Sangguniang Manwal ng Guro para sa Lumang Tipan

ANG AKLAT NI OBADIAS
Pambungad
Obadias 1
Ang ibig sabihin ng pangalang Obadias ay “lingkod (o sumasamba)
kay Jehova” at ito ang karaniwang pangalan sa panahon
ng Lumang Tipan. Walang nakakaalam ng kasaysayan ng
buhay ng propetang si Obadias maliban sa nakatala sa aklat
na nasa pangalan niya. Isinulat ni Obadias ang pagkawasak
ng Edom dahil sa kalupitan nila sa Juda at nagkaroon din
siya ng pribilehiyong makita sa pangitain ang kaligtasan ng
Israel at iba pang mahahalagang kaganapan sa mga huling
araw. Ang kanyang aklat ang pinakamaikli sa lahat ng aklat
sa Lumang Tipan.
Ilang Mahahalagang Alituntunin ng
Ebanghelyo na Hahanapin
• Ang kapalaluan at kasamaan ay humahantong sa pagkalipol
(tingnan sa Obadias 1:1–16; tingnan din sa D at T
64:24).
• Makakatulong tayo sa plano ng kaligtasan sa pagsasagawa
ng gawain sa templo para sa mga patay (tingnan sa Obadias
1:21; tingnan din sa D at T 128:11–18).
Mga Mungkahi sa Pagtuturo
Obadias 1. Dapat nating sikaping iligtas hindi lamang
ang ating sarili maging ang mga nasa paligid natin.
(25–35 minuto)
Magdrowing sa pisara ng isang gusaling nakalutang sa hangin,
o magsabit ng larawan ng isang gusali na hindi abot sa
sahig. Sulatan ang gusali ng 1 Nephi 8:26–28 at ipalahad sa
mga estudyante kung ano ang alam nila tungkol sa gusaling
iyon. Ipabasa sa kanila ang 1 Nephi 11:35–36 at ipalahad kung
ano ang kinatawan ng gusaling iyon at ano ang nangyari
doon kalaunan.
Sabihin sa mga estudyante na sumulat si Obadias tungkol
sa isang lugar na katulad niyon. Ipabasa sa kanila ang Obadias
1:1–9 at ipalahad kung paano naging katulad ng malaki
at maluwang na gusali ang Edom. Talakayin ang mga
pagkakatulad at ibahagi ang impormasyon mula sa mga komentaryo
para sa Obadiah 1:1 at 1:3–9 sa Old Testament:
1 Kings–Malachi, mga pahina 258–59).
Ipabasa sa mga estudyante ang Obadias 1:10–14 at itanong:
239
• Ano ang ginawa ng mga tao ng Edom na katulad ng ginawa
ng mga tao sa malaki at maluwang na gusali? (tingnan
sa komentaryo para sa Obadiah 1:10–15 sa Old Testament:
1 Kings–Malachi, p. 259).
• Bakit gayon ang ginagawa ng mga tao sa iba?
• Sa mga talata 15–16, paano natutulad sa kapalaran ng mga
nasa gusali ang kapalaran ng mga tao ng Edom?
• May mga tao ba ngayon na parang katulad ng mga tao sa
malaki at maluwang na gusali?
• Nanganganib bang maging katulad ng mga tao sa gusali
ang mga miyembro ng Simbahan?
• Nanganganib ba ang mga tao sa gusali?
Magdispley ng mga larawan ng isang templo at isang misyonero.
Basahin ang Obadias 1:16–21 sa inyong mga estudyante
at itanong sa kanila kung ano ang kinalaman ng mga templo
at misyonero sa pagiging mga tagapagligtas sa Bundok ng
Sion (tingnan sa komentaryo para sa Obadiah 1:16–21 at “Saviors
on Mount Zion” sa Old Testament: 1 Kings–Malachi,
p. 259).
Sabihin sa mga estudyante na sinasagip ng mga tunay na bayani
ang mga taong nahuhulog. Basahin ang Doktrina at mga
Tipan 4 at 15:6. Itanong:
• Bakit mahalagang tumulong na sagipin ang mga taong
nasa malaki at maluwang na gusali?
• Paano tayo makakatulong na mailigtas sila?
Basahin ang Obadias 1:17, 21 at itanong:
• Ano ang tawag ni Obadias sa mga tumutulong sa pagsagip?
• Ano ang madarama ninyo batid na kayo ay katuwang ng
Tagapagligtas sa pagtubos sa isang tao?
Magpatotoo kung paano nakakatulong ang ating pagmimisyon
sa mga buhay at ang ating gawain para sa mga patay sa
mga templo ng Panginoon para matupad ang propesiya ni
Obadias. Itanong sa mga estudyante:
• Ano ang mga pagkakaiba ng mga taong dumadalo nang
marapat sa mga templo at ng mga taong pumapasok sa
malaki at maluwang na gusali?
• Ano ang ilang kinakailangan para makapasok sa bawat
gusali?
• Ano ang ilang pagpapala ng pagpiling pumasok sa templo?
Imungkahi sa inyong mga estudyante na magsaliksik sila
para makita ang isa sa kanilang mga ninunong hindi pa nagagawan
ng ordenansa sa templo at maging tagapagligtas ng taong
iyon sa pagsusumite ng pangalan nito sa templo. Kung
puwede sa lugar ninyo, imungkahing magtamo sila ng limited
use temple recommend at sila mismo ang magpabinyag
para sa mga ito.