Ang Nervous System.pdf - eSkwela Naga City

Alamin Natin
Gulugod (Spinal Cord)
Subukan ang aktibidad na ito. Haplusin ang iyong batok. Pagkatapos, abutin pababa
hanggang sa makakaya ang iyong likod at pakiramdaman ang hanay ng mga buto.
Mahuhulaan mo ba ang dami ng iyong buto sa hanay na ito?
Nahawakan mo ang iyong spinal o vertebral column na pumoprotekta sa iyong
spinal cord (gulugod). Ang pababang ekstensyon ng iyong utak ay tinatawag na spinal
cord. Kinakailangan sigurong magkaroon ng daan ang utak upang matanggap ang mga
signal at makapagpadala ng mga utos sa iba’t ibang bahagi ng katawan. Ginagampanan
ng spinal cord ang gawaing ito. Pinapayagan nito ang mga impulse na maglakbay
papunta at pabalik sa utak. Kung wala ang spinal cord, hindi makakatanggap o
makakapagpadala ng mga impormasyon ang utak. Kung wala ang spinal cord,
mawawalan ng kakayahan ang utak na makontrol ang katawan.
Isang napakadelikadong istruktura ang spinal cord. Kasing kapal lamang ito ng
iyong palasingsingan. Binubuo ito ng 31 bungkos ng nerves, na lumalabas galing sa 33
konektadong buto na tinatawag na column o backbone. Napakasensitibo ng mga
nerves na bumubuo ng spinal cord kaya kailangan itong protektahan.
22