Sangguniang Manwal ng Guro para sa Lumang Tipan

Ang mga Aklat ng Genesis, Moises, at Abraham
Mabuti ang ginawa ni Abel at, kahit pinatay siya, natanggap
niya ang mga pagpapala ng Panginoon. Ipabasa sa mga
estudyante ang Doktrina at mga Tipan 42:46; 98:13; at
138:38–40 at tukuyin ang malaking pagpapalang natanggap
ni Abel mula sa Panginoon dahil sa kanyang matwid na pamumuhay.
Ang mga sakripisyong ginagawa natin ngayon ay kaiba sa
mga ginawa noong panahon ng Lumang Tipan ngunit angkop
pa rin ang mga alituntuning humihikayat sa paggawa
nito. Halimbawa, sa ordenansa ng sacrament may pagkakataon
tayong mag-alay ng bagbag na puso at nagsisising espiritu.
Ang pagtanggap ng sacrament sa pag-alaala kay Jesucristo
at sa kanyang Pagbabayad-sala ay makakatulong para mapasaatin
ang mga pagpapala ng sagradong ordenansang iyon.
Ipaunawa sa mga estudyante na ang mabuting sakripisyo ay
“biyaya’t bunga ng pagpapakasakit” (“Purihin ang Propeta,”
Mga Himno, blg. 21). Anyayahan silang magbanggit ng mga
halimbawa para ilarawan ang alituntuning ito. (Halimbawa,
pagbabayad ng ikapu at pamumuhay nang malinis.) Maaari
kayong magbigay ng halimbawa mula sa sarili ninyong karanasan
na nagpapakita sa katotohanang ito.
Pambungad
Genesis 5;
Moises 6–7
Ang Moises 6–7 ay naglalaman ng banal na kasulatang ipinanumbalik
sa pamamagitan ni Propetang Joseph Smith. Binago
ng mga kabanatang ito ang 4 na talata at nagdagdag ng 126
na bagong mga talata sa Genesis 5. Ang mga karagdagang ito
ay nagbigay sa atin ng mas malawak na pang-unawa tungkol
kay Adan at sa kanyang mga inapo. Isang malaking kontribusyon
ng mga kabanatang ito ang kaalamang nilalaman nito
tungkol kay Enoc, sa kanyang paglilingkod (na kinabibilangan
ng dagdag na mga turo mula kay Adan tungkol sa kung
paano dadaigin ang Pagkahulog), at ang lungsod ng Sion.
Mula sa salaysay ni Enoc hindi lamang natin natututuhan ang
mga doktrina at alituntunin na makakatulong sa atin upang
daigin ang kasalanan at makabalik sa piling ng Diyos kundi
nababasa din natin ang tungkol sa isang grupo ng mga tao na
sumunod sa mga alituntuning ito, nagtayo ng mabuting lipunan,
at sa huli ay napunta sa piling ng Diyos.
Ilang Mahahalagang Alituntunin ng
Ebanghelyo na Hahanapin
• Kasama sa gawain sa family history ang paghahanap ng mga
pangalan at kasaysayan ng ating mga ninuno at pag-iwan ng
sarili nating talaan sa ating mga inapo (tingnan sa Moises
6:1–25, 45–46). Gawain sa templo ang hantungan nito.
36
• Matututuhan natin ang mahahalagang katotohanan ng
ebanghelyo sa pamamagitan ng pagbabasa tungkol sa mabubuting
kalalakihan at kababaihan ng mga naunang henerasyon
(tingnan sa Moises 6:4–9, 41, 45–46; tingnan din sa
2 Nephi 25:23, 26; Abraham 1:31).
• Tinatawag ng Panginoon ang ilang tao upang ipangaral
ang mga katotohanan ng ebanghelyo sa sangkatauhan at
binibigyan sila ng espesyal na kaalaman, pananaw, at kapangyarihan
(tingnan sa Moises 6:27–29, 32–36, 42–43, 47;
7:2–21).
• Madadaig natin ang mga epekto ng Pagkahulog sa pamamagitan
ng “pagsilang na muli” sa kaharianng Diyos (tingnan
sa Moises 6:48–60, 62, 64–68; 7:10–11, 18–21).
• Dahil sa kabutihan, si Enoc at ang kanyang lungsod ay
nagbagong-anyo, o dinala sila sa langit (tingnan sa Genesis
5:21–24; Moises 7:13–21; tingnan din sa D at T 107:48–49).
• Tinatawag ng Panginoon ang kanyang mga tao na Sion kapag
sama-sama silang namumuhay na nagkakaisa sa kabutihan
at pinangangalagaan ang mga maralita sa kanila
(tingnan sa Moises 7:18). Ang Panginoon ay kasamang naninirahan
ng kanyang mga tao sa Sion (tingnan sa Moises
7:16–17, 21, 27, 69; tingnan din sa D at T 45:64–71; 84:2–5).
• Ang kasamaan ay magpapatuloy sa lupa hanggang sa Ikalawang
Pagparito ng Tagapagligtas (tingnan sa Moises
7:23–66).
Mga Mungkahi sa Pagtuturo
Ang Video ng Lumang Tipan pagtatanghal 8, “Unang
mga Alituntunin at Ordenansa,” ay sinisiyasat ang pisikal
na pagsilang sa espirituwal na muling pagsilang at ginagamit
ang metapora ng isang tulay upang maipaunawa sa
mga estudyante ang ating mga responsibilidad sa plano ng
kaligtasan. Ang pagtatanghal 12, “Simbolismo sa Banal na Kasulatan,”
ay pagpapaliwanag ng likas na katangian at layunin
ng simbolismo sa mga banal na kasulatan. Maaari ninyong
gamitin ito habang itinuturo ang scripture block na ito o ang
Exodo 11–13 (tingnan sa Gabay sa Video ng Lumang Tipan para
sa mga mungkahi sa pagtuturo).
Moises 6:1–25, 45–46. Ang gawain sa family history ay sagrado
at mahalaga. Kabilang dito ang paghahanap ng
mga pangalan at kasaysayan ng ating mga ninuno, pagiiwan
ng sarili nating talaan sa ating mga inapo, at humahantong
sa gawain sa templo. (25–30 minuto)
Ipakita sa mga estudyante ang isang nakumpletong pedigree
chart at family group record (mas mainam kung iyong sa inyo
mismo). Ipaliwanag kung ano sila at, kung maaari, ikuwento
ang tungkol sa isang tao na nasa tsart, at sabihin kung bakit
kayo natutuwa na may kaugnayan kayo sa taong iyon. Kumuha
ng mga blangkong kopya ng mga pedigree chart at family
group record para masimulan itong punan ng mga estudyante
sa klase. Anyayahan silang tapusin ang kanilang