Ang Nervous System.pdf - eSkwela Naga City

Pagkatapos gawin ang mga pagsasanay na ito, isipin mo kung gaano ka kapalad
dahil gumagana ng maayos ang iyong nervous system.
Alamin Natin
Dahil sa maraming mga aksidente at mga sakit ang maaaring makaapekto sa
nervous system, naging maunlad ang mga makabagong teknolohiya sa (neurosciences)
pag-aaral sa nervous system. Ang mga pag-unlad na ito ay tumutulong sa mga
siyentipiko at mga doktor na magkaroon ng higit na kaalaman sa nervous system at sa
mga sakit na nakaaapekto dito.
Mga Makabagong Pag-unlad sa Neurosciences
Isang napakahalagang teknolohiya ang naimbento upang lalong maintindihan ang
estruktura at kung paano gumagana ang utak. Ito ang computerized axial tomography
scan, kilala rin sa tawag na CAT scan or CT scan. Ang CT scan ay isang x-ray
technique na sumusuri sa utak at iba pang parte ng katawan na maituturing na ligtas.
Nagbibigay ito ng mas magandang kaalaman tungkol sa utak at iba pang bahagi ng
nervous system sa pamamagitan ng isang detalyadong pag-aaral sa mga estruktura nito.
Sa isang CT scanner, isang x-ray tube ang umiikot sa isang partikular na parte ng
katawan ng tao. Ang tubo ay naglalabas ng tamang dami ng radiation para sa mga
himaymay ng laman na pinag-aaralan. Pagkatapos, kinukuhanan nito ng larawan ang mga
himaymay ng laman mula sa iba’t-ibang anggulo. Isang programa sa computer ang
bumubuo ng isang imaheng mababasa mula sa ini-scan na bahagi ng katawan.
CT Scan Room
Isang sensitibong teknik sa pag-iimahe ang magnetic resonance imaging (MRI).
Gumagamit ang teknik na ito ng isang malakas na magnetic field, radio waves at
kompyuter upang makita ang loob ng katawan ng pasyente. Pinakamabisang gamitin
ang MRI upang makahanap ng pinsala sa spinal cord.
38