Sangguniang Manwal ng Guro para sa Lumang Tipan

ANG AKLAT NI DANIEL
Pambungad
Daniel 1–12
Ang aklat ni Daniel ay isang talaan ng mga kaganapan sa buhay
ng isa pang propetang naglingkod sa mga tao ng Juda noong
bihag sila sa Babilonia. Taliwas sa payo ng Panginoon sa
pamamagitan ng propetang si Jeremias, umasa sa Egipto ang
mga Judio para maliligtas mula sa mga taga-Babilonia (tingnan
sa Jeremias 27:12–13; 37:7–8). Tinalo ng mga taga-Babilonia,
sa pamumuno ni Nabucodonosor, ang mga Egipcio sa Carchemis
noong mga 605 b.c. Sa tagumpay na ito ay nagsimula
ang wakas ng kaharian ng Egipto bilang makapangyarihang
bansa sa mundo (tingnan sa Jeremias 46:2; II Mga Hari 24:7).
Sinakop ni Nabucodonosor ang Jerusalem noong mga 597 b.c.
at ipinatapon ang maraming sundalo, artisan, at miyembro ng
mararangal na pamilya, kasama na si Daniel (tingnan sa
II Mga Hari 24:8–14; Daniel 1:1–6). Muling naghimagsik ang
mga Judiong naiwan, at noong mga 587 b.c. nagbalik si Nabucodonosor
at winasak ang Jerusalem at ipinatapon ang marami
pang ibang Judio sa Babilonia (tingnan sa II Mga Hari 25).
Ipinakita sa aklat ni Daniel kung paano ipamuhay ang ebanghelyo
kahit hindi ito ipinamumuhay ng mga nasa paligid natin
o mahirap ang kalagayan natin. Ipinropesiya rin nito ang
tagumpay ng kaharian ng Diyos sa lahat ng iba pang mga kapangyarihan
at kaharian sa mundo. Ang isang mahalagang tema
sa aklat ay ang Diyos ay may kapangyarihan sa buong ibabaw
ng lupa, kapwa sa mga tao at bansa (tingnan din sa Gabay
sa mga Banal na Kasulatan, “Daniel,” p. 42; pambungad sa Daniel
sa Old Testament: 1 Kings–Malachi (mga pahina 297).
Ilang Mahahalagang Alituntunin ng
Ebanghelyo na Hahanapin
• Ang pagsunod sa mga utos ng Panginoon ay naghahatid
ng temporal at espirituwal na mga pagpapala (tingnan sa
Daniel 1:8–21; 2:16–28; 3:17–28; 4:18–27; 5:11–12; 6:10–28;
9:1–20).
• Ang mga propeta ay may kapangyarihang magpropesiya
tungkol sa hinaharap at magbigay-kahulugan sa mga palatandaan
at panaginip (tingnan sa Daniel 2:28–45; 4:19–26;
5:25–28; 7–8; 9:21–27; 10:5–12:4).
• Kailangan ang matinding katapangang moral para laging
mapili ang tama (tingnan sa Daniel 3; 6).
• Ang Simbahan ang kaharian ng Diyos na naitatag sa lupa
sa mga huling araw. Ang kahariang ito ay lalago at pupunuin
ang mundo (tingnan sa Daniel 2:28–45; 7–8; 11; 12:1–3;
tingnan din sa D at T 65:1–6).
228
Mga Mungkahi sa Pagtuturo
Daniel 1. Ang pagsunod sa mga utos ng Panginoon ay
naghahatid ng temporal at espirituwal na mga pagpapala.
(15–20 minuto)
Kung mayroon, ipakita sa mga estudyante ang larawang “Tinatanggihan
ni Daniel ang Pagkain at Alak ng Hari (Daniel
1:3–21)” (item blg. 34730 893). Basahin ang Daniel 1:1–7 sa kanila
at itanong:
• Bakit nasa Babilonia si Daniel at ang kanyang mga kaibigan?
• Bakit sila pinapunta sa palasyo ni Nabucodonosor?
Ipabasa sa mga estudyante ang mga talata 8–13. Itanong:
• Ano ang hiniling ni Daniel sa pangulo ng mga bating
[eunuchs]?
• Bakit nagpakita ng katapangan ang hiling ni Daniel?
• Bakit ayaw kainin ni Daniel at ng kanyang mga kaibigan
ang pagkaing bigay ng hari?
Ipaunawa sa inyong mga estudyante na ang katapatan ni Daniel
sa Panginoon ang naghikayat sa pagtanggi niyang kumain
ng mga bagay na ipinagbabawal (tingnan sa komentaryo
para sa Daniel 1:8 sa Old Testament: 1 Kings–Malachi, p.
297–98). Basahin ang Doktrina at mga Tipan 89:5, 8–14 at
itanong: