Sangguniang Manwal ng Guro para sa Lumang Tipan

kahit sa isipan ng mga Egipcio (tingnan sa Exodo 7:3–5;
8:10, 19, 22; 9:13–14, 29; 10:1–2; 11:4–7).
Itanong sa mga estudyante:
• Ano sa palagay ninyo ang madarama ninyo kung nanirahan
kayong kasama ang mga anak ni Israel noong panahong
iyon at nasaksihan ang maraming himala?
• Ano ang naging reaksyon ng mga Egipcio sa mga salot?
(tingnan sa Exodo 12:31–33).
• Naranasan na ba ninyo ang tulong ng Panginoon sa pagdaig
sa isang problemang napakahirap ninyong harapin nang
mag-isa?
• Bakit mahalaga na pahintulutan kayo ng Panginoon na
mag-isang makibaka sa problema bago siya tumulong?
• Paano naapektuhan ng inyong pakikibaka ang inyong pananampalataya
sa Diyos?
• Basahin ang Doktrina at mga Tipan 121:1–8 at 122:5–9.
Mula sa natutuhan natin sa dalawang banal na kasulatang
ito, bakit hinahayaan ng Panginoon na dumanas tayo ng
kahirapan sa halip na gawin itong madali para sa atin, kahit
na sinisikap nating gawin ang tama?
Magpatotoo kung paano naging malaki ang papel na ginagampanan
ng ating mga pagsubok sa buhay na ito sa ating
pagiging katulad ng Diyos.
Exodo 7:1–22; 8:5–10, 16–24. May mga huwad na himala
na mga panlilinlang ng mga tao o ni Satanas at hindi sa
Diyos. (10–15 minuto)
Hawakan at ipakita ang isang tunay na perang papel. Itanong
kung may estudyanteng nakaaalam kung tunay ang pera.
Magpakita ng ilang laruang pera o idinrowing lang na pera.
Itanong kung bakit madaling makita ang kaibhan ng tunay na
pera at ng huwad na pera. Isulat sa pisara ang salitang huwad
at itanong kung ano ang ibig sabihin ng salita. (“Gayahin ang
isang bagay na may halaga sa layon na makapanlinlang” o
“huwad na replika.”) Itanong:
• Bakit nadadaya ang mga tao ng huwad na pera?
• Bakit maaaring hindi malaman ng isang bata na ang laruang
pera ay hindi totoong pera?
• Bakit mahalagang malaman ang isang tunay na bagay para
maiwasan ang malinlang?
Ipabasa sa mga estudyante ang Exodo 7:11, 22; 8:7 at magpahanap
ng mga huwad. Itanong: Paano nagagawa ng mga tao
ang gayong panlilinlang ngayon? Basahin ang komentaryo
para sa Exodus 7:11–12 sa Old Testament: Genesis–2 Samuel (mga
pahina 107–8). Magdrowing ng dalawang hanay sa pisara; pamagatan
ang isa ng Mga mahiko at ang isa pa ng Diyos (sa pamamagitan
ni Moises). Ipaaral sa mga estudyante ang Exodo
7:10–12, 19–22; 8:5–10, 16–24; 9:11 at ihambing ang panlilinlang
ng mga mahiko sa kapangyarihan ng Diyos. Ilista ang
nagawa ni Moises at ng mga mahiko. Itanong:
79
• Ano ang nagawa ng mga mahiko, at gaano kapaki-pakinabang
ito?
• Ano ang hindi nagawa ng mga mahiko?
Exodo 5–10
Tukuyin ang ilan sa mga huwad na pamamaraang gamit ni
Satanas ngayon para lituhin ang sangkatauhan at isailalim
tayo sa pagkaalipin. (Halimbawa, pagnanasa sa halip na pagmamahal,
huwad na priesthood sa halip na totoong priesthood,
kasal na sibil sa halip na walang hanggang kasal, at karunungan
ng tao sa halip na inspirasyon ng Diyos.) Ipabasa sa
mga estudyante ang Moroni 7:16–19 at tuklasin kung paano
natin malalaman ang mabuti sa masama. Basahin ang 1 Nephi
22:25–28 at talakayin kung paano magkakaroon ng kapangyarihan
laban kay Satanas at sa kanyang mga panlilinlang.
Exodo 7–10. Ang mga salot ng Egipto ay nagpatatag sa
pananampalataya ng mga Israelita, kumumbinsi kay Faraon
na pawalan na ang Israel mula sa pagkaalipin, tumuligsa
sa kredibilidad ng mga diyus-diyusan ng Egipto,
at simbolo ng uri ng kapahamakang naghihintay sa masasama
bago ang Ikalawang Pagparito ng Panginoon.
(45–55 minuto)
Bago magsimula ang klase, magpadrowing sa ilang estudyante
ng simpleng larawan ng bawat isa sa unang siyam na
salot ng Egipto sa magkakahiwalay na papel, na may kasamang
nakasulat na pamagat upang matukoy ang salot
(tingnan sa tsart sa mungkahing ito para sa listahan ng mga
salot). Ipadispley sa mga estudyante ang kanilang mga
drowing na larawan nang hindi magkakasunod. Anyayahan
ang iba pang miyembro ng klase na isaayos ang mga larawan
ayon sa inaakala nilang pagkakasunud-sunod ng mga
ito. (Kung magkamali sila, itatama nila ito sa susunod na
aktibidad.)
Idrowing sa pisara ang tsart na kasama ng aktibidad B para
sa Exodo 7–10 sa gabay ng estudyante sa pag-aaral. Iatas ang
bawat scripture block patungkol sa mga salot sa bawat isa o
sa grupo ng mga estudyante. Ipabasa sa mga estudyante ang
banal na kasulatan at ipaulat ang kanilang natutuhan. Habang
nag-uulat sila, ipaayos sa kanila ang mga larawan ng
mga salot sa wastong pagkakasunud-sunod kung kailangan.
Pagkatapos ng bawat report o ulat, anyayahan ang mga estudyante
na ibahagi ang kanilang impresyon o mga tanong
tungkol sa mga pangyayari.
Sabihin sa mga estudyante na bukod sa paggawa ng paraan
para hayaan ni Faraon na humayo na ang mga Israelita, may
iba pang mahahalagang dahilan ang pagpapadala ng mga salot.
Ibahagi sa kanila ang impormasyon sa komentaryo para
sa Exodus 7–10 sa Old Testament: Genesis–2 Samuel, (p. 107).
at ang sumusunod na tsart. (Huwag munang ibahagi ang impormasyon
sa hanay tungkol sa mga propesiya sa mga huling
araw.)