Sangguniang Manwal ng Guro para sa Lumang Tipan

Ang mga Aklat ng Genesis, Moises, at Abraham
Basahin ang Genesis 7:4–6, 11–12, 19–24 at hanapin kung ano
ang nangyari sa mga hindi nakinig kay Noe. Basahin ang
Genesis 7:1–3, 7–10, 13–18; 8:13–18 at tingnan ang kaibhan ng
mga kinahinatnang iyon sa nangyari sa mga sumunod sa propeta.
Saliksikin ng buong klase ang sumusunod na mga tanong:
• Bakit naprotektahan ang pamilya ni Noe mula sa Baha?
(tingnan sa Genesis 6:18, 22; 7:1, 5; 9:1, 8–15).
• Saan nagpunta ang pamilya ni Noe para makatanggap ng
proteksyon mula sa Baha? (tingnan sa Genesis 6:14–18; 7:1, 17;
8:4, 13).
Ipaunawa sa mga estudyante na may mga lugar ngayon kung
saan makakapunta ang pinagtipanang mga tao para maprotektahan
mula sa kasamaan ng mundo at sa ipinropesiyang
mga kapahamakan ng mga huling araw. Bago magklase, magdrowing
ng arka at gupitin ito sa anim na piraso. Sa likod ng
bawat piraso isulat ang mga reperensya sa banal na kasulatan
para sa bawat isa sa anim na grupong nakalista sa ibaba. Hatiin
sa anim na grupo ang mga estudyante at hilingin sa bawat
grupo na pag-aralan ang mga reperensyang nasa piraso
ng kanilang puzzle at maghandang ibahagi ang natutuhan
nila tungkol sa lugar na makasusumpong tayo ng kaligtasan
at proteksyon. Habang inilalahad ng bawat grupo ang kanilang
natuklasan, ipadugtung-dugtong sa mga estudyante ang
mga piraso at pagawin sila ng isang makabagong arka.
Grupo 1: Doktrina at mga Tipan 1:13–18; 20:25–27 (Pagsunod
sa mga propeta)
Grupo 2: Mga Awit 127:3–5; Mga Kawikaan 1:8; 20:7;
I Mga Taga Corinto 11:11 (Mga magulang at
pamilya)
Grupo 3: Doktrina at mga Tipan 109:20–26; 132:19–20
(Mga templo)
Grupo 4: Doktrina at mga Tipan 82:14–15; 101:17–25;
115:6; Moises 7:17–21 (Mga stake ng Sion)
Grupo 5: 1 Nephi 8:21–30; 15:23–24; Doktrina at mga Tipan
44
1:37–38 (Pag-aaral ng mga banal na kasulatan)
Grupo 6: Lucas 21:36; 3 Nephi 18:15–19; Doktrina at mga
Tipan 10:5; Joseph Smith—Kasaysayan 1:15–17
(Panalangin)
Matapos mabuo ang puzzle ng arka, basahin ang Genesis 6:14
at ipaliwanag na kinailangang sarhang mabuti ni Noe ang
dugtungan at butas sa arka. Sabihin sa mga estudyante na
matapos nating gawin ang lahat para manatiling espirituwal
na ligtas—sundin ang propeta, makinig sa mga magulang,
magpunta sa templo, magtipon sa mga stake, pag-aralan ang
mga banal na kasulatan, at manalangin—pinahihintulutan
tayo ng Pagbabayad-sala ni Jesucristo na makaligtas o kaya’y
matiis ang kapahamakang darating sa masasama. Basahin
ang Mosias 5:15 at hikayatin ang mga estudyante na ipamuhay
ang Pagbabayad-sala upang manatiling “nakalutang” sa
mga huling araw na ito (tingnan sa Genesis 7:17).
Genesis 6–9; Moises 8. Tulad ni Noe, makasusumpong
tayo ng awa ng Diyos sa panahon ng kasamaan.
(35–40 minuto)
S M T W TH F S
Nabubuhay tayo sa panahon na laganap ang kasamaan sa
mundo. Kalaunan, tulad nang pagkalinis nito ng tubig, ang
mundo ay lilinisin sa pamamagitan ng apoy, na magaganap
sa Ikalawang Pagparito ng Tagapagligtas (tingnan sa D at T
5:19). Dumating kay Noe ang kaligtasan sa pamamagitan ng
pagsunod sa mga kautusan ng Panginoon at pagtatayo ng
isang arka na naging daan upang maligtas siya at ang kanyang
pamilya sa mga kahatulan ng Diyos. Tulad ni Noe at ng
kanyang pamilya, kailangan tayong magsisi at maging masunurin
sa Panginoon upang maligtas mula sa kasamaan. Hayaang
pag-usapan ng mga estudyante kung ano ang ipinapagawa
sa atin ng Panginoon ngayon na maihahambing sa pagtatayo
ng isang arka, na nagbibigay daan upang madaig natin
ang kasamaan ng mundo at maligtas mula sa mga kahatulan
ng Diyos. Ilista sa pisara ang kanilang mga ideya.
Hatiin sa dalawang grupo ang klase. Ipabasa sa isang grupo
ang Genesis 6:1–7:10 at sa isa pa ang Moises 8. Ipahanap sa
kanila ang ginawa ni Noe na nagpapakita sa atin kung paano
maliligtas mula sa kasamaan ng mundo. Idagdag ang mga
alituntuning makita nila sa listahang nasa pisara. Bigyangdiin
ang sumusunod na mga punto:
• Si Noe ay kaiba sa iba pang mga tao noong kanyang kapanahunan.
Ipabasa sa mga estudyante ang Genesis 6:1–13 at
maghanap ng mga salita o parirala na naglalarawan sa tindi
ng kasamaan ng mga tao. Talakayin ang kahulugan ng
ang “mga anak na lalaki ng Diyos” ay nag-aasawa ng
“mga anak na babae ng tao” (tingnan sa Genesis 6:2; tingnan
din sa komentaryo para sa Genesis 6:1–2, 21 sa Old Testament:
Genesis–2 Samuel, mga pahina 53–54).
• Basahin ang Genesis 6:8 at itanong sa mga estudyante
kung ano ang biyaya (tingnan sa Gabay sa mga Banal na Kasulatan,
“Biyaya,” p. 30). Ipabasa sa kanila ang Moises 8:13,
23–27 at ipatukoy kung paano nakamtan ni Noe ang biyaya
mula sa Panginoon. Maaari ninyong ipagawa sa mga es-