Sangguniang Manwal ng Guro para sa Lumang Tipan

• Pagsuway ang hadlang sa pagkakamit natin ng mga pribilehiyo
at pagpapala na nais ibigay sa atin ng Panginoon
(tingnan sa Exodo 32:7–9, 15–16; tingnan din sa Gabay sa
mga Banal na Kasulatan, PJS, Exodo 34:1–2, 14; D at T
84:19–25).
• Ang Panginoon ay nagpapakita sa mga taong matwid sa
lupa ayon sa kanyang kalooban (tingnan sa Exodo 33:11;
tingnan din sa Exodo 24:9–10; Gabay sa mga Banal na Kasulatan,
PJS, Exodo 33:20, 23; D at T 88:67–68; 93:1).
Mga Mungkahi sa Pagtuturo
Ang Video ng Lumang Tipan pagtatanghal 14, “Ang Tabernakulo,”
ay nagpapamalas kung paano nangyari
ang isang kaganapan noong araw na nagtuturo ng simbolismo
ng tabernakulo (tingnan sa Gabay sa Video ng Lumang Tipan
para sa mga mungkahi sa pagtuturo).
Exodo 25–40. Ang tabernakulo ay isang sagradong
lugar sa mga anak ni Israel, tulad ng templo sa
atin. Ang mga ordenansa ng kaligtasan na natatanggap
doon ay nagtuturo ng huwaran ng pagbalik sa piling ng
Ama sa Langit. (40–50 minuto)
S M T W TH F S
Bago magdatingan ang mga estudyante, gumamit ng teyp o
tali para makagawa sa sahig ng balangkas ng tabernakulo at
ng bakuran [outer courtyard] nito (tingnan sa diagram sa Old
Testament: Genesis–2 Samuel, p. 155). Dekorasyunan ang silid
ng mga larawan ng sinauna at makabagong mga templo o
magdrowing at lagyan ng label sa pisara ang tabernakulo at
bakuran nito.
Ipapaliwanag sa mga estudyante ang layunin ng mga templo.
Binabanggit sa mga banal na kasulatan ang dalawang pangkalahatang
layunin ng mga templo. Ipabasa sa mga estudyante
ang sumusunod na mga banal na kasulatan at ipalahad
kung ano ang mga layuning iyon:
• Exodo 25:8; 29:42–45; D at T 97:15–16 (Upang maging bahay
ng Panginoon.)
• D at T 124:38–41 (Upang gumawa ng mga tipan at tanggapin
ang sagradong mga ordenansa.)
Ipaunawa sa mga estudyante na ang isang mahalagang layunin
ng templo ay turuan tayo nang mas marami pa tungkol sa
plano ng kaligtasan at kung paano matatanggap ang lahat ng
pagpapala ng planong iyan—ngayon at sa kawalang-hanggan.
Totoo ito sa tabernakulo sa Israel, na kanilang templo.
Magdrowing at lagyan ng label ang diagram ng tabernakulo
at ang bakuran nito sa pisara, tulad ng makikita sa Old Testament:
Genesis–2 Samuel (p. 155). Sabihin sa mga estudyante na
alamin kung saan naroon ang kanilang upuan sa “tabernakulo”
sa balangkas na ginawa ninyo sa sahig bago magsimula
ang klase. I-grupo ang mga estudyante batay sa kanilang kinalalagyan
at ipaulat sa kanila ang nangyayari sa bahaging
iyon ng tabernakulo at ano ang maituturo nito sa atin tungkol
sa pag-unlad tungo sa buhay na walang hanggan. Ang
93
Exodo 25–40
mga estudyante sa panlabas na bakuran ng tabernakulo ay
mag-uulat tungkol sa dambana ng handog at sa hugasang tubig;
ang mga nasa dakong banal ay mag-uulat tungkol sa dulang
ng tinapay na handog, sa gintong kandelero, at sa dambana
ng kamangyan; yaong mga nasa Kabanal-banalang Dako
ay mag-uulat tungkol sa kaban ng tipan. Ipagamit sa kanila
ang bahagi para sa Exodo 25–27; 30 na nasa kanilang gabay
ng estudyante sa pag-aaral para makahanap ng impormasyon
sa mga banal na kasulatan at mga tanong na makakatulong
sa kanila na maipaliwanag ang kahalagahan ng bawat
bagay sa ebanghelyo.
Pagkatapos ihanda ng mga grupo ang kanilang mga ulat,
sama-samang palibutin ang mga estudyante sa tabernakulong
nakabalangkas sa sahig, na ipinapaliwanag ng mga miyembro
ng bawat grupo ang lugar na iniatas sa kanila at ang kahalagahan
ng bawat elemento sa ebanghelyo. Magdagdag ng impormasyon
tungkol sa kahalagahan ng mga bagay sa ebanghelyo
sa diagram na nasa pisara habang nag-uulat (tingnan sa
diagram sa Old Testament: Genesis–2 Samuel, p. 156).
Kung mayroon, ipakita sa mga estudyante ang mga larawan
ng makabagong mga templo na matatagpuan sa magasin na
Mga Templo ng Ang Simbahan ni Jesucristo ng mga Banal sa mga
Huling Araw (31138 893). (Kabilang sa iba pang mga mapagkukunan
ng mga larawan ang mga aklatan ng meetinghouse,
magasin ng Simbahan, at ang pakete ng mga larawan ng sining
ng ebanghelyo.) Ipakita kung paanong ang mga kasangkapan
at silid sa mga templong ito ay nagpapakita rin ng huwaran
ng pagbabalik natin sa piling ng ating Ama sa Langit.
Magpasulat sa bawat estudyante ng kahit man lang dalawang
bagay na natutuhan nila mula sa aktibidad na ito. Kung may
oras pa kayo, anyayahan ang ilan sa kanila na ibahagi ang kanilang
isinulat.
Exodo 28:1. Ang mga tao ay kinakailangang tawagin ng
Diyos at maorden sa priesthood ng mga yaong may karapatan.
(15–20 minuto)
Habang nakamasid ang klase, manghiram ng isang bagay na
mahalaga, tulad ng relo o singsing, mula sa isa sa inyong mga
estudyante. Pagkatapos ay ialok ito sa murang halaga sa iba
pa na nasa klase. Kapag tumutol ang nagmamay-ari ng mga
bagay, itanong sa klase kung ano ang mali sa pagtatangka
ninyong ibenta ang gamit ng iba. (Wala kayong karapatan o
awtoridad na gawin iyon.) Ipahambing sa mga estudyante
ang inyong ginawa sa isang sitwasyon kung saan nag-alok
ang isang taong hindi nagtataglay ng priesthood na binyagan
ang isang kaibigang hindi miyembro. Itanong: Magkakabisa
ba ang binyag? Bakit hindi?
Ipabasa sa mga estudyante ang Exodo 28:1 at alamin kung
ano ang ipinatanggap ng Panginoon kay Aaron at sa kanyang
mga anak. Pamarkahan at ipa-cross-reference sa kanila ang
Exodo 28:1 sa Mga Hebreo 5:1, 4 at Saligan ng Pananampalataya
1:5. Itanong: Batay sa mga talatang ito, paano tinatawag
sa priesthood ang isang tao?