Sangguniang Manwal ng Guro para sa Lumang Tipan

“Kung hindi sa sagradong gawain ng pagtubos sa mga patay,
hindi sana nakumpleto at talagang hindi magiging patas ang
plano. Ang mga ordenansa sa templo—ang mga endowment,
ang pagbubuklod sa walang hanggang kasal—ay marapat sa
lahat ng kailangang paghahanda. Huwag gumawa ng anumang
bagay na magiging dahilan para hindi kayo maging karapat-dapat
na tanggapin ang mga ito o ang yugto 3 ng walang
hanggang dulang ito ay hindi maging kasing-inam ng malaya
ninyong magagawa ngayon” (The Play and the Plan, 3–4).
Pagkabuhay na Mag-uli
Lahat ng nabuhay sa mundong ito, mabuti man o hindi, ay
mabubuhay na mag-uli taglay ang imortal na katawang pisikal.
Ito ay isang kaloob dahil sa Pagbabayad-sala ni Jesucristo
(tingnan sa I Mga Taga Corinto 15:19–22; 2 Nephi 9:6–15,
19–22). Hindi lahat ay mabubuhay na mag-uli nang sabaysabay,
“datapuwa’t ang bawat isa’y sa kaniyang sariling
katayuan” (I Mga Taga Corinto 15:23; tingnan din sa Mosias
15:20–26; Alma 40:1–2; D at T 76:15–17).
Ilang Mahahalagang Alituntunin ng
Ebanghelyo na Hahanapin
• Ang Ama sa Langit ay niluwalhati, perpekto, selestiyal na
Ama, na nagtataglay ng kaganapan ng kagalakan (tingnan
sa Mosias 4:9; 3 Nephi 28:10).
• Nabuhay tayo sa piling ng Ama sa Langit bago tayo pumarito
sa daigdig. Tayo ay kanyang mga espiritung anak at
nais niyang magkaroon tayo ng kagalakang napasakanya
sa pamamagitan ng pagiging katulad niya (tingnan sa
Jeremias 1:5; Mga Taga Roma 8:16; Mga Hebreo 12:9).
• Para maging katulad ng Diyos, kailangang mabuhay na
mag-uli at luwalhatiin ang ating katawang pisikal at matutuhan
natin ang mga katangian ng pagkadiyos (tingnan sa
Job 19:26; 3 Nephi 27:27; D at T 130:22).
• Ang ating buhay sa lupa ay nilayon upang tulungan tayong
magkamit ng mga katangiang makadiyos. Binibigyan
tayo nito ng pagkakataong magkaroon ng katawang
pisikal at matuto ng mga aral ng pagkadiyos sa pagkakaroon
ng kalayaan na piliing sundin ang payo ng Diyos o
ang mga panghihimok ni Satanas (tingnan sa Genesis
2:16–17; 2 Nephi 2:25–27; Alma 34:32–34).
• Ang Paglikha ng mundo at ang Pagkahulog ni Adan ang
nagsanhi ng mahahalagang kundisyon ng mortalidad, kabilang
na ang kamatayang espirituwal at pisikal at isang
mundo kung saan may hirap, pasakit, at kalungkutan
(tingnan sa Genesis 2:17; 3:6–7; 2 Nephi 2:15–25).
• Ang Pagbabayad-sala ni Jesucristo ang nagsanhi ng pagkabuhay
na mag-uli upang lahat ay tumanggap ng imortal na
katawang pisikal (tingnan sa Job 19:25–27; Ezekiel
37:12–14; Alma 11:42–45). Malilinis din tayo ng Pagbabayad-sala
mula sa sariling mga kasalanan at matutulungan
tayong maging katulad ng Diyos (tingnan sa Isaias 1:18;
Mosias 3:19; Moroni 10:32–33).
17
• Sa bawat dispensasyon, nagsugo si Jesucristo ng mga propeta
upang ituro ang kanyang ebanghelyo sa mga anak ng
Diyos sa mundo. Ang Simbahan ni Jesucristo ay itinatag sa
mga huling araw na ito upang anyayahan ang lahat na lumapit
kay Cristo at makibahagi sa kanyang plano ng kaligayahan
(tingnan sa Amos 3:7; Alma 12:32–34; D at T 1:1–14).
Mga Mungkahi sa Pagtuturo
Ibinubuod sa Video ng Lumang Tipan pagtatanghal 4,
“Ang Plano ng Kaligtasan,” ang mga tampok sa plano
ng kaligtasan (tingnan sa Gabay sa Video ng Lumang Tipan para
sa mga mungkahi sa pagtuturo). Hindi nito dapat palitan ang
talakayan sa klase dahil maikling pagtalakay lamang ito ng
buhay bago tayo isinilang at ng kabilang buhay. Ang pagtatanghal
3 ay makakatulong sa mga estudyante na malaman
ang mga layunin ng mga nangyari sa Lumang Tipan sa plano
ng kaligtasan.
Paunawa: Nagbabala si Elder Boyd K. Packer, “Hindi nasunod
ng ilang Banal na paalis ng Nauvoo ang limitasyon sa bagahe
na itinakda ng Mga Kapatid. Pinagdusahan nila ang mga bunga
niyon kalaunan. Tulad nila, gugustuhin ninyong magsama
ng sobra-sobra sa inyong buod [ng plano ng kaligtasan].
Malulungkot kayo kapag hindi ninyo naituro ang lahat. Pitumpung
libra lamang ang puwedeng dalhin ng mga handcart
pioneer. Ang buod na ito ay ‘buod tungkol sa handcart’”
(The Great Plan of Happiness, 2–3). Ituturo ninyo ang mahahalagang
elemento ng plano ng kaligtasan sa maraming lugar sa
buong Lumang Tipan, lalo na sa susunod na ilang linggo kapag
itinuro ninyo ang mga unang kabanata sa mga aklat ng
Genesis, Moises, at Abraham. Tatalakayin ninyo roon nang
detalyado ang mga pangyayaring tulad ng Paglikha, Pagkahulog,
at Pagbabayad-sala. Makakatulong sa inyo na rekisahin
nang bahagya ang mga materyal para sa mga araling ito
habang inihahanda ninyo ang araling ito para maragdagan at
hindi lang paulit-ulit ang itinuturo ninyo sa inyong pagbubuod.
S M T W TH F S
Ang Dakilang Plano ng Kaligayahan
Buod ng Plano ng Kaligtasan: Mungkahi 1
(90–120 minuto)
Tulungan ang mga estudyante na ilarawan sa kanilang isipan
ang plano ng kaligtasan (ang plano ng kaligayahan) sa pagkakabit
ng pisi sa inyong silid-aralan mula sa isang panig ng dingding
hanggang sa kabilang panig. Magsabit ng paper clip sa
pisi para madali itong dumulas sa pisi. Gumupit ng dalawang
magkaparehong hugis ng tao, ang isa sa malinaw na plastik at
ang isa naman sa puting papel, na maikakabit sa paper clip.
Sabihin sa mga estudyante na ang pisi ay kumakatawan sa
haba ng kanilang buhay at ang isang dulo ng pisi ay kumakatawan
sa kanilang nakaraan at ang kabilang dulo ay sa kanilang
hinaharap. Ang paper clip ay kumakatawan sa kanila bilang
mga katalinuhan, ang hugis na gawa sa malinaw na
plastik ay kumakatawan sa kanilang katawang espiritu, at
ang hugis na gawa sa puting papel ay kumakatawan sa kanilang
katawang pisikal. Iusog ang paper clip sa pisi at idagdag