Sangguniang Manwal ng Guro para sa Lumang Tipan

ANG AKLAT NI ZACARIAS
Pambungad
Zacarias 1–14
Si Zacarias ay kasabayan ni Hagai at nagsalita rin sa mga Judiong
nagsibalik mula sa pagkabihag sa Babilonia. Ang pangalang
Zacarias ay nangangahulugang “naalaala ng Panginoon
(Jehova).” Hinikayat ni Zacarias ang Israel na magsisi at
muling itayo ang templo (tingnan sa Zacarias 1:1–17; tingnan
din sa Ezra 5:1–2; 6:14; at sa pambungad ng manwal na ito sa
aklat ni Hagai, p. 248.
Ang aklat ni Zacarias ay naglalaman ng malilinaw na propesiya
ng ministeryo ni Cristo sa lupa (tingnan sa Zacarias
9:9–12; 11:10–14), gayundin ng mga kaganapan sa mga huling
araw tulad ng pagtitipon ng Israel, huling malaking digmaan,
at Ikalawang Pagparito (tingnan sa Zacarias 3:8–9; 10:6–12;
12–14). Ang ilan sa mga mensaheng natanggap ni Zacarias
mula sa Panginoon ay tungkol sa mga pangitain (tingnan sa
mga kabanata 1–6), at marami sa mga simbolo nito ang hindi
pa nabibigyang-kahulugan ng mga sinauna o makabagong
propeta, kaya hindi malinaw ang kahulugan ng mga ito (tingnan
sa Gabay sa mga Banal na Kasulatan, “Zacarias,” p. 257).
Ilang Mahahalagang Alituntunin ng
Ebanghelyo na Hahanapin
• Ang buhay at ministeryo ng Tagapagligtas ay nakita at
ipinropesiya noon pa man ni Zacarias at ng iba pang mga
sinaunang propeta (tingnan sa Zacarias 3; 6:10–15; 9:9,
11–12; 11:12–13; 13:6–7; tingnan din sa Jacob 7:11).
• Sa gitna ng digmaan ng Armagedon, darating si Cristo sa
Jerusalem at ililigtas ang mga Judio mula sa pagkalipol.
Malalaman nila na siya ang Tagapagligtas, na ipinako sa
krus, at tatanggapin nila siya bilang kanilang Mesiyas at
Hari (tingnan sa Zacarias 12:3–10; 13:6, 9; 14:1–5, 9; tingnan
din sa D at T 45:42–53).
Mga Mungkahi sa Pagtuturo
Zacarias 1–14. Maraming ipinropesiyang detalye si Zacarias
tungkol sa mortal na ministeryo at Ikalawang Pagparito
ng Tagapagligtas. (20–25 minuto)
Bigyan ng kopya ng kalakip na tsart ang bawat estudyante at
iwanang blangko ang hanay ng “Propesiya tungkol sa
Tagapagligtas.”
250
Reperensya Propesiya tungkol
sa Tagapagligtas
Zacarias 2:4–5, 10–13 Si Cristo ay mananahan sa piling ng
kanyang mga tao (tingnan sa Apocalipsis
22:1–5).
Zacarias 3; 6:10–15 Si Josue ay sagisag ng dakilang Mataas na
Saserdote (tingnan sa Mga Hebreo 3:1).
Zacarias 3:8–9; 6:12 Si Jesus ang Sanga na magbabayad-sala
para sa atin (tingnan sa Jeremias 23:5–6).
Zacarias 9:9 Si Jesus ay matagumpay na papasok sa
Jerusalem bilang Hari, sakay ng isang asno
(tingnan sa Mateo 21:1–11).
Zacarias 9:11–12 Ang mga bilanggo ay palalayain mula sa
bilangguan (tingnan sa D at T 138:32–35).
Zacarias 11:12–13 Ang Tagapagligtas ay ipagkakanulo kapalit
ng tatlumpung pirasong pilak (tingnan sa
Mateo 26:14–16; 27:3–10).
Zacarias 13:6 Tatanungin ng mga Judio si Jesus tungkol
sa mga sugat sa kanyang mga kamay
(tingnan sa D at T 45:51–53).
Zacarias 13:7 Ang pastol ay hahampasin at ang mga tupa
ay kakalat (tingnan sa Mateo 26:31).
Zacarias 14:1–15 Ang Panginoon ay magpapakita at ililigtas
ang mga Judio sa Jerusalem
(tingnan sa D at T 45:47–50).
Ipabasa sa maliliit na grupo ng mga estudyante o sa buong
klase ang mga reperensya at papunan ang hanay ng “Propesiya
tungkol sa Tagapagligtas.” Talakayin ang kanilang mga sagot.
Gamitin ang mga reperensya sa panaklong sa hanay ng
“Propesiya” upang maipaunawa sa mga estudyante kung kailan
natupad o matutupad ang mga kaganapang ipinropesiya.
Magpakita ng isang maruming basahan at itanong:
• Sa palagay ba ninyo, posible pang pumuti ang basahang ito?
• Ano ang kailangan para luminis ang basahan?
• Ano ang dapat nating gawin para luminis mula sa kasalanan?
Ipabuklat sa mga estudyante ang Zacarias 3. Talakayin ang
sumusunod na mga tanong:
• Sa talata 1, ano ang nakita ni Zacarias na ginagawa ni Satanas?
(Ang isang kahulugan ng pangalang Satanas ay
“nagpaparatang.”)