Sangguniang Manwal ng Guro para sa Lumang Tipan

ANG AKLAT NI NAHUM
Pambungad
Nahum 1–3
Si Nahum ay kasabayan nina Zefanias, Habacuc, at Jeremias
(tingnan sa “Ang mga Hari at Propeta ng Israel at Juda,” p.
259). Nagpropesiya siya sa Juda sa pagitan ng 663 at 612 b.c.
Ang buong nakatalang mensahe niya ay nagpopropesiya ng
pagkawasak ng Ninive, ang kabiserang lungsod ng Asiria.
Ang propesiyang ito ay nagsisilbi ring uri ng pagkalipol ng
masasama sa mga huling araw.
Natanggap ng Ninive ang babalang magsisi sa pamamagitan
ng propetang si Jonas mahigit isang daang taon bago iyon.
Ang mga tao ng Ninive noong panahong iyon ay nagsisi at
pinatawad (tingnan sa Jonas 3). Gayunman, noong panahon
ng ministeryo ni Nahum, muling naging masama ang Ninive
at sa pagkakataong ito ay hindi na matatakasan ang kahatulan
ng Panginoon.
Sinakop ng mga taga-Asiria ang hilagang kaharian ng Israel
noong mga 721 b.c. at binihag ang mga mamamayan nito
(tingnan sa enrichment section D sa Old Testament:
1 Kings–Malachi, mga pahina 113–16). Mula noon ay lagi ring
nanganib ang kaligtasan ng Juda sa mga taga-Asiria. Maaaring
ang propesiya ni Nahum tungkol sa pagkawasak ng
Asiria, na isinulat sa magandang tulang Hebreo, ang pinagmumulan
ng pag-asa at aliw ng mga tao ng Juda. Ang ibig sabihin
ng pangalang Nahum ay “mang-aaliw” (tingnan sa Gabay
sa mga Banal na Kasulatan, “Nahum,” p. 164). Ipinangako
niya na balang araw ay magdadala ng “kaaliwan” si Jehova
sa Israel.
Ilang Mahahalagang Alituntunin ng
Ebanghelyo na Hahanapin
• Lilipulin lamang ng Panginoon ang masasama matapos silang
mabalaan. Ang mga miyembro ng Simbahan ay may
pananagutang tumulong na ipahayag ang babalang iyan sa
lahat ng anak ng Diyos (tingnan sa Nahum 1:1–7; tingnan
din sa Jonas 3; D at T 88:81–82).
Mga Mungkahi sa Pagtuturo
Nahum 1–3. Hindi sapat na naging tapat tayo noong araw;
dapat ay tapat tayong magtiis hanggang wakas. Lilipulin
lamang ng Panginoon ang masasama matapos silang mabalaan.
(35–45 minuto)
Bigyan ang bawat estudyante ng papel na may nakadrowing
na lapida. Pasulatin sila ng isang pahimakas sa lapida na gusto
244
nilang ipasulat sa sarili nilang puntod. Ipabahagi sa ilang estudyante
ang isinulat nila, at talakayin kung bakit gusto nilang
maalala sila sa gayong paraan. Ipabasa sa mga estudyante ang
Alma 48:11–13, 17 at ipatalakay kung paano nakaiimpluwensya
ang pamumuhay natin sa pag-alaala sa atin ng iba. Basahin
ang Doktrina at mga Tipan 14:7 at 101:35–38 at itanong:
• Paano makagagawa ng kaibhan sa alaalang maiiwan natin
ang tapat na pagtitiis hanggang wakas?
• Paano naman ang isang taong suwail noong bata pa ngunit
kalaunan ay nagsisi at naging tapat? (tingnan sa Alma
36:6–24).
• Paano naman ang isang taong tapat sa simula ngunit hindi
nagpatuloy? (tingnan sa D at T 40:1–3).
Sabihin sa mga estudyante na pag-aaralan nila ngayon ang
tungkol sa isang lungsod na ang pagkawasak ay isinulat ng
propetang si Nahum sa isang pahimakas.
Itanong sa mga estudyante kung ano ang alam nila tungkol sa
mga taga-Asiria at sa kabiserang lungsod nitong Ninive (tingnan
sa enrichment section D sa Old Testament: 1 Kings–Malachi,
mga pahina 113–16). Repasuhin ang nangyari sa Ninive sa
Jonas 3 (tingnan sa komentaryo para sa Jonah 3:5–9 sa Old
Testament: 1 Kings–Malachi, mga pahina 99–100). Itanong:
Anong klaseng pahimakas kaya ang maaaring naisulat tungkol
sa Ninive noong panahon iyon?
Ipabasa sa mga estudyante ang Nahum 3:1–5 at ipalahad
kung ano ang hitsura ng Ninive mahigit isang daang taon kalaunan.
Itanong: Anong klaseng pahimakas kaya ang angkop
sa Ninive sa panahon ni Nahum? Sabihin sa kanila na ang
Nahum 3:7–19 ay matatawag na pahimakas ni Nahum sa Ninive
at isinulat bago ito winasak. Ipabasa sa mga estudyante
ang mga talatang iyon at papiliin sila ng isa na sa palagay
nila ay pinakaangkop na iukit sa lapida ng Ninive.
Ipa-cross–reference sa mga estudyante ang Nahum 1:1–7 at
Alma 46:8. Itanong:
• Paano ipinauunawa sa atin ng mga talatang iyon kung bakit
pinarusahan ng Panginoon ang Ninive? (Ang lungsod
na pinatawad niya noong panahon ni Jonas ay agad nakalimot
at bumalik sa masamang pamumuhay.)
• Paano naging katulad sa Ninive ang ating sitwasyon kung
magiging masama rin tayo?
Basahin ang Nahum 1:8–10 at ihambing ito sa Malakias 4:1.
Itanong sa mga estudyante kung ano pang kaganapan ang tinukoy
ni Nahum nang ilarawan niya ang pagkawasak ng Ninive.
(Ang Ikalawang Pagparito.) Ipaunawa sa kanila ang dalawang
katangian ng maraming propesiya sa Lumang Tipan
(tingnan sa komentaryo para sa Nahum 1:2–10 sa Old Testament:
1 Kings–Malachi, mga pahina 219–20). Itanong: Ano ang
magagawa ng bawat isa sa atin para maipaalam sa iba ang
katotohanan at maipamuhay nila ito?