Sangguniang Manwal ng Guro para sa Lumang Tipan

Ang mga Aklat ng Genesis, Moises, at Abraham
Kung minsan ay gumagamit ang Diyos ng “mga pagkakahawig”
(tinatawag ding “mga halimbawa” o “mga kahalintulad”)
ng Pagbabayad-sala ni Jesucristo para maragdagan ang
pananampalataya ng mga naniniwala, maituro sa kanila ang
mga alituntunin ng Pagbabayad-sala, at matulungan silang
asamin ang alok nitong pagtubos. Ipabasa sa mga estudyante
ang Moises 5:4–5 at tukuyin ang mga kautusang ibinigay ng
Panginoon kina Adan at Eva. Ipabasa sa kanila ang talata 7 at
ipahanap ang salitang kahalintulad. Sabihin sa kanila na ang
kahalintulad ay isang halimbawa, simbolo, o representasyon
ng isang bagay at ipabasa sa kanila ang mga talata 5–6 at ipatukoy
ang mga elemento ng pagkakahalintulad na ito (isang
sakripisyo; panganay ng kawan). Itanong kung paano naging
“mga pagkakahawig” ng Pagbabayad-sala ng Tagapagligtas
ang mga elementong ito.
Ang mga sakripisyong inialay ni Adan ay sagisag ng sakripisyo
ni Jesucristo at ang ilang elemento ng sakripisyo ay patungkol
o nagtuturo tungkol sa Pagbabayad-sala:
• Inialay ni Adan ang “mga panganay ng kanilang mga kawan”
(Moises 5:5). Ang panganay ay tumutukoy sa panganay
na lalaki. Si Jesucristo ang panganay sa mga anak ng
Ama sa Langit sa buhay bago tayo isinilang (tingnan sa
D at T 93:21), siya ang Bugtong na anak na isinilang sa
ating Ama sa Langit sa laman, at panganay na anak ng
kanyang inang si Maria. Siya rin ang “panganay” ng pagkabuhay
na mag-uli (tingnan sa Mga Taga Colosas 1:18;
tingnan din sa I Mga Taga Corinto 15:20).
• Ang panganay ng kawan ay inialay bilang sakripisyo sa
halip na ang taong nagkasala. Ito rin ang dahilan kaya
kung minsan ay tinatawag si Jesucristo na Kordero ng
Diyos (tingnan sa Juan 1:29; 1 Nephi 11:31–33). Siya ang
nagdusa at namatay sa halip na ang buong sangkatauhan
(tingnan sa D at T 18:11–12) upang ang “lahat ng tao ay
mapasailalim sa kanya” (2 Nephi 9:5). Dahil binayaran
niya ang halaga ng ating mga kasalanan at isinakripisyo
ang kanyang sarili para sa atin, kailangan nating hangarin
ang kaligtasan sa pamamagitan niya. Itinuro ng isang anghel
kay Adan na ang mga sakripisyong ginawa niya ay dapat
magpaalala sa kanya na kailangan niyang “magsisi at
manawagan sa Diyos sa pangalan ng Anak magpakailanman”
(Moises 5:8).
Inihayag ng Panginoon kay Moises ang iba pang mga sakripisyo
na nagsilbing kahalintulad ng nagbabayad-salang sakripisyo
ng Tagapagligtas (tingnan sa Exodo 12:3–28, 43–50;
Levitico 1:1–4:12).
Itanong sa mga estudyante: Saang pagkakahalintulad tayo lumalahok
ngayon na tumutulong sa atin na alalahanin ang Pagbabayad-sala?
(Sa sacrament.) Basahin ang mga panalangin sa
sacrament sa Doktrina at mga Tipan 20:77, 79 at itanong kung
paano itinuturo sa atin ng sacrament ang mga alituntuning
natutuhan ni Adan mula sa anghel. Halimbawa, paano tayo
hinihikayat ng sacrament na “gawin ang lahat ng iyong ginagawa
sa pangalan ng Anak” (Moises 5:8) at malaman na
“nang sa iyong pagkahulog ikaw ay matubos” (t. 9)?
34
Idrowing sa pisara ang sumusunod na diagram at ipaunawa
sa mga estudyante na ang pag-aalay ng dugo na isinagawa
bago nabuhay si Jesucristo sa lupa ay nakatulong sa mga tao
na asamin ang kanyang Pagbabayad-sala at ang sacrament ay
tumutulong sa mga tao na alalahanin ang Pagbabayad-sala.
Pag-aalay ng Dugo Pagbabayad-sala Sacrament
Genesis 4:1–16; Moises 5:12–41. Tinutukso tayo ni Satanas
na madama na wala tayong responsibilidad sa kapakanan
ng iba. (20–25 minuto)
Sama-samang basahin ang Moises 5:12 at ipaunawa sa mga
estudyante na itinuro nina Adan at Eva ang natutuhan nilang
mga katotohanan mula sa Panginoon sa lahat ng anak nila.
Ipabasa sa kanila ang mga talata 13–41 at ipatukoy ang mga
salita at katagang nagpapaunawa sa atin kung paano tinanggihan
ni Cain, na pinalaki ng mabubuting magulang, ang
mga katotohanan ng ebanghelyo at tinawag siyang “kapahamakan.”
Ang ibig sabihin ng kapahamakan ay “ang taong naligaw”
o “pagkalipol.”
Isinulat ni Elder Bruce R. McConkie, isang Apostol:
“Dalawang tao, sina Cain at Satanas, ang tumanggap
ng nakasisindak [nakakikilabot] na pangalang Kapahamakan.
Ipinahihiwatig ng pangalang ito na wala silang
anumang pag-asa sa anumang antas ng kaligtasan, na
lubusan nilang isinuko ang kanilang sarili sa kasamaan,
at nalipol na ang anumang damdamin ng kabutihan
sa kanilang puso…. Kapwa sila hayagang nagrebelde
laban sa Diyos taglay ang ganap na kaalaman na
ang kanilang landas ay taliwas sa lahat ng kabutihan”
(Mormon Doctrine, ika-2 edisyon [1966], 566).
Ang sumusunod ay makakatulong sa talakayan sa klase:
• Paano ipinakita ni Cain na higit ang pagmamahal niya kay
Satanas kaysa sa Diyos?
• Paano ipinapakita ng mga tao ngayon kung mas mahal
nila ang Diyos o si Satanas?
• Bakit mahalagang malaman na inutusan ni Satanas si Cain
na mag-alay ng handog na walang paggalang? (tingnan sa
Moises 5:18).
• Basahin ang Alma 3:27. Paano maihahambing ang “bayad”
na alok ni Satanas sa alok na mga kaloob ng Panginoon?
• Ano ang mga bunga ng pagsunod sa impluwensya ni
Satanas?
• Ano ang inihahayag ng tanong ni Cain na—“Ako ba ay tagapagbantay
ng aking kapatid?” (Genesis 4:9; Moises