Sangguniang Manwal ng Guro para sa Lumang Tipan

Ang Dakilang Plano ng Kaligayahan
ang mga hugis dito habang tinatalakay ninyo ang ating pagunlad
mula sa nakaraang buhay bago tayo isinilang hanggang
sa kabilang buhay sa hinaharap. Kapag tinalakay ninyo
ang kamatayan, ihiwalay ang paper clip at hugis na gawa sa
malinaw na plastik mula sa hugis na gawa sa puting papel.
Magtanong ng katulad ng mga nakalista sa sumusunod na
mga bahagi habang itinuturo ninyo ang plano ng kaligayahan
at gamitin ang impormasyon sa pambungad na bahagi kung
kailangan. Karaniwan ay mas mainam na hayaang tuklasin
ng mga estudyante ang pinakamaraming sagot na kaya nila
sa pagsasaliksik nila sa mga iminungkahing reperensya sa
mga banal na kasulatan.
Buhay bago tayo isinilang
• Saan nagsisimula at nagwawakas ang buhay? (tingnan sa
D at T 93:29; “Espirituwal na Paglikha,” p. 14). Ipaliwanag
na ang haba ng ating buhay ay totoong lagpas pa sa mga
dingding ng silid at nagpapatuloy magpakailanman sa
magkabilang direksyon. Ang ating buhay ay walang simula
at wala itong katapusan.
• Ano ang alam ninyo tungkol sa inyong Ama sa Langit at sa
buhay ninyo sa piling niya bago kayo isinilang sa mundo?
(tingnan sa “Buhay Bago Tayo Isinilang,” p. 13).
• Ano ang kahulugan ng maging espiritung anak ng Diyos?
Ano kayo bago iyon? (tingnan sa “Buhay Bago Tayo Isinilang”
at “Espirituwal na Paglikha,” p. 14). Isabit sa paper
clip ang hugis na gawa sa plastik upang ilarawan ang hakbang
na ito.
• Kung nabuhay tayo sa piling ng Ama sa Langit bago tayo
isinilang at imortal tayo noon, bakit hindi na lang tayo namalagi
doon? (tingnan sa “Kalayaan” at “Ang Malaking
Kapulungan at ang Digmaan sa Langit,” p. 14).
• Ano ang alam natin tungkol sa mga pagkakaiba ng plano
ng Ama sa Langit at ng alternatibong plano ni Lucifer?
(tingnan sa Moises 4:1–4; “Ang Malaking Kapulungan at
ang Digmaan sa Langit,” p. 14).
• Ano ang lubhang mahalaga tungkol sa kalayaang pumili
(kalayaan) para hayaan ng Diyos na maghimagsik si
Lucifer at ang kanyang mga kampon at magsimula ang
digmaan sa langit? (tingnan sa “Kalayaan,” p. 14).
Buhay sa lupa
• Kung sa huli ay itatapon si Satanas sa malayong kadiliman,
bakit siya tinulutan ng Diyos at ang kanyang mga kampon
na pumarito sa lupa at lumikha ng napakalaking gulo?
(tingnan sa D at T 29:39).
• Bakit natin kinailangang mapunta sa isang pisikal na mundo
at magkaroon ng katawang pisikal? (tingnan sa Moises
1:33–39; “Ang Malaking Kapulungan at ang Digmaan sa
Langit” at “Pisikal na Paglikha,” p. 15).
• Bakit kinailangang maganap ang Pagkahulog nina Adan at
Eva? Ano ang binago ng Pagkahulog? (tingnan sa 2 Nephi
2:19–25; “Ang Pagkahulog at Mortalidad,” p. 15).
18
• Kung kinailangan natin ang isang mundo kung saan daranas
tayo ng pasakit, kalungkutan, at kamatayan, bakit pa
ito nilikha ng Diyos na paraiso noong una? (tingnan sa
“Ang Pagkahulog at Mortalidad,” p. 15).
• Bakit kinailangan noon ang isang Manunubos upang maisakatuparan
ang plano? (tingnan sa “Ang Malaking Kapulungan
at ang Digmaan sa Langit,” p. 14; “Ang Pagbabayad-sala,”
p. 16).
• Bakit kinailangang maging mortal (tao) si Jehova (isang
Diyos na siya ring si Jesucristo noon) upang maisakatuparan
ang plano? (tingnan sa “Ang Pagbabayad-sala,” p. 16).
• Dahil napakaraming tukso sa mundo ngayon, paano natin
mababago ang ating likas na pag-uugali at mapaglalabanan
ang kasamaan? (tingnan sa 1 Nephi 2:16; Mosias 3:19;
4:1–3; 5:1–2; Eter 12:27).
Kabilang-buhay
• Ano ang pagkakaiba ng kamatayang pisikal at ng kamatayang
espirituwal? Paano tayo maililigtas sa bawat isa?
(tingnan sa 2 Nephi 9:6–23; Alma 40:11–14; D at T 29:40–44;
“Ang Misyon ng Simbahan at ang mga Alituntunin at Ordenansa
ng Ebanghelyo,” “Ang Pagbabayad-sala,” at “Ang
Daigdig ng mga Espiritu,” p. 16).
• Ano ang sitwasyon sa daigdig ng mga espiritu at ano ang
gagawin natin doon? (tingnan sa Alma 40:11–14; D at T
138:11–37; “Ang Daigdig ng mga Espiritu,” p. 16).
• Kailan tayo hahatulan? Hindi lang ba isang beses ang paghuhukom?
(tingnan sa “Paghuhukom,” p. 16).
• Ano ang pagbabatayan ng paghatol sa atin? Hahatulan ba
ang lahat ayon sa iisang pamantayan? (tingnan sa Mosias
2:36–41; Alma 41:3–7; D at T 82:3; “Paghuhukom,” p. 16).
• Ano ang mangyayari sa mga taong hindi kailanman nakarinig
tungkol sa ebanghelyo sa buhay na ito? (tingnan sa
D at T 138:1–37; “Paghuhukom,” p. 16).
• Ano ang magiging anyo natin kapag nabuhay tayong maguli?
(tingnan sa Alma 11:42–45; “Paghuhukom” at “Pagkabuhay
na Mag-uli,” mga pahina 16–17).
• Ano ang ating huling hantungan at ano ang kahihinatnan
natin kung susundin natin ang “dakilang plano ng kaligayahan”?
(tingnan sa D at T 76:50–70).
• Bakit hindi na lang tayo gawing mga diyos ng ating Ama
sa Langit nang hindi na tayo pinadaraan pa sa mortal na
buhay na ito? (tingnan sa Alma 34:32–34).
Isiping iwanan sandali ang pisi at bumaling na lang dito
kung kailangan para tulungan ang mga estudyante na makita
kung paano lumalapat sa plano ang pinag-aaralan nila.
Itanong sa mga estudyante kung paano nakakatulong ang kaalaman
tungkol sa plano para maunawaan nila kung bakit ipinag-uutos
ng Panginoon ang ilang bagay at ipinagbabawal naman
ang iba. Pumili ng isang kautusang tila nahihirapang sundin
ng ilang kabataan sa inyong lugar (marahil ay katapatan,
moralidad, o pagpapanatiling banal sa araw ng Sabbath) at