Sangguniang Manwal ng Guro para sa Lumang Tipan

ANG AKLAT NI MIKAS
Pambungad
Mikas 1–7
Ang Mikas ay maikling anyo ng pangalang Micayah, na ibig
sabihin ay “Sino ang katulad ni Jehova?” “Tulad ng mga pangalan
ng ilan sa iba pang mga propeta at patriarch, [ang
pangalang Mikas] ay akma sa nagawa sa buhay ng taong ito,
na nagpamalas sa maraming paraan bilang propeta na talagang
wala Siyang katulad, at lahat ay dapat magsikap na tularan
ang Kanyang pamumuhay. Walang katulad ang Kanyang
kapangyarihan, at walang haring katulad ng Haring
ito” (Ellis T. Rasmussen, A Latter-day Saint Commentary on the
Old Testament, 664).
Si Mikas ay nanirahan sa isang munting bayan sa katimugang
Juda (tingnan sa Mikas 1:1, 14; Jeremias 26:18) at nagpropesiya
noong maghari sina Jotham, Achaz, at Ezechias, mga 740
hanggang 697 b.c. (tingnan sa Mikas 1:1; Gabay sa mga Banal
na Kasulatan, ”Mikas,” p. 157; tingnan din sa “Ang mga Hari
at Propeta ng Israel at Juda,” mga pahina 259–60). Dahil siguro
nagmula sa isang munting bayan si Mikas kaya karaniwang
nakikita sa kanyang pagsulat ang pagiging maawain sa
mga kapuspalad. Kasabayan siya ni Isaias.
Ang mensahe ni Mikas ay palipat-lipat sa pagbabala sa darating
na mga kahatulan at sa mga pangako ng pagtubos sa hinaharap.
Sa mga kabanata 1–3 nagpahayag ng mga kahatulan
si Mikas laban sa Israel (Samaria) at Juda (Jerusalem). Ngunit
sa mga kabanata 4–7 ipinropesiya niya ang pagtitipon at pagtubos
sa sambahayan ni Israel sa mga huling araw. Si Mikas
ang tanging propeta ng Lumang Tipan na nagpropesiya na
isisilang ang Mesiyas sa Betlehem (tingnan sa Mikas 5:2).
Ilang Mahahalagang Alituntunin ng
Ebanghelyo na Hahanapin
• Dapat paglingkuran ng mga lider ang mga tao sa halip na
ang mga makasarili nilang interes (tingnan sa Mikas 3;
tingnan din sa Mateo 20:25–28; Mosias 2:12–19).
• Sa mga templo, itinuturo sa atin ng Panginoon ang kanyang
mga pamamaraan at nakipagtipan tayong tumahak
sa kanyang mga landas (tingnan sa Mikas 4:1–2; tingnan
din sa D at T 109:11–16).
• Sa kabila ng mga kahatulan ng Panginoon laban sa masasama,
aaliwin at pagagalingin niya sila kung sila ay magsisisi
(tingnan sa Mikas 4:6–7; 7:8–9, 18–20).
242
Mga Mungkahi sa Pagtuturo
Micas 1–7. Parurusahan ang masasama, ngunit kung sila
ay magsisisi aaliwin at pagagalingin sila ng Panginoon.
(40–50 minuto)
Magdrowing sa pisara ng dalawang malaking kuwadro. Pamagatan
ang isa ng Bago at ang isa naman ay Pagkatapos.
Magpakita ng isang aklat at itanong sa mga estudyante:
• Nakapagbasa na ba kayo ng aklat na inuna ninyong basahin
ang huling pahina?
• Nakasira ba ito sa kuwento?
• Ano ang mapapala natin kung unahin nating basahin ang
huling pahina?
Ipabasa sa mga estudyante ang Mikas 7:18–20 at ipahanap
kung ano ang ipinropesiya ni Mikas sa katapusan ng kanyang
aklat. Ilista sa pisara ang mga pangako sa loob ng kuwadrong
“Pagkatapos.”
Magpatulong sa mga estudyante na lumikha ng isang “salitang
naglalarawan [word picture]” sa sitwasyon ng Israel noong
panahon ni Mikas. Iatas ang sumusunod na mga reperensya
sa mga grupo o sa bawat isa at paghanapin sila ng mga
clue: Mikas 1:2–9; 2:1–2, 9–11; 3:2, 5, 9–12; 6:12–16; 7:1–6. Ilista
sa pisara ang natuklasan nila sa loob ng kuwadrong “Bago.”
Ang sumusunod na pagsasanay ay magpapaunawa sa mga
estudyante kung kailan tatanggapin ng Israel ang ipinangakong
mga pagpapala. Kasama ang inyong mga estudyante,
basahin ang bawat isa sa limang banal na kasulatang nakalista
sa ibaba. Kasunod ng bawat reperensya sa banal na kasulatan
ang paglalarawan sa simbolong ginamit doon. Magdrowing
o magdikit ng isang larawan ng simbolo o isulat na lang
ang paglalarawan sa loob ng kuwadrong “Pagkatapos” at itanong
ang sumusunod.
1. Mikas 2:12–13 (isang tupang lumulusot sa bakod o tarangkahan).
Paano kinakatawan ng larawang ito ang Israel sa
mga huling araw na binubuo ng maraming miyembro ng
Simbahan? Anong pangako kay Abraham ang tinutupad
nito? (tingnan sa Abraham 2:9–11).
2. Mikas 4:1–2 (isang templo sa bundok). Paano tayo matutulungan
ng mga templo na dalhin ang ebanghelyo sa mga
tao sa buong mundo? (tingnan sa Isaias 2:1–4).
3. Mikas 4:12–13 (mga sungay na bakal at mga kukong tanso).
Ano ang kinakatawan ng paglalarawang ito? Gaano
katindi ang kapangyarihan ng Israel sa mga huling araw?
(tingnan sa D at T 35:13; 133:59).
4. Mikas 5:7 (ulan na marahang pumapatak sa damo). Sa
anong mga paraan bibigyang-buhay at pauunlarin ng Israel
ang mundo sa mga huling araw?