Ang Nervous System.pdf - eSkwela Naga City

♦ Magpahinga at iwasan ang sobrang pagod.
♦ Kumain ng masusustansyang mga pagkain lalo na ang mga pagkaing mayaman
sa bitamina B.
♦ Komunsulta sa doktor kapag may napansin o nakaramdam na kakaiba sa iyong
katawan.
Natapos mo na ang buong aralin sa modyul. Binabati kita! Nasiyahan ka ba?
Marami ka bang natutuhan sa modyul na ito?
Upang lagi mong matandaan ang iyong pinag-aralan, narito ang kabuuan ng
mahahalagang bagay sa modyul na ito.
Ibuod Natin
Isinasaad ng modyul na ito na:
♦ May apat na gawain ang nervous system, ito ang mga sumusunod:
autonomic, motor, cognitive at sensory.
♦ May dalawang pangunahing bahagi ang nervous system, ito ang mga
sumusunod: ang central nervous system at ang peripheral nervous system.
Ang central nervous system ay binubuo ng utak at spinal cord. Binubuo
naman ng mga nerve cells na nagsanga mula sa utak at spinal cord ang
peripheral nervous system.
♦ Ang utak ang control center ng katawan. Tumatanggap ito ng mga
impormasyon mula sa iba’t ibang bahagi ng katawan. Kapag nakatanggap ng
impormasyon ang utak, pinoproseso niya ito at ipinapadala bilang mga
senyales upang utusan ang bahagi ng katawan kung paano tutugon sa isang
partikular na stimulus.
♦ Nagsisilbing tulay ang spinal cord sa pagitan ng utak at mga nerve cells.
♦ Ang nerve cell o neuron ang batayang yunit na bumubuo ng nervous system.
May kakayahan itong magdala ng mga electrical impulse.
♦ Madaling masira ang nervous system. Maaring mapinsala ang bungo at
vertebrae na prumoprotekta sa utak at spinal cord. Gayundin ang mga disc
na prumoprotekta sa vertebrae. Maaring makaapekto sa nervous system ang
mga sakit tulad ng: stroke, meningitis, epilepsy, multiple sclerosis,
Alzheimer’s disease, Parkinson’s disease at pagkasira ng kaisipan o mental
retardation.
♦ Binigyang daan ang mga makabagong kaalaman sa neuroscience ang pagunlad
ng mga paraan ng pagsuri at paggamot sa mga pinsala ng nervous
system.
46