Sangguniang Manwal ng Guro para sa Lumang Tipan

ANG AKLAT NI HAGAI
Pambungad
Hagai 1–2
Ang propesiya ni Hagai ay para sa mga Judiong nagbalik
mula sa pagkabihag sa Babilonia sa utos ni Ciro noong mga
537 b.c. (tingnan sa Ezra 1:1–8). Si Hagai ay kasabayan nina
Ezra, Nehemias, at Zacarias.
Sinimulan ng mga Judio na muling itayo ang templo ngunit
di nagtagal ay natigil ito dahil sa pagsalungat at pang-uusig
(tingnan sa Ezra 4; tingnan din sa enrichment section J at sa
komentaryo para sa Ezra 4:1–10 sa Old Testament: 1 Kings–Malachi,
mga pahina 311–16, 320–21). Ang propesiya ni Hagai, na
ipinahayag noong mga 520 b.c., ay naghikayat sa mga Judio
na muling sikaping itayo ang templo, sa kabila ng kanilang
mga paghihirap, upang matanggap nila ang mga pagpapalang
ipinangako ng Panginoon (tingnan din sa Ezra 5:1; 6:14;
Gabay sa mga Banal na Kasulatan, “Hagai,” p. 70).
Ilang Mahahalagang Alituntunin ng
Ebanghelyo na Hahanapin
• Ang mga tipan at ordenansa sa templo ay mahalaga sa plano
ng kaligtasan ng Ama sa Langit para sa sangkatauhan
(tingnan sa Hagai 1; 2:7–9; tingnan din sa D at T 128:11–19;
132:7–19).
• Iniutos ng Panginoon na maging karapat-dapat ang mga
taong nakikibahagi sa mga ordenansa sa templo (tingnan
sa Hagai 2:10–19).
Mga Mungkahi sa Pagtuturo
Hagai 1–2. Ang mga tipan at ordenansa sa templo ay mahalaga
sa plano ng kaligtasan ng Ama sa Langit para sa
kanyang mga anak. (15–25 minuto)
Isulat sa pisara ang Lahat ng daan ay humahantong sa
__________. Itanong sa mga estudyante kung ano sa palagay
nila ang mga salitang dapat isulat sa puwang. Ipaliwanag na
ngayon ay matututuhan nila ang isang napakahalagang paraan
para mabuo ang pangungusap na iyon.
Basahin ang Hagai 1:1–14 sa mga estudyante at talakayin ang
sumusunod na mga tanong habang nagbabasa kayo:
• Bakit tumigil ang mga Judio sa pagtatayo ng templo sa
Jerusalem? (tingnan sa mga talata 2–6).
• Ayon sa Panginoon, ang kanila bang kahirapan at panguusig
sa kanila ang dahilan ng kabiguan nilang muling itayo
ang templo o bunga iyon ng kabiguang iyon? (tingnan sa
248
mga talata 7–11).
• Ano ang ipinangako ng Panginoon sa kanila kung naging
tapat sila sa muling pagtatayo ng templo sa kabila ng kanilang
kahirapan? (tingnan sa t. 13).
• Sa palagay ninyo, bakit napakahalaga ng templo?
Ihambing ang mga tagubilin ng Panginoon sa aklat ni Hagai
sa mga tagubilin niya tungkol sa mga templo sa makabagong
Israel sa Doktrina at mga Tipan 95; 109:1–5; at 124:31–55. Ibahagi
sa inyong mga estudyante ang sumusunod na pahayag
ni Elder Boyd K. Packer sa mga lider ng Simbahan:
“Maaaring mag-isip kayo kung paano ipatutupad ang
misyon ng Simbahan sa buhay ng inyong mga miyembro….
Sinasabi sa atin ng pahayag ng misyon na inilahad
ni Pangulong Kimball kung paano ito gagawin.
“Dapat nating ‘ipahayag ang ebanghelyo ng Panginoong
Jesucristo sa bawat bansa, lahi, wika, at tao, upang
ihanda silang tumanggap ng mga ordenansa ng binyag
at kumpirmasyon bilang mga miyembro ng Simbahan.’
“Dapat nating ‘gawing ganap ang mga Banal sa paghahanda
sa kanila na matanggap ang mga ordenansa
ng ebanghelyo at sa pagtuturo at pagdidisiplina
upang magtamo ng kadakilaan.’
“Dapat nating ‘tubusin ang mga patay sa pamamagitan
ng pagsasagawa ng mga ordenansa ng ebanghelyo
para sa mga yaong nabuhay sa daigdig.’
“Dapat nating isakatuparan ang kawalang-kamatayan
at buhay na walang hanggan ng tao sa pagtutuon sa
mga ordenansa at tipang kaugnay ng mga ito….
“Makabubuting tiyakin natin na sa pangangasiwa sa
mga organisasyon ng Simbahan, lahat ng daan ay humahantong
sa templo. Sapagkat doon tayo inihahanda sa
lahat ng bagay upang maging karapat-dapat na makapasok
sa kinaroroonan ng Panginoon” (seminar ng
mga regional representative, 3 Abr. 1987, 4–5; idinagdag
ang italics sa huling talata).
Kumpletuhin ang pangungusap sa pisara sa pagsulat sa mga
salitang ang templo, at ipapaliwanag sa mga estudyante kung
paano humahantong sa templo ang lahat ng daan. Ipakita ang
isang larawan ng templong pinakamalapit sa inyong tahanan
o isang larawan ng anumang templo ng mga Banal sa mga
Huling Araw. Itanong sa mga estudyante kung ano ang mga
pagkakaiba ng mga templo sa mga lokal na meetinghouse
kung saan sila nagsisimba. Tiyaking nauunawaan ng mga estudyante
na ang templo ang lugar na itinalaga ng Diyos para
matanggap natin ang mga ordenansa para sa ating kaligtasan.
Isiping anyayahan ang isa o mahigit pang mga estudyante na