Sangguniang Manwal ng Guro para sa Lumang Tipan

mga form sa tahanan bilang bahagi ng pag-iingat ng pansariling
kasaysayan at ng pamilya.
Ipabasa nang tahimik sa mga estudyante ang Moises 6:5–25,
45–46 at sabihin kung anong uri ng impormasyon ang nakatala
sa mga talaan ng pamilya ni Adan at para saan ginamit ang
impormasyon. Itanong: Paano magagamit sa gayunding paraan
ang pansarili nating mga talaan ng pamilya? Ipaunawa sa
mga estudyante kung ano ang dapat ilagay sa pansariling kasaysayan
at kasaysayan ng pamilya at mga talaan at bakit mahalaga
ito sa pamamagitan ng pagbabahagi ng sumusunod na
impormasyon:
• Si Elder Bruce R. McConkie, na miyembro noon ng Korum
ng Labindalawang Apostol, ay sumulat na ang aklat ng
alaala ni Adan, na isinulat sa diwa ng inspirasyon, ay kinapalooban
ng “kanilang pananampalataya at mga gawa, ng
kanilang kabutihan at katapatan, kanilang mga paghahayag
at pangitain, at paninindigan sa inihayag na plano ng
kaligtasan” (Mormon Doctrine, 100).
• Ang mga isinulat ni Adan, at ang isinulat ng mga sumunod
sa kanya, ay nakatulong sa mga henerasyong darating
na makilala ang kanilang mga ninuno at kanilang mga turo
at mga ordenansa ng priesthood (tingnan sa Moises
6:45–46; Abraham 1:31).
• Ang mga isinulat ay ginamit din upang ituro ang pagbasa
at pagsulat (tingnan sa Moises 6:6).
• Nakasaad sa mga banal na kasulatan na isang “aklat ng
alaala” ang magtataglay ng listahan ng mga taong namuhay
nang tunay at tapat sa Panginoon (tingnan sa Malakias
3:16–17; D at T 85:9–11).
Hinihikayat tayo ng mga lider ng Simbahan na sundan ang
halimbawa ni Adan sa pag-iingat ng pansariling kasaysayan
at ng pamilya. Itinuro ni Pangulong Spencer W. Kimball ang
tungkol sa personal na pakinabang ng pag-iingat ng isang aklat
ng alaala:
“Ang mga nag-iingat ng aklat ng alaala ay malamang
na maaalala ang Panginoon sa kanilang pang-arawaraw
na buhay. Ang journal ay paraan ng pagbibilang
ng mga pagpapala at pag-iiwan ng imbentaryo ng mga
pagpapalang ito para sa ating mga inapo” (sa Conference
Report, Abr. 1978, 117; o Ensign, Mayo 1978, 77).
Hinihikayat ng Simbahan ang mga miyembro na mag-ingat
ng mga talaan ng pamilya at gumawa sa templo para sa kanilang
mga kamag-anak na namatay. Maaari ninyong ibahagi
ang pahayag ni Pangulong Kimball na nasa aktibidad B para
sa Genesis 5; Moises 6 sa gabay ng estudyante sa pag-aaral.
Atasan ang bawat estudyante o grupo ng mga estudyante na
pag-aralan at ireport kung ano ang itinuturo ng sumusunod
na mga banal na kasulatan tungkol sa kahalagahan ng nakasulat
na mga talaan na ating iniingatan:
37
Genesis 5; Moises 6–7
• 1 Nephi 4:10–16 (Makakatulong ang mga ito upang hindi
maglaho ang isang bansa sa kawalan ng paniniwala.)
• 2 Nephi 25:23, 26 (Makakatulong ito sa ating mga inapo na
lumapit kay Cristo sa pamamagitan ng ating patotoo.)
• Doktrina at mga Tipan 128:6–7, 15–18 (Maaaring ito ay isang
talaan ng isinasagawang mga ordenansa ng kaligtasan.)
Hikayatin ang mga estudyante na magsimulang mag-ingat ng
tumpak na kasaysayan ng kanilang sarili at ng pamilya.
Moises 6:26–47; 7:1–21. Ang pagtawag kay Enoc bilang
propeta ay magpapaunawa sa atin kung bakit tumatawag
ng mga propeta ang Panginoon, ang espirituwal na pananaw
na ibinibigay niya sa kanila, at paano niya binibigyan
ng lakas at kapangyarihan ang kanyang mga lingkod sa
kanilang kahinaan kung sila ay handa at masunurin.
(35–40 minuto)
Itanong sa mga estudyante kung bakit tumatawag ng mga
propeta ang Panginoon. Tanggapin ang iba’t ibang sagot na
ibibigay nila, ngunit sabihan din silang buklatin ang kanilang
mga banal na kasulatan at gamitin ang Gabay sa mga Banal na
Kasulatan. Ang Doktrina at mga Tipan 1:12–23 ay nagbibigay
ng mahuhusay na dahilan na maaari ninyong imungkahing
tingnan nila at talakayin.
Ang pag-aaral tungkol sa pagtawag kay Enoc ay tumutulong
na masagot ang tanong kung bakit tumatawag ng mga propeta
ang Panginoon. Isulat sa pisara ang sumusunod na mga tanong,
mag-iwan ng puwang na pagsusulatan ng mga sagot sa
ilalim ng bawat isa:
• Bakit tinawag ng Panginoon si Enoc?
• Ano ang nadama ni Enoc tungkol sa kanyang tungkulin?
• Ano ang ipinangako sa kanya ng Panginoon?
• Paano tinugon ng mga tao si Enoc?
Ipabasa sa mga estudyante ang Moises 6:26–38 at isulat ang
mga sagot sa mga tanong. Habang tinatalakay ninyo ang natuklasan
ng mga estudyante, maaari ninyong ituon ang pansin
nila sa sumusunod na mga konsiderasyon:
• Mga salita at parirala na naglalarawan sa mga taong nakatira
sa lupain (tingnan sa Moises 6:27–29). Talakayin ang
ibig sabihin ng sumusunod na mga parirala: “ang kanilang
mga puso ay nagsitigas,” “ang kanilang mga tainga ay bahagya
nang makarinig,” “ang kanilang mga mata ay hindi
makakita sa malayo,” “hinangad ang kanilang sariling mga
payo sa dilim,” “isinumpa nila ang kanilang sarili.” Sa paanong
mga paraan inilalarawan ng pariralang ito ang mga
tao sa ating panahon?
• Ang isang tagakita ay literal na “taga-kita.” Itanong: Paanong
nauugnay ang pagpapadala ng isang tagakita sa sinabi ng
Panginoon na mga problema ng mga tao? (tingnan sa Moises
6:27–29). Ipabasa sa mga estudyante ang Moises 6:35–46;
7:2–12 at sabihin kung ano ang nakita ni Enoc, ano ang sinabi
ng Panginoon sa kanya tungkol sa nakita niya, at ano ang