Sangguniang Manwal ng Guro para sa Lumang Tipan

Ang mga Aklat ng Genesis, Moises, at Abraham
“Ipinagbili” ni Esau ang ‘kanyang pagkapanganay’
(Genesis 25:34). Hinangad ito ng kakambal na si Jacob.
Pinahalagahan ni Jacob ang espirituwal, at hinangad
ni Esau ang mga bagay ng mundo…. Ipinagpalit
ng maraming Esau ang bagay ng walang hanggan
upang bigyang-kasiyahan ang pansamantalang pagkagutom
sa mga bagay ng mundo” (sa Conference
Report, Okt. 1985, 76; o Ensign, Nob. 1985, 61; tingnan
din sa Genesis 25:30).
Si Elder Ezra Taft Benson, noong siya ay miyembro ng Korum
ng Labindalawang Apostol, ay nagsabi:
“Ang inyong pamana ay isa sa mga pinakamaganda sa
lahat ng pamana sa mundo. Hindi ninyo kailanman dapat
kainggitan ang isang taong isinilang mula sa mayamang
pamilya na magmamana ng milyun-milyong kayamanan
ng mundo, ni ang isang tao na dahil sa kanyang
pagsilang ay may karapatang mamuno ng isang
imperyo. Higit kaysa sa lahat ng ito ang inyong pagkapanganay,
at mapalad kayo dahil sa inyong liping pinagmulan”
(The Teachings of Ezra Taft Benson [1988], 555).
Basahin ang Doktrina at mga Tipan 88:33 at itanong sa mga
estudyante kung anong mga pagpapala ang tinatamasa nila
bilang mga miyembro ng Simbahan. Isulat sa pisara ang kanilang
mga sagot. (Maaaring kabilang sa mga sagot nila ang kaloob
na Espiritu Santo, priesthood, mga ordenansa, mga pagpapala
ng templo, banal na kasulatan, nabubuhay na mga
propeta, isang pamilya ng ward o branch, at pangako na buhay
na walang hanggan.) Itanong:
• Paano natin matututuhang pahalagahan ang mga pagpapalang
tinatanggap natin upang hindi mawala sa atin ang mga
ito sa pamamagitan ng pagwawalang bahala o pagsuway?
• Sa palagay ninyo, bakit handang mamatay ang ilang tao sa
halip na mawala sa kanila ang mga pagpapalang ito?
Magpatotoo tungkol sa kahalagahan ng mga pangako ng
ebanghelyo.
Genesis 28:10–22. Ang mga ordenansa at mga tipan ng
ebanghelyo, na ang mga pinakatampok ay ang mga natanggap
at ginawa sa loob ng templo, ay mahalaga sa kadakilaan.
(15–20 minuto)
58
Ipakita sa mga estudyante ang mga larawan ng isang templo
sa mga huling araw at ng isang hagdan. Itanong sa kanila
kung may nakikita silang pagkakatulad sa dalawa at, kung
mayroon, ano ang mga pagkakatulad na ito. Ipaliwanag na
bago pinapunta si Jacob sa Haran para maghanap ng karapatdapat
na mapapangasawa, binasbasan siya ni Isaac ng mga
pagpapala ni Abraham (tingnan sa Genesis 28:3–4). At habang
nasa daan papunta sa Haran, nagkaroon ng sagradong karanasan
si Jacob sa Bethel.
Ipabasa sa mga estudyante ang Genesis 28:10–22 at ipaliwanag
kung bakit sa palagay nila tinawag ni Jacob ang lugar
na “Betel” (tingnan sa Gabay sa mga Banal na Kasulatan, “Betel,”
p. 28). Ipahambing sa kanila ang mga pangakong ginawa
ng Panginoon kay Jacob sa Betel (tingnan sa Genesis
28:13–15) sa mga pangakong ginawa ng Panginoon sa mga
taong karapat-dapat na pumapasok sa mga templo (tingnan
sa D at T 109:22–26; 110:6–7).
Basahin ang pahayag ni Pangulong Marion G. Romney na
matatagpuan sa komentaryo para sa Genesis 28:10–19 sa Old
Testament: Genesis–2 Samuel, (p. 86). Ibahagi rin ang sumusunod
na pahayag ni Propetang Joseph Smith:
“Si Pablo ay umakyat sa ikatlong langit, at nauunawaan
niya ang tatlong pangunahing baitang ng hagdan ni
Jacob—ang telestiyal, ang terestriyal, at selestiyal na
mga kaluwalhatian o kaharian” (Teachings of the Prophet
Joseph Smith, 304–5).
Itanong sa mga estudyante kung ano ang isinasagisag ng mga
baitang ng hagdan. Isulat ng buong klase ang ilan sa mga ordenansa
o tipan na kailangan para sa kadakilaan (tulad ng
binyag, ang kaloob na Espiritu Santo, endowment, at mga
pagbubuklod). Ipabasa sa kanila ang Doktrina at mga Tipan
131:1–4 at ipatukoy ang ordenansang isinasagisag ng pinakaitaas
na baitang ng hagdan.