Sangguniang Manwal ng Guro para sa Lumang Tipan

• Ano ang suot ng mataas na saserdoteng si Josue? (tingnan
sa talata 3; pansinin na hindi ito ang Josue na sumunod
kay Moises).
• Ano sa palagay ninyo ang inilalarawan sa talata 4?
• Sa anong kapangyarihan tayo nalilinis o nabibigyan ng malinis
na kasuotan?
• Ano ang itinuturo ng talata 7 tungkol sa inaasahan ng Panginoon
sa atin? (tingnan sa mga pangungusap na nagsisimula
sa “kung”).
• Sino ang Sanga na binanggit sa talata 8?
• Bakit siya darating? (tingnan sa talata 9; tingnan din sa
Jeremias 23:5–6).
Ipaunawa sa mga estudyante na dahil sa pagdating ni
Jesucristo, napasalahat ang kapangyarihang daigin ang mga
kasalanan ng mundong ito. Isa itong kapangyarihang sasagot
sa mga paratang ni Satanas at maglilinis sa atin kung hahangarin
natin ito sa paraan ng Panginoon. Kung gagawin natin
ang ipinagagawa ng Panginoon, sa pamamagitan ng kanyang
Pagbabayad-sala ay kanyang “[mapaglalaho] ang [ating] kasamaan”
(tingnan sa Zacarias 3:4).
Ipakita ang maruming basahan at ang isang malinis na basahan.
Magpatotoo tungkol sa kapangyarihan ng Tagapagligtas
na linisin tayo.
Zacarias 12–14. Ang aklat ni Zacarias ay may nakakatulong
na impormasyon tungkol sa Ikalawang Pagparito.
(35–50 minuto)
Isulat sa pisara ang salitang Armagedon at ipalahad sa mga estudyante
kung ano ang alam nila tungkol dito. Itanong:
• Ano ang pakiramdam ninyo kapag naiisip ninyo ang mga
kaganapan sa mga huling araw at ang Ikalawang Pagparito
ni Cristo?
• Ano ang ilan sa mga kaganapang kailangang mangyari
bago bumalik ang Tagapagligtas?
Ilista sa pisara ang ilan sa mga kaganapang iyon. Halimbawa,
ipapangaral ang ebanghelyo sa bawat bansa (tingnan sa
D at T 133:37) at magkakaroon ng mga huwad na Cristo at
marami ang malilinlang (tingnan sa Mateo 24:24–27).
Sabihin sa mga estudyante na nakita at nailarawan ng propetang
si Zacarias ang maraming kaganapang nauugnay sa Ikalawang
Pagparito. Ipaliwanag na maraming beses niyang ginamit
ang mga katagang “sa araw na yaon” sa Zacarias 12–14
para ipahiwatig ang mga kaganapang matutupad sa mga huling
araw. Hatiin ang mga estudyante sa maliliit na grupo at
ipasaliksik ang bawat kabanata, na hinahanap ang mga katagang
iyan. Ipalista sa kanila sa isang papel ang bawat kaganapang
inilarawan ni Zacarias at ang reperensya nito (Paunawa:
Hindi lahat ng kaganapan ay nagsisimula sa mga katagang
“sa araw na yaon.”) Ang nagawa nila ay maaaring makamukha
ng sumusunod na tsart:
251
Reperensya Mga Propesiya sa mga
Huling Araw
12:2–3 Napaglabanan ng Jerusalem ang pagkubkob.
12:4 Isinumpang mabaliw ang kanyang mga kaaway.
12:5–7 Ang mga pinuno ng Juda ay parang apoy.
12:8 Ang mahihina sa Juda ay magiging kagaya
ni David.
12:9 Giniba ang mga kaaway ng Jerusalem.
12:10–11 Nakilala ng mga Judio ang “kanilang
pinalagpasan.”
13:1 Nabuksan ang isang bukal para linisin ang
mga tao.
13:2–5 Inihiwalay sa lupain ang mga diyus-diyusan at
tumigil ang mga bulaang propeta.
13:6 Nakita ng mga Judio ang mga sugat ni Cristo.
13:7–9 Inihiwalay ang pastol; dalawang bahagi ng mga
tao ang namatay.
14:1–2 Nagtipon ang lahat ng bansa laban sa
Jerusalem.
14:3 Nakipaglaban ang Panginoon para sa Jerusalem.
14:4–5 Tumayo si Cristo sa Bundok ng mga Olivo, na
nahati sa gitna.
14:6–7 Nakita ang isang kakaibang liwanag.
14:8 Nagsibalong ang mga buhay na tubig mula
sa Jerusalem.
14:9–11 Ang Panginoon ang hari; payapa ang Israel.
14:12–15 Nilipol ng isang salot ang mga kaaway ng Israel.
14:16–19 Lahat ng bansa ay sumamba sa Jerusalem.
14:20–21 Nakaukit sa mga kampanilya at palayok ang
“Kabanalan sa Panginoon.”
Zacarias 1–14
Kung gusto ninyo, magdagdag ng karagdagang impormasyon
mula sa enrichment section I sa Old Testament:
1 Kings–Malachi, mga pahina 291–95).