Sangguniang Manwal ng Guro para sa Lumang Tipan

Running Head for which chapter of manual we are in
mangangailangan ng gayong paghahanda (tingnan sa D at T
29:14–16). Sabi ni Pangulong Ezra Taft Benson:
“Marubdob akong nagtatanong sa inyo, nakapaglaan
na ba kayo ng isang taong suplay ng pagkain, damit,
at kung maaari ay panggatong para sa inyong pamilya?
Ang paghahayag na magtanim at mag-imbak ng
pagkain ay mahalaga sa ating temporal na kapakanan
tulad din ng pagsakay ng mga tao sa arka noong panahon
ni Noe” (sa Conference Report, Okt. 1987, 61; o
Ensign, Nob. 1987, 49).
Nagpaliwanag pa ang Simbahan:
“Para makatayo sa sariling paa, dapat tayong magkaroon
ng sapat na pagkain, damit, at kanlungan. Kaya
tayo pinapayuhang mag-imbak, gamitin, at pag-aralan
kung paano magtanim at maghanda ng mahahalagang
aytem. Mas panatag at ligtas tayo kung kaya nating
paglaanan ang ating sarili sa oras ng paghihirap (tingnan
sa D at T 38:30)” (A Leader’s Guide to Welfare, 7).
Itanong sa mga estudyante: Kung napakahalaga ng pisikal na
paghahanda, gaano kahalaga ang ating espirituwal na paghahanda?
Ipabasa sa kanila ang Mateo 25:1–13 at itanong kung
paano nauugnay ang talinghagang ito sa espirituwal na paghahanda.
Basahin ang Doktrina at mga Tipan 45:56–57 at talakayin
kung ano ang magagawa natin upang mapuno ng langis
ang ating espirituwal na ilawan. Itanong sa mga estudyante
kung bakit sa palagay nila hindi namahagi ng langis ang limang
matatalinong dalaga. Sinabi ni Pangulong Spencer W.
Kimball, na noon ay Pangulo ng Korum ng Labindalawang
Apostol, na may ilang bagay na hindi maaaring ipamahagi:
“Paano maipapamahagi ng isang tao ang pagsunod sa
alituntunin ng ikapu; ang payapang isipan dulot ng
matwid na pamumuhay; ang pagtatamo ng kaalaman?
Paano maipapamahagi ng isang tao ang pananampalataya
o patotoo? Paano maipapamahagi ng isang tao
ang mga pag-uugali o kalinisang-puri, o ang karanasan
sa misyon? Paano maipapamahagi ng isang tao ang
kanyang mga pribilehiyo sa templo? Kailangang kamtin
ng bawat isa ang gayong uri ng langis para sa kanyang
sarili” (Faith Precedes the Miracle [1972], 255–56).
Magpatotoo tungkol sa kahalagahan ng paghahanda. Ibahagi
ang payo ng Panginoon tungkol sa paghahanda na nasa Doktrina
at mga Tipan 38:30.
66
Pambungad
Genesis 42–50
Si Jose ay ipinagkanulo ng kanyang mga kapatid at ipinagbili
siya sa pagkaalipin. Maraming nawala sa kanya, pati na ang
pakikisalamuha niya sa kanyang pamilya. Naiwang mag-isa
sa ibang lupain, nagkaroon siya ng mga katangiang nangalaga
at humubog sa kanyang pagkatao.
Isinulat ni Dr. Sidney B. Sperry: “Dakila ang mga kuwento
tungkol kay Jose sa simpleng dahilan na ang mga ito ay tungkol
sa isang dakilang tao—isang prinsipe sa gitna ng mga
tao—at ikinuwento sa paraang angkop sa magandang pagkatao
ng isang bayani. Higit sa lahat, nakikita natin sa mga kuwentong
ito ang integridad, kalinisang-puri, katapatan at malaking
halaga ng paboritong anak ni Jacob. Mananatiling maningning
ang mga katangiang ito sa lahat ng panahon” (The
Spirit of the Old Testament, ika-2 ed. [1980], 34).
Habang pinag-aaralan ninyo ang Genesis 42–50, pansinin ang
mga katangiang tinaglay ni Jose at kung paano siya pinagpala
ng mga ito. Magpasiya kung alin ang magiging kapaki-pakinabang
sa inyo at ipamuhay ang mga ito.
Ilang Mahahalagang Alituntunin ng
Ebanghelyo na Hahanapin
• Hinihiling ng Panginoon na patawarin natin ang mga nakasakit
o nakasugat sa ating damdamin (tingnan sa Genesis
45:1–7, 15; 50:15–21; tingnan din sa Mateo 6:14–15; D at T
64:9–11).
• Sa pamamagitan ng mga patriarchal blessing, ang Panginoon
ay maaaring ihayag ang ipinangakong mga pagpapala
at oportunidad, magpayo at magbabala, at ipabatid ang
ating mga kaloob at talento. Tinutukoy din sa mga patriarchal
blessing ang “lipi” o pamilya ni Israel na siyang daan
upang manahin natin ang mga pagpapala ni Abraham
(tingnan sa Genesis 48:3–4, 15–22; 49:1–28; tingnan din sa
2 Nephi 2:1–4; 3:1–25; 4:3–12).
• Ang mga inapo ni Jose, sa ilalim ng pamumuno ni Ephraim,
ang responsable sa paghahatid ng mga pagpapala ng
tipang Abraham sa buong mundo (tingnan sa Gabay sa mga
Banal na Kasulatan, PJS, Genesis 48:5–11; Genesis 49:22–26;
tingnan din sa Genesis 17:4–8).
• Maaaring gamitin ng mga ama ang priesthood sa kanilang
tahanan sa pagbibigay ng mga basbas ng ama para sa kapanatagan
at patnubay (tingnan sa Genesis 48:8–49:28).