Sangguniang Manwal ng Guro para sa Lumang Tipan

Ang Aklat ng Exodo
f. Ang pagpatay sa mga panganay sa Egipto ang nagbigay-daan
sa paglaya ng mga anak ni Israel. Ang pagkamatay
ni Cristo, na Panganay na Anak ng Diyos, ang espirituwal
na nagpalaya sa atin (tingnan sa Exodo 12:12;
13:14–15; tingnan din sa Mga Taga Colosas 1:13–18;
D at T 93:21).
g. Nilampasan ng “maninira o manlilipol” ang mga anak
ni Israel. Inililigtas tayo ng Pagbabayad-sala mula sa kapangyarihan
ni Satanas (tingnan sa Exodo 12:21–23,
26–27).
h. Ang Paskua ang nagpasimula sa paglalakbay ng mga Israelita
papunta sa lupang pangako. Si Cristo ang naghahatid
sa atin sa kahariang selestiyal (tingnan sa Exodo
12:25; tingnan din sa Alma 37:45).
i. Walang mababaling buto sa tupa, tulad ni Jesus na hindi
nabalian ng mga buto (tingnan sa Exodo 12:46; tingnan
din sa Mga Awit 34:20; Juan 19:31–36).
Mga Mungkahi sa Pagtuturo
Ang pagtatanghal 13, “Ang Paskua,” ay nagpapamalas
kung paano nangyari ang isang kaganapan noong
araw na nagtuturo ng simbolismo ng Pista ng Paskua (tingnan
sa Gabay sa Video ng Lumang Tipan para sa mga mungkahi
sa pagtuturo).
Exodo 11–12. Ang pagsunod sa mga utos ng Diyos at sa
payo ng kanyang mga propeta ay nagbibigay ng espirituwal
at pisikal na proteksyon. (25–35 minuto)
Itanong sa mga estudyante:
• Kung sinabi ng propeta na may darating na kalamidad sa
inyong lugar at na lahat ng nagsisimba ay maliligtas, pupunta
ba kayo? Bakit?
• Sa palagay ba ninyo may ilang taong hindi magpupunta?
• Ano kaya ang maaari nilang maging mga dahilan sa hindi
pagpunta?
Ipaalala sa mga estudyante ang unang siyam na salot na ipinadala
sa Egipto (tingnan sa Exodo 7–10). Ipabasa sa kanila
ang Exodo 11:4–10 at ipatukoy kung ano ang pinakahuling salot.
Itanong:
• Paano tumugon si Faraon sa mga babala ni Moises? (tingnan
sa Exodo 11:10 at talababa 10a).
• Sa palagay ninyo, bakit patuloy na ipinagwalang-bahala ni
Faraon ang mga babala ni Moises kahit na nangyari ang lahat
ng ipinropesiya ni Moises?
Ipabasa sa mga estudyante ang Exodo 12:1–28, na hinahanap
kung ano ang ipinagawa sa mga anak ni Israel upang “lampasan”
ng “manlilipol” ang kanilang tahanan. (Paalala: Ang simbolismo
ng Paskua ay itinuturo sa mungkahi sa pagtuturo
para sa Exodo 12.) Ilista sa pisara ang nakita nila. Ipabasa sa
kanila ang Exodo 12:29–30 at ipaulat ang nangyari sa mga hindi
sumunod. Kasama ang inyong mga estudyante, basahin at
82
paghambingin ang Exodo 11:4–8 at 12:31–41. Itanong: Ano ang
itinuturo sa atin ng mga talatang ito tungkol sa mga propesiya
ng Panginoon sa pamamagitan ng kanyang mga propeta?
Ipakita ang isang larawan ni Propetang Joseph Smith at itanong
sa mga estudyante kung ano ang ilang mga babala na
ibinigay sa atin ngayon ng Diyos? (tingnan sa D at T 1:1–17).
Ipabasa sa mga estudyante ang Doktrina at mga Tipan 89:4–9,
18–21 at talakayin ang ilan sa mga bagay na sumisira sa mga
tao sa ating panahon at kung ano ang sinabi ng Panginoon na
kailangan nating gawin para maiwasan ang mga ito. (Maaari
ninyong repasuhin ang pinakahuling isyu ng pangkalahatang
kumperensya sa Liahona o sa polyetong Para sa Lakas ng mga
Kabataan at talakayin ang ilan sa partikular na mga babala at
payo na ibinibigay ng Panginoon ngayon.) Itanong:
• Bakit ipinagwawalang-bahala ng ilang tao ang mga babala
at payo ng Diyos ngayon?
• Ano ang nangyari sa lahat ng kapanahunan noon na tumangging
makinig sa mga babala ng Panginoon sa pamamagitan
ng kanyang mga propeta?
Anyayahan ang mga estudyante na magbahagi ng angkop na
mga karanasan tungkol sa mga pagpapalang natanggap nila
sa pagsunod sa mga propeta ng Panginoon at sa iba pang
mga lider ng Simbahan.
Simbolismo ng Banal na Kasulatan. Ang pag-unawa sa
simbolismo ng banal na kasulatan—pati ang dahilan kung
bakit ito ginagamit ng Panginoon at paano ito bigyan ng
kahulugan—ay magpapaigi sa ating pag-aaral ng Exodo
at ng nalalabing bahagi ng Lumang Tipan. (15–20 minuto)
Paalala: Bago gamitin itong mungkahi sa pagtuturo, maging
pamilyar sa materyal sa enrichment section C ng Old Testament:
Genesis–2 Samuel (mga pahina 111–15). Tingnan lalo na
ang subsection na “Bakit Gumagamit ang Panginoon ng Napakaraming
Matalinghagang Paglalarawan sa mga Banal na
Kasulatan?”
Magdala ng mga bagay sa klase o magdrowing at magpakita
ng mga larawan ng mga simbolong inaakala ninyong maaalala
ng inyong mga estudyante. Itanong sa kanila kung ano ang
magkakatulad sa mga bagay at mga larawan. Kapag natuklasan
nilang lahat ng ito ay mga simbolo, sabihin sa kanila na
napakaraming simbolismo sa mga banal na kasulatan—lalo
na sa Lumang Tipan.
Basahin sa klase ang sumusunod na pahayag ni Elder Bruce R.
McConkie, miyembro ng Korum ng Labindalawang Apostol:
“Upang maging napakalinaw sa ating isipan ang mga
walang hanggang katotohanan na kailangan nating
tanggapin at paniwalaan upang maligtas, upang maipamuhay
ang tunay na kahulugan at kahalagahan ng mga
ito at hindi na ito kailanman malimutan, upang maituon
ang ating pansin sa nakapagliligtas na mga katotohanang
ito, nang paulit-ulit, ang Panginoon ay gumagamit