Sangguniang Manwal ng Guro para sa Lumang Tipan

sa bawat grupo ang mga pangalan ng mga lipi sa pisara. Paghambingin
ang dalawang listahan at tukuyin ang mga pagkakaiba.
Ipaliwanag na ang lipi ni Levi ay kinakatawan sa Mga
Bilang 10 bilang “mga anak ni Aaron” (t. 8) at bilang “mga
anak ni Gerson at ang mga anak ni Merari” (t. 17).
Itanong sa mga estudyante kung alam nila ang nangyari sa
lipi ni Jose. Basahin ang Genesis 48:1–6 at ibahagi sa kanila ang
komentaryo para sa Genesis 48:22 sa Old Testament: Genesis–
2 Samuel (mga pahina 97–98). Si Jose, bilang panganay na
anak, ay doble ang natanggap na bahagi, na pinaghatian ng
kanyang dalawang anak na lalaki (tingnan sa Genesis 48:22).
Ibinalik ng Pagsasalin ni Joseph Smith ang ilang mahahalagang
ideya ni Jacob tungkol kay Jose (tingnan sa Gabay sa
mga Banal na Kasulatan, PJS, Genesis 48:5–11; tingnan din sa
komentaryo para sa Genesis 48:5–11 sa Old Testament: Genesis–2
Samuel, p. 97). Maaaring bigyang-diin ang mga sumusunod:
• Ipinahayag ni Jacob na si Jose, dahil sa pakikipagtipan sa
kanya ng Panginoon, ay talagang pinalaki upang iligtas
ang sambahayan ni Israel mula sa pagkalipol (tingnan sa
Gabay sa mga Banal na Kasulatan, PJS, Genesis 48:7–9).
• Dahil sa katapatan ni Jose, ang kanyang lipi ay pagpapalain
nang higit kaysa kanyang sa mga kapatid—maging higit
pa kaysa sa kanyang ama (tingnan sa Gabay sa mga Banal
na Kasulatan, PJS, Genesis 48:9–11; ihambing sa panaginip
ni Jose sa Genesis 37:9–11).
• Sa panahong darating, ang lipi ni Jose (sa pamamagitan ng
mga lipi ng kanyang mga anak na sina Ephraim at Manases)
69
Genesis 42–50
ay muling maghahatid ng kaligtasan sa sambahayan ni Israel—hindi
mula sa pagkagutom, kundi mula sa pagkaalipin
sa kasalanan (tingnan sa Gabay sa mga Banal na Kasulatan,
PJS, Genesis 48:11; tingnan din sa Gabay sa mga Banal na Kasulatan,
PJS, Genesis 50:24–38 at 2 Nephi 3:1–22 kung saan
nagpropesiya si Jose sa Egipto tungkol sa gawain ng kaligtasan
sa mga huling araw na darating sa pamamagitan ng isa
sa kanyang mga inapo, si Propetang Joseph Smith).
Genesis 49. Ang patriarchal blessing ay naglalaman ng
personal na paghahayag na ibinigay sa pamamagitan ng
isang patriarch mula sa mapagmahal na Ama sa Langit
para tulungan ang kanyang mga anak. (50–60 minuto)
Paunawa: Ang pagbabasa ng mga patriarchal blessing sa klase
ay hindi angkop. Maaari ninyong imbitahan sa klase ang isang
naorden na patriarch para tumulong sa pagsagot sa mga tanong
ng mga estudyante tungkol sa mga patriarchal blessing.
Idrowing sa pisara ang isang representasyon ng Liahona at
itanong sa mga estudyante:
• Ano ang Liahona?
• Ano ang gamit nito?
• Ano ang personal na mga pakinabang sa pagkakaroon ng
gayong panuro?
Basahin ang 1 Nephi 16:10, 27–29 at Alma 37:38–40 at hanapin
kung paano inakay ng Liahona ang pamilya ni Lehi. Itanong:
Gusto ba ninyong magkaroon ng sarili ninyong Liahona na
ligtas kayong gagabayan habambuhay? Ibahagi ang sumusunod
na pahayag ni Pangulong Thomas S. Monson, na noon ay
Pangalawang Tagapayo sa Unang Panguluhan: