Pinagmamalaki Ko Ako ay Pilipino - eSkwela Naga City

Bayanihan o Pagtutulungan
Ang ibig sabihin ng katangiang ito’y pagsasama-sama at
pagtutulungan o kahandaang tumugon sa ibang tao, lalo na sa
ating mga kapitbahay at kababayan. Ang ibig sabihin din
nito’y katiwasayan at pagdama ng pagkakabuklud-buklod o
diwa ng pagtutulungan na nagtutulak sa mga tao na samasamang
kumilos para sa isang magandang layunin.
Tiyaga, Positibong Pananaw sa Buhay at
Pagkamalikhain
Ginagawa at tinatanaw ng mga Pilipino ang mga bagay
hanggang katapusan. Lagi tayong may positibong pananaw,
pag-asa at pagtingin sa magandang bahagi ng buhay. Gaano
man kahirap ang ating buhay, sumusulong tayo dahil alam
nating sa dulo’y muling sisikat ang araw. Tinatanggap natin
ang lahat nang mahinahon at magaan dahil sa ating pagiging
matiyaga.
Utang na Loob
Ibig sabihin nito’y tumatanaw tayo ng utang na loob sa
sinumang gumawa sa atin nang mabuti o tumulong sa atin sa
oras ng pangangailangan. Sa ganyang dahilan, gusto nating
gumawa nang mabuti bilang tanda ng ating pasasalamat.
Pakikisama o Pakikibagay sa Ibang Tao
Sa pagkakaroon ng mabuting pagsasamahan,
nauunawaan natin ang pagkakamali ng ating mga kaibigan at
pamilya para lamang mapanatili ang katiwasayan.
Mabuting Pagtanggap o Pag-eestima sa Bisita
Napakapalakaibigan at bukas-palad natin sa pagtanggap
at pag-estima sa mga bisita o kahit sa mga estranghero.
9