Sangguniang Manwal ng Guro para sa Lumang Tipan

ANG AKLAT NG EXODO
Ang Exodo ang pangalawang aklat sa limang aklat ni Moises.
Ang ibig sabihin ng salitang Griyego na exodus ay “paglabas”
o “paglisan” (tingnan sa Gabay sa mga Banal na Kasulatan,
“Exodo,” p. 63) at nakapatungkol sa pagliligtas ng Panginoon
sa Israel mula sa pagkaalipin sa Egipto.
Nang magsimula ang Exodo, may bagong dinastiya (dynasty)
na namumuno sa Egipto. Ang mga pinunong ito ay “hindi kilala
si Jose” (Exodo 1:8) at inalipin ang mga Israelita (tingnan
sa Exodo 1:8–11). Nasa Exodo ang kuwento tungkol sa mahimalang
paraan ng pagliligtas ng Panginoon sa kanyang mga
tao mula sa kanilang pagkaalipin sa ilalim ng inspiradong pamumuno
ng propetang si Moises (tingnan sa Exodo 12:51;
Deuteronomio 26:8). Inilalarawan din nito ang mga paggala
ng Israel sa ilang, ang pagtanggap sa batas ni Moises, at pagtatayo
ng tabernakulo.
Pambungad
Exodo 1–4
Ipinakikilala ng unang apat na kabanata ng Exodo ang propetang
si Moises at ipinaliliwanag ang ilang detalye ng kanyang
pagsilang, kung paano siya naging miyembro ng pamilya ni
Faraon, at ang pagtawag sa kanya bilang isang propeta. Ipinaaalala
sa atin ng mga kabanatang ito na tinatawag at inihahanda
ng Panginoon ang mga propeta, inihahayag ang kanyang
sarili sa kanila, at binibigyan sila ng mga kaloob na kailangan
upang matagumpay na maisakatuparan ang kanilang gawain.
Ilang Mahahalagang Alituntunin ng
Ebanghelyo na Hahanapin
• Hindi mapipigilan ni Satanas ang gawain ng Diyos, na
nagbabantay at nagpapatatag sa kanyang mga tao sa kanilang
mga kahirapan, dinirinig ang kanilang mga panalangin,
at tinutupad ang lahat ng kanyang mga pangako
(tingnan sa Exodo 1:7–22; 2:1–10, 23–25; 3:7–10; tingnan din
sa Genesis 50:24; Exodo 12:51; 1 Nephi 22:22–25; D at T
3:1–3).
• Dapat nating katakutan (igalang, sundin, at irespeto) ang
Diyos nang higit kaysa tao (tingnan sa Exodo 1:15–22; tingnan
din sa D at T 3:7–8).
• Mahalaga ang papel ng kababaihan sa pagtulong na isakatuparan
ang plano ng kaligayahan ng Ama (tingnan sa
Exodo 1–2).
• Inihahanda at tinatawag ng Panginoon ang kanyang mga
lingkod upang bigkasin ang kanyang mga salita at gawin
73
ang kanyang mga gawain (tingnan sa Exodo 2–4; tingnan
din sa Juan 15:16; D at T 1:38).
• Ang mga propeta ng Panginoon ay inorden na noon pa
upang gampanan ang ilang partikular na misyon sa lupa
(tingnan sa Exodo 3:7–10; tingnan din sa Jeremias 1:5;
2 Nephi 3:9–10, 17).
• Ang mga lugar na tinatahanan ng Panginoon ay sagrado at
dapat bigyan ng paggalang at pagpipitagan (tingnan sa
Exodo 3:5; tingnan din sa D at T 110:7–8).
Mga Mungkahi sa Pagtuturo
Exodo 1–4. Ang Exodo ay maituturing na simbolo
ng paglalakbay ng sangkatauhan sa mortalidad at
pagbalik sa kinaroroonan ng Diyos. (20–30 minuto)
S M T W TH F S
Paunawa: Maaari ninyong gamitin ang buong mungkahi sa
pagtuturo upang ibuod ang aklat ng Exodo o gamitin ang
mga bahagi nito sa pagtuturo ninyo ng Exodo 1–4 at ng iba
pang mga scripture block. Paalalahanan ang mga estudyante
na gamitin ang Pagsasalin ni Joseph Smith, Exodo 4:21 para
sa karagdagang mga ideya.
Isulat sa pisara ang salitang Exodo at itanong sa mga estudyante
kung tungkol saan sa palagay nila ang aklat ng Exodo.
Hikayatin silang tingnan kung ano ang inilalarawan ng aklat
na Exodo sa Gabay sa mga Banal na Kasulatan. Sabihin sa mga
estudyante na ikinuwento sa aklat ng Exodo ang “paglisan”
ng mga Israelita sa Egipto at ng kanilang paglalakbay sa ilang
tungo sa lupang pangako.
Isulat sa pisara Ang buhay ay isang paglalakbay at repasuhin sa
mga estudyante ang plano ng kaligtasan ng Ama sa Langit,
na tinutulungan silang makita ito bilang isang paglalakbay
(tingnan sa diagram sa “Buod ng Plano ng Kaligtasan. Mungkahi
2,” p. 19). Maaari din kayong magbigay ng papel at magpadrowing
sa kanila ng maikling paliwanag ng sarili nilang
paglalakbay sa buhay.
Sabihin sa mga estudyante na ang exodo ng mga anak ni Israel
palabas ng Egipto papunta sa lupang pangako ay maaaring
ituring bilang isang uri o simbolo ng paglalakbay ng sangkatauhan
pabalik sa Ama sa Langit. Tukuyin ang apat na pangunahing
yugto ng paglalakbay ng Israel sa pamamagitan
ng pagbabasa ng mga banal na kasulatan na kasama ng sumusunod
na mga pamagat:
• Pagkaalipin (tingnan sa Exodo 1:13–14)
• Pagkaligtas (tingnan sa Exodo 3:7–8)
• Paglalakbay sa ilang (tingnan sa Exodo 17:1; 19:1–2)
• Pagpasok sa lupang pangako (tingnan sa Exodo 33:1–3)
Gumawa ng isang tsart na katulad ng sumusunod, na mga reperensya
lamang ng banal na kasulatan ang nakasulat. Basahin
ng buong klase ang mga reperensya at talakayin ang mga