Sangguniang Manwal ng Guro para sa Lumang Tipan

Ang Aklat ni Ezekiel
“Umasenso ang kanyang pamilya sa mundo, ilan sa
kanila ay nasa mahahalagang posisyon sa kanilang
mga piniling larangan. Ngayon ay wala ni isa sa kanila
na aktibo sa Simbahan. Sa buhay ng kanyang mga
anak at apo nakikita natin ang katuparan ng propesiya
na ‘ang mga magulang ay nagsikain ng mga maasim
na ubas, at ang mga ngipin ng mga bata ay nagsisipangilo.’
(Jeremias 31:29.) Nagkagayon sila dahil sa kahangalan
ng kanilang ama” (Teach Ye Diligently, 181).
Ipabasa sa mga estudyante ang Ezekiel 18:4–22 at ipalahad
kung paano kaya tumugon si Ezekiel sa gayong mga pahayag.
Basahin ang sumusunod na pahayag ni Elder Bruce R.
McConkie:
“Ang pansariling pananagutan sa kasalanan ay nasa pinakaugat
ng plano ng kaligtasan. Bawat tao ay pananagutan
ang sarili niyang mga kasalanan, hindi ang mga
kasalanan ng iba. Ang mga tao ay hinahatulan ayon sa
ginawa nila sa buhay na ito, hindi dahil sa ginawa ng
iba. Pinagsisikapan ng mga tao ang sarili nilang kaligtasan,
hindi ang kaligtasan ng iba. Ito ang kahulugan ng
plano ng kaligtasan—bawat tao ay hinahatulan ayon sa
sarili niyang mga ginawa at bawat tao ay pinagkakalooban
ng sarili niyang lugar sa mga kahariang inihanda”
(A New Witness for the Articles of Faith, 100; tingnan din
sa “Kalayaan,” p. 14 sa manwal na ito).
Ipaunawa sa inyong mga estudyante na hindi ang mga kasalanan
ni kabutihan ng kanilang mga magulang ang nagpapasiya
sa katayuan ng kanilang mga anak sa harapan ng Panginoon.
Ni hindi ito ang nagpapasiya kung ano ang maisasagawa
ng kanilang mga anak dito sa lupa. Lahat ng tao ay
maaaring umunlad at maging katulad ng Ama sa Langit, anuman
ang kanilang angkan o pinagmulang lahi sa lupa. Itanong:
Paano naging halimbawa ng alituntuning ito ang buhay
ni Abraham? (tingnan sa Abraham 1:5). Ipinaliwanag ni
Pangulong Ezra Taft Benson, na noon ay Pangulo ng Korum
ng Labindalawang Apostol, kung paano ito magagawa:
“Gumagawa ang Panginoon mula sa loob palabas. Gumagawa
ang daigdig mula sa labas paloob. Hahanguin
ng mundo ang mga tao mula sa kahirapan. Inaalis ni
Cristo ang nakaaabang damdamin ng di-pagkamarapat
mula sa puso ng mga tao, at sila mismo ang naghahango
sa kanilang sarili mula sa kahirapan. Hinuhubog
ng daigdig ang mga tao sa pamamagitan ng pagbabago
ng kanilang kapaligiran. Binabago ni Cristo ang mga
tao, na siyang nagbabago ng kanilang kapaligiran. Mahuhubog
ng daigdig ang kilos ng mga tao, ngunit mababago
ni Cristo ang ugali ng mga tao” (sa Conference
Report, Okt. 1985, 5; o Ensign, Nob. 1985, 6).
222
Pambungad
Ezekiel 33–48
Nang mawasak na nga ang Jerusalem, ibinaling ni Ezekiel
ang kanyang pansin sa hinaharap at nagbigay ng mensahe ng
pag-asa sa pagpopropesiya ng pagtubos sa Israel sa mga huling
araw. Ang mga sumusunod ay ilan sa mga kaganapang
iyon sa mga huling araw:
• Ang pagtitipon at pagkakaisa ng mga tupa (ng sambahayan
ni Israel) sa ilalim ng tunay na Pastol (tingnan sa Ezekiel 34)
• Ang pagtitipon ng nangakalat na Israel (tingnan sa
Ezekiel 36)
• Ang pagbubuklod ng lahat ng lipi ni Israel (tingnan sa
Ezekiel 37)
• Ang pagsasama ng Biblia at ng Aklat ni Mormon (tingnan
sa Ezekiel 37:15–20)
• Ang Milenyo (tingnan sa Ezekiel 37:21–27)
• Ang digmaan ng Armagedon at ang Ikalawang Pagparito
ni Jesucristo (tingnan sa Ezekiel 38–39)
• Ang pagtatayo ng isang bagong templo sa Jerusalem
(tingnan sa Ezekiel 40–48)
Ang kanyang mga propesiya tungkol sa isang bagong templo,
na matatagpuan sa mga kabanata 40–48, ay lalong kawili-wili
dahil tungkol ito sa muling pagtatayo ng templo at pagsamba
roon. Tingnan din sa Gabay sa mga Banal na Kasulatan,
“Ezekiel” (p. 64).
Ilang Mahahalagang Alituntunin ng
Ebanghelyo na Hahanapin
• Ang mga lider ng Simbahan ay binigyan ng responsibilidad
ng Diyos na ituro sa atin ang katotohanan at balaan
tayo kapag gumagawa tayo ng mali (tingnan sa Ezekiel
33:1–9; 34:1–10; tingnan din sa Ezekiel 3:15–21; Jacob
1:18–19).
• Ang Diyos ay mapagtiis. Paulit-ulit niyang binibigyan ng
pagkakataon ang mga tao na magsisi bago siya humatol, at
magkagayunma’y naghahandog siya ng pag-asa at pagmamahal
(tingnan sa Ezekiel 33:10–19; tingnan din sa Ezekiel
6:1–7; 7:1–15; 12:21–25).
• Dahil sa Pagkabuhay na Mag-uli ni Jesucristo, ang buong
sangkatauhan ay mabubuhay na mag-uli na may perpektong
pisikal na katawan (tingnan sa Ezekiel 37:1–14; tingnan
din sa Alma 11:43–44).
• Ang Biblia at ang Aklat ni Mormon ay magkasamang nagpapatotoo
kay Jesucristo (tingnan sa Ezekiel 37:16–19).