Sangguniang Manwal ng Guro para sa Lumang Tipan

ANG AKLAT NI OSEAS
Pambungad
Oseas 1–14
Ang aklat ni Oseas ay nagsisimula sa isang bahagi ng Lumang
Tipan (Oseas hanggang Malakias) na tinatawag kung
minsan na “mas maliit na mga propeta.” Tinatawag silang
“mas maliit” dahil mas maikli ang kanilang mga aklat kaysa
sa mga aklat nina Isaias, Jeremias, at Ezekiel.
Si Oseas ay kasabayan nina Isaias, Mikas, at Amos, at mahirap
ang mga taon ng kanyang ministeryo (mga 755 hanggang 715
b.c.). Nagwakas ang kapayapaan at kaunlaran, nag-ibayo ang
aklasan sa lugar, at sumalakay ang mga bansang dayuhan.
Kumampi ang kaharian ng Israel sa mga bansang pagano,
kaya naging mas madali para sa kanyang mga tao na tanggapin
ang mga kaugalian nito. Nauwi sa pagsamba sa mga
diyus-diyusan ang Israel, pati na sa mga imoral na ritwal.
Gaya ng iba pang mga propeta ng Lumang Tipan, gumamit
ng mga metapora si Oseas upang ipahayag ang kanyang
mensahe. Habang pinag-aaralan ninyo ang Oseas, hanapin
kung paano gumamit ng simbolismo ng tipan sa kasal ang
propeta para tuligsain ang Israel sa paglabag sa mga tipan
nito sa Diyos at pagsamba sa mga diyus-diyusan. Pinatotohanan
ni Oseas ang pag-ibig at kahandaang magpatawad ng
Diyos sa kanyang mga tao at hindi sila “ihihiwalay” kung babalik
sila sa kanya.
Hanapin din ang apat na sumusunod na temang ginamit ni
Oseas sa pagtuturo ng kanyang mensahe:
• Pagsamba ng Israel sa diyus-diyusan
• Iba pang kasamaan ng Israel
• Napipintong pagkabihag ng Israel
• Pagtitipon at pagtubos sa Israel sa mga huling araw
Para sa iba pang impormasyon, tingnan sa Gabay sa mga Banal
na Kasulatan, “Oseas” (p. 171) at sa pambungad sa Hosea sa
Old Testament: 1 Kings–Malachi, p. 103).
Ilang Mahahalagang Alituntunin ng
Ebanghelyo na Hahanapin
• Ang paglabag sa mga sagradong tipan ay naghahatid ng
kahatulan ng Diyos (tingnan sa Oseas 2:6–13; 4:1–6; 5:1–7;
7:12–13; 8:7–8; 9:7–12).
• Mahal ng Panginoon ang kanyang mga anak at tatanggapin
at patatawarin yaong mga nagsisisi at lumalapit sa
kanya (tingnan sa Oseas 2:14–23; 6:1–3; 14).
233
• Ang katarungan at awa ng Diyos ay mga katibayan ng
kanyang pagmamahal sa kanyang mga anak (tingnan sa
Oseas 1–14).
Mga Mungkahi sa Pagtuturo
S M T W TH F S
Oseas 1–3. Tinutulungan tayo ng Panginoon na
magsisi, at pinatatawad tayo kapag nagsisi tayo.
(25–30 minuto)
Idispley sa pisara ang larawan ng isang magkasintahang ikakasal.
(Gumamit ng larawan ng isang magkasintahang walang
nakakakilala, tulad ng nasa isang pahayagan o magasin.)
Itanong sa mga estudyante:
• Bakit mahalaga ang kasal?
• Anong mga katangian ang maituturing ninyong mahalaga
sa isang asawa?
• Ano ang inihayag ng Panginoon tungkol sa kahalagahan
ng kasal? (tingnan sa D at T 131:1–4).
• Anong mga pangako ang ginawa niya sa mga ikinakasal sa
templo at nananatiling karapat-dapat? (tingnan sa D at T
132:19–20).
Pangalanan ng “Gomer” at “Oseas” ang magkasintahan sa larawan.”
Sabihin sa mga estudyante na ginamit ng Panginoon
ang propetang si Oseas at ang simbolo ng tipan sa kasal para
ituro sa mga tao ng Israel ang kasagraduhan ng kanilang mga
tipan sa kanya. Basahin ang Oseas 1:1–2 sa inyong mga estudyante
at itanong: Kung kinakatawan ni Oseas ang Panginoon
at ni Gomer ang Israel, ano ang mensahe ng Oseas 1?
Ipabasa sa mga estudyante ang Oseas 1:3–11 at ipalista ang
mga pangalan ng mga anak niya. Talakayin ang kahulugan
ng kanilang mga pangalan at ang sinasabi ng Panginoon sa
Israel (tingnan sa komentaryo para sa Hosea 1:4–11 sa Old Testament:
1 Kings–Malachi, p. 105). Idagdag ang mga pangalang
“Israel” sa nobya at “ang Panginoon” sa nobyo at ipabuod sa
mga estudyante kung paano naaangkop ang mga pangalang
iyon kina Gomer at Oseas.
Ipabasa sa mga estudyante ang Oseas 2:1–at ipatalakay kung
paano naghatid ng matitinding kahatulan sa Israel ang pagsamba
sa mga diyus-diyusan. Itanong:
• Mula sa mga talatang iyon, ano ang pakiramdam ng Panginoon
sa hindi pagiging tapat ng Israel?
• Sa palagay ba ninyo gayon din kalungkot ang Panginoon
kung hindi tayo tapat?
Basahin ang Oseas 2:6–13 at ilista ang mga parusang ipinahayag
ng Panginoon sa hindi pagiging tapat ng Israel. Basahin
ang mga talata 14–23 at ilista ang mga pangako ng Panginoon
sa Israel kung nagsisi sila at nagbalik sa kanya.
Basahin ang Oseas 3:1–3. Ipaliwanag na sa kabanata 1 iniutos
ng Panginoon kay Oseas na pakasalan (nang pasimboliko)
ang isang babaeng lumabag sa batas ng kalinisang-puri, at