Sangguniang Manwal ng Guro para sa Lumang Tipan

sumusunod na kahon. Sabihin sa mga estudyante na matutuklasan
nila ngayon kung ano ang kinalaman ng lente at ng papel
kina Moises at Faraon.
Lente = _____________________________________
Nakasulat sa papel = __________________________
Itanong sa mga estudyante ang sumusunod:
• Kung ang propeta ngayon ay gumawa ng gayong himala,
madaragdagan ba nito ang inyong pananampalataya na
siya ay isang propeta? Bakit?
• Kumbinsido rin ba ang lahat katulad ninyo na siya ay
isang propeta? Bakit hindi?
Ipabasa sa mga estudyante ang Exodo 7:13–14; 8:15–19;
9:7–12; 10:27; 11:1–10. Itanong sa kanila kung bakit hindi nakumbinsi
ng mga himala si Faraon tungkol sa katotohanan.
Basahin ang Doktrina at mga Tipan 63:7–12 sa inyong mga estudyante
at talakayin ang sinabi ng Panginoon tungkol sa
mga himala at pananampalataya. Ibahagi ang sumusunod na
katotohanan mula kay Elder Bruce R. McConkie, na miyembro
noon ng Korum ng Labindalawang Apostol:
“Walang nakasaad sa batas ng pananampalataya na
ang mga himala ay makalilikha ng pananampalataya.
Ang mga palatandaan ay sumusunod; hindi nauuna”
(Doctrinal New Testament Commentary, 3 tomo
[1966–73], 1:632).
Ituro ang dalawang hindi tapos na equation sa pisara at itanong
sa mga estudyante kung mapupunan na nila ngayon
ang mga puwang. Itanong:
• Gaano ang pakinabang ng lente sa papel na wala namang
nakasulat?
• Gaano ang pakinabang ng mga himala sa mga taong tulad
ni Faraon, na piniling magrebelde at hindi maniwala?
Ipaunawa sa kanila na ang mga sulat sa papel, gaano man kaliit
ang mga ito, ay kumakatawan sa ating pananampalataya
at ang lente ay kumakatawan sa isang himala o palatandaan.
Tulad ng kung paanong mapalalaki ng lente ang nakasulat,
madaragdagan din ng mga himala ang pananampalataya. Gayunman,
hindi makalilikha ng pananampalataya ang mga himala
tulad din na hindi makalilikha ng sulat ang lente. Paalalahanan
sila na “ang mga tanda na ito ay susunod sa kanila
na naniniwala” (D at T 84:65; tingnan din sa D at T 58:64).
81
Pambungad
Exodo 11–13
Itinuro ni Nephi na mula sa simula ng daigdig ang lahat ng
bagay ay ibinigay upang isimbolo si Jesucristo at ang kanyang
Pagbabayad-sala (tingnan sa 2 Nephi 11:4). Halimbawa,
nang iutos ng Diyos kay Abraham na ialay si Isaac bilang sakripisyo,
nagbigay ito ng uri o kahalintulad ng sakripisyo ng
Ama sa Langit sa kanyang Bugtong na Anak (tingnan sa Jacob
4:5). Si Jose, na ipinagbili sa Egipto, ay isang uri o simbolo
din ni Cristo at ng kanyang ministeryo (tingnan sa Genesis
47:14–25).
Ang Exodo 11–13 ay naglalaman ng isa sa mga pinakamatinding
uri o simbolo ni Jesucristo—ang Paskua. Ang pagkaligtas
ng mga Israelita mula sa pagkaalipin sa Egipto ay hindi
lamang isa sa mga pinakamalaking pangyayari sa kasaysayan,
kundi puno rin ito ng mahalagang simbolo.
Ilang Mahahalagang Alituntunin ng
Ebanghelyo na Hahanapin
Exodo 11–13
• Ang Panginoon ay gumagamit ng mga simbolo at ordenansa
tulad ng Paskua at ng sacrament upang ipaalala sa atin
ang kanyang makapangyarihang mga gawa, kapwa noon
at sa hinaharap (tingnan sa Exodo 12:5–7, 13, 43–50).
• Ang Panginoon ay nagbibigay-daan upang makaligtas ang
matatapat at masunurin sa pisikal at espirituwal na mga
kapahamakan na dumarating sa masasama (tingnan sa
Exodo 12:23; tingnan din sa D at T 89:18–21).
• Ang Paskua ay simbolo ng Pagbabayad-sala ni Jesucristo:
a. Ang Paskua, na dapat palaging alalahanin ng mga anak
ni Israel, ay tanda ng pagsisimula ng bagong buhay. Ang
Pagbabayad-sala, na kailangan nating palaging alalahanin,
ay nagbibigay sa atin ng bagong espirituwal na buhay
(tingnan sa Exodo 12:1–2, 14; tingnan din sa Alma
11:45; Moroni 4:3).
b. Ang tupa ay simbolo ni Jesucristo, ang “Kordero ng Dios”
(tingnan sa Exodo 12:3; tingnan din sa Juan 1:29–36).
c. Ang tupa ay lalaki at “walang kapintasan” (walang kasiraan)
at sumisimbolo sa pagiging perpekto ni Cristo
(tingnan sa Exodo 12:5; tingnan din sa Mga Hebreo 4:15).
d. Ang tupa ay pinapatay. Ang dugo nito ay simbolo ng
dugo ni Jesucristo (tingnan sa Exodo 12:6–7, 13; tingnan
din sa Alma 21:9).
e. Ang mga diyus-diyusan ay hinatulan at nilipol, na simbolo
ng pagtatagumpay ng Pagbabayad-sala ni Cristo laban
sa masama (tingnan sa Exodo 12:12).