Sangguniang Manwal ng Guro para sa Lumang Tipan

Pambungad
Genesis 24–33
Sa Lumang Tipan, si Jehova ay tinatawag na Diyos nina
Abraham, Isaac, at Jacob (tingnan sa Exodo 3:6). Ang tipan na
unang ginawa kay Abraham ay nagpatuloy sa lipi ng kanyang
anak na si Isaac at sa apo niyang si Jacob. Natanggap ni
Isaac, na pangalawang anak ni Abraham, ang tipan at karapatan
sa pagkapanganay sa halip na matanggap ng kanyang nakatatandang
kapatid na si Ismael. Gayundin na si Jacob, sa
halip na si Esau, ang naging tagapagmana ng tipan. Ang karapatan
sa pagkapanganay ay karaniwang ibinibigay sa panganay
na anak na lalaki ng unang asawa, ngunit ang huwarang
iyon ay batay sa katapatan ng bawat anak. Ang mga banal
na kasulatan ay naglalaman ng ilang halimbawa ng mga
nakababatang anak na tumanggap ng basbas ng pagkapanganay
(halimbawa, sina Seth, Abraham, Isaac, Jacob, Jose,
Ephraim, at Nephi; tingnan sa Genesis 4:25; 11:27; 27:36–40;
28:1–5; 48:1–4, 14–22; 1 Nephi 2:22).
Ang matapat na pagsunod ay mas mahalaga kaysa liping pinagmulan
o pagiging panganay sa pagtanggap ng mga pagpapala
ng tipang Abraham. Anuman ang liping ating pinagmulan,
kailangan tayong maging karapat-dapat sa mga pagpapala
ng tipan sa pamamagitan ng matapat na pamumuhay
ng ebanghelyo. Itinuturo ng mga banal na kasulatan na ang
pananampalataya sa Banal ng Israel at pagsisisi, hindi ang pinagmulang
lipi, ang nagpapasiya kung sino ang tatanggap ng
mga basbas ni Abraham (tingnan sa Mga Taga Roma 9:6–8;
2 Nephi 30:2; D at T 64:34–36; Abraham 2:6–11). Habang pinag-aaralan
ninyo ang Genesis 24–33, pansinin ang katapatan
nina Isaac at Jacob at ang kahalagahan ng tipan ng kasal (kasal
sa templo); kapwa kailangan ang mga ito upang matamasa
ang mga basbas o pagpapala ni Abraham.
Ilang Mahahalagang Alituntunin ng
Ebanghelyo na Hahanapin
• Ang pagiging karapat-dapat ng sarili ay mas mahalaga
kaysa lipi o pagiging panganay sa pagtanggap ng tipang
Abraham (tingnan sa Genesis 24:57–60; 25:19–34; 26:1–5, 24,
34–35; 27:46; 28:1–19).
• Ang kasal sa loob ng tipan, ibig sabihin ang walang hanggang
kasal sa templo, ay mahalaga sa pagkakamit ng ganap
na mga pagpapala ng tipang Abraham (tingnan sa
Genesis 24:1–4; 26:34–35; 27:46; 28:1–9; tingnan din sa
D at T 131:1–4; 132:19–20).
55
• Dapat nating sikaping lutasin ang mga problema o di magandang
damdamin sa iba (tingnan sa Genesis 27:30–42;
31:17–55; 32:3–23; 33:1–16).
• Dapat may integridad tayo upang igalang ang ating mga
pangako (tingnan sa Genesis 29).
• Pinagpapala tayo ng Panginoon sa temporal at espirituwal
kapag tinupad natin ang ating mga tipan sa ebanghelyo
(tingnan sa Genesis 30:37–43; 31:5–7, 9, 42; 32:9–12).
Mga Mungkahi sa Pagtuturo
Genesis 24–33
Ang Video ng Lumang Tipan pagtatanghal 10, “‘Milyun-
Milyon,’” ay ginagamit ang analohiya ng domino
upang ipakita ang mga pangmatagalang epekto ng tipan ng
kasal (tingnan sa Gabay sa Video ng Lumang Tipan para sa mga
mungkahi sa pagtuturo).
Genesis 24–28. Ang mga ikinakasal sa templo at tumutupad
sa mga tipang ginagawa nila doon ay magtatamasa
ng kadakilaan bilang mag-asawa. (35–40 minuto)
Isulat sa pisara ang Mahahalagang desisyon sa buhay. Ipabanggit
sa mga estudyante ang ilan sa mga pinakamahahalagang desisyon
na gagawin nila at isulat sa pisara ang kanilang mga
sagot. Mula sa listahan, ipatukoy sa kanila ang desisyon na sa
palagay nila ay magkakaroon ng pinakamalaking epekto sa
kanilang walang hanggang paglalakbay. Ipabasa sa kanila ang
pahayag ni Pangulong Spencer W. Kimball na matatagpuan
sa pambungad sa Genesis 24 sa kanilang gabay ng estudyante
sa pag-aaral. Basahin ang Doktrina at mga Tipan 131:1–5 at
132:1–6, 19–20 at talakayin ang kahalagahan ng mabibigat na
desisyon ukol sa bakit, sino, kailan, at sino ang pakakasalan.
Ipabasa sa mga estudyante ang Genesis 24:1–7; 27:46; at
28:1–9 at tukuyin kung anong mga katangian ang hinanap
nina Abraham at Sara at kalaunan nina Isaac at Rebeca sa mapapangasawa
ng kanilang mga anak na lalaki. Talakayin
kung bakit matinding hinahadlangan nina Abraham at Isaac
ang kanilang mga anak na lalaki na magpakasal “sa mga
anak na babae ng Canaan.”
Patingnan sa mga estudyante ang distansya sa pagitan ng Haran
(o Padan-aram) at Beer-seba (tingnan sa Gabay sa mga Banal
na Kasulatan, Mapa 1). Itanong:
• Gaano katagal ninyo malalakbay ang ganoong distansya
kung naglalakad lang kayo sa bilis na 20 milya sa isang
araw?
• Ano ang ipinahihiwatig ng paglalakbay ng gayong distansya
tungkol sa kahalagahan ng tipan ng kasal?
• Ano ang masama sa pagpapakasal sa isang Cananeo? (tingnan
sa Deuteronomio 7:3–4).
• Ano ang katumbas ngayon ng pagpapakasal sa mga anak
na babae o lalaki ng Canaan? (Pagpapakasal sa isang tao
na hindi kamiyembro.)