssislər tərəfindən maraqla qarşılanan tədbir barədə bu<br />
sayımızda ətraflı məlumat verilib.<br />
Dəyərli həmkarlarım,<br />
Qeyd etdiyim bu və digər xəbərləri maraqla oxumanız<br />
ümidilə diqqətinizə təqdim edirik.<br />
Afiq Səfərov<br />
İctimaiyyətlə Əlaqələr və<br />
Biznesin İnkişafına Dəstək<br />
Departamentinin müdiri<br />
5
Change language