Sangguniang Manwal ng Guro para sa Lumang Tipan

Ang Aklat ng Exodo
Basahin ang Exodo 23:1–9 sa inyong mga estudyante at itanong:
• Paano tayo minsan sinusubukang impluwensyahan ng
mga kabarkada na labagin ang mga kautusan?
• Ano ang magagawa nating pakikipag-ugnayan na tutulong
sa atin na madaig ang mga pamimilit na ito?
• Ano ang mga pagpapala ng pagsunod sa mga batas ng
Diyos?
• Ano ang magiging epekto nito sa ating lipunan kung ipinamumuhay
ng mga tao ang mga batas na ito?
Ipabasa sa mga estudyante ang Exodo 23:20–33 at ilista ang
ipinangakong mga pagpapala ng Panginoon sa Israel at mga
babalang ibinigay niya sa kanila (tingnan sa komentaryo
para sa Exodus 23:20–31 sa Old Testament: Genesis–2 Samuel,
p. 141).
Ipaunawa sa mga estudyante na ang batas ni Moises ay hindi
sinaunang batas at kinailangan nito ang makadiyos na paguugali
at katapatan sa mga tipan. Itanong: Kailan tayo nakikipagtipan
na susundin ang mga kautusan? (tingnan sa D at T
20:77, 79).
Basahin ang Exodo 24:1–11 sa inyong mga estudyante at talakayin
ang pangyayaring naganap sa pitumpu ng mga matanda
sa Israel sa harap ng Panginoon dahil sa kanilang katapatan.
Sinabi ni Elder Bruce R. McConkie:
“Kung wala ‘ang kapangyarihan ng pagkadiyos,’ ibig
sabihin kung walang kabutihan, ‘walang tao ang makakakita
sa mukha ng Diyos, maging ng Ama, at mabubuhay.’
Ang masasama ay matutupok sa kanyang harapan.
‘Ngayon ito ay maliwanag na itinuro ni Moises sa
mga anak ni Israel sa ilang, at masigasig na naghangad
na pabanalin ang kanyang mga tao upang kanilang
mamasdan ang mukha ng Diyos.’ Ang mapabanal ay
maging malinis, dalisay, walang bahid-dungis, walang
kasalanan. Sa pinakahuling araw, ang mga yaong pinabanal
ay mapupunta sa kahariang selestiyal, ang kaharian
kung saan nananahan ang Diyos at si Cristo. ‘Subalit
kanilang [ang mga anak ni Israel] pinatigas ang
kanilang mga puso at hindi nakatagal sa kanyang harapan’—dahil
ayaw nilang maging dalisay sa puso—
‘kaya nga, ang Panginoon sa kanyang poot, sapagkat
ang kanyang galit ay nagsiklab laban sa kanila, ay sumumpa
na hindi sila makapapasok sa kanyang kapahingahan
habang nasa ilang, kung aling kapahingahan
ay kaganapan ng kanyang kaluwalhatian.’ (D at T
84:21–24.) Nakita sana ng buong Israel ang Panginoon
kung nakinig sila sa payo ni Moises, ngunit iilan lamang
ang nakinig. Minsan, halimbawa, sina Moises at
Aaron, Nadab at Abiu na mga anak ni Aaron, at ‘pitongpu
ng mga matanda sa Israel … [ay] nakita ang
Dios ng Israel,’ habang ang hukbong kasama ni Moises
ay nanatili sa kanilang madilim na kalagayan (Exodo
24:9–10)” (A New Witness for the Articles of Faith, 494).
92
Magpatotoo na ang tunay na kapayapaan at kaligayahan at
walang hanggang mga pagpapala ay nagmumula sa pagsunod
sa mga kautusan.
Pambungad
Exodo 25–40
Sa Bundok ng Sinai, inihayag ng Panginoon kay Moises ang
maluwalhating plano ng pagtubos sa mga anak ni Israel. Ang
planong ito ay nagbigay sa kanila ng pagkakataong matanggap
ang kabuuan ng kanyang kaluwalhatian (tingnan sa Exodo
25:8; 40:34–38; D at T 84:19–24). Bilang bahagi ng planong
ito, tumanggap si Moises ng mga tagubilin tungkol sa pagtatayo
ng tabernakulo, ang layunin nito, at ang mga taong mangangasiwa
rito. Sa loob ng tabernakulong iyon ay matatanggap
ng mga anak ni Israel ang mga ordenansa ng priesthood
at mga tipan ng kaligtasan, at marami sa mga katotohanang
inihayag noong panahong iyon ang mababanaag din sa ating
mga templo ngayon. Marami sa impormasyon ang inuulit
nang dalawang beses; nasa Exodo 25–30 ang mga planong natanggap
ni Moises para sa tabernakulo, samantalang inilalarawan
sa mga kabanata 35–40 ang aktuwal na pagtatayo.
Ang Exodo 32–34 ay naglalaman ng malungkot na salaysay
ng pagkawala sa mga anak ni Israel ng kaganapan ng mga
pagpapala ng priesthood dahil sa pagsuway at, bunga nito, tinanggap
ang mas mababang bahagi. Bago umakyat si Moises
para tanggapin ang mga tapyas na bato, nakipagtipan ang
mga anak ni Israel na susundin ang mga kautusan ng Panginoon
(tingnan sa Exodo 24:1–7). Gayunman, nang wala na
si Moises, sinira ng mga Israelita ang kanilang mga tipan, na
nagbunga ng kaunting biyaya at mga pagkakataon.
Isipin kung paano umaangkop ang mga kabanatang ito sa sarili
ninyong buhay habang sinisikap ninyong sundin ang mga
tipang ginawa ninyo sa Panginoon. Pansinin ang mala-
Cristong halimbawa ni Moises nang mahalin niya, ipagmakaawa,
at patuloy na turuan at akayin ang mga anak ni Israel.
Ilang Mahahalagang Alituntunin ng
Ebanghelyo na Hahanapin
• Iniutos ng Diyos sa kanyang mga anak na magtayo ng mga
templo. Ang mga templo ay lugar kung saan gumagawa
ng mga tipan at natatanggap ang mga ordenansa ng kaligtasan.
Itinuturo ang mga alituntuning naghahayag ng huwaran
kung paano babalik sa piling ng ating Ama sa Langit
(tingnan sa Exodo 25–31; 35–40).
• Ang mga tao ay kinakailangang tawagin ng Diyos at ordenan
sa priesthood ng mga yaong may karapatan (tingnan
sa Exodo 28:1; tingnan din sa Mga Hebreo 5:4; Mga Saligan
ng Pananampalataya, 1:5).