Sangguniang Manwal ng Guro para sa Lumang Tipan

Ang Aklat ni Jeremias
Itanong sa mga estudyante kung paano sa palagay nila makakaiwas
tayo sa panlilinlang ng mga bulaang propeta. Magdispley
ng larawan ng kasalukuyang propeta at itanong sa mga
estudyante kung paano natin matitiyak na siya ang hinirang
na propeta ng Panginoon.
Sabihin sa mga estudyante na maliban pa sa pakikinig mula
sa mga tunay na propeta, may mga bulaang propeta ring nangaral
sa mga tao noong panahon ni Jeremias. Basahin ang
Jeremias 23:9–34 sa inyong mga estudyante at talakayin ang
sumusunod na mga tanong:
• Ano ang mga maling ginagawa ng mga bulaang propeta at
saserdoteng iyon? (tingnan sa mga talata 9–17, 24–32).
• Ano ang mga katangian ng isang tunay na propeta ayon sa
Panginoon? (tingnan sa mga talata 18, 21–22, 28; tingnan
din sa komentaryo para sa Jeremiah 23 sa Old Testament:
1 Kings–Malachi, (p. 253).
• Ano ang mangyayari sa mga bulaang propetang iyon?
(tingnan sa mga talata 12, 15, 33–34).
Basahin ang sumusunod na pahayag ni Propetang Joseph Smith
at itanong sa mga estudyante kung ano ang natutuhan nila rito:
“Kapag lumilibot at nagpopropesiya ang isang tao, at
inutusan niya ang mga tao na sundin ang kanyang
mga turo, maaaring isa siyang tunay o bulaang propeta.
Palaging kinakalaban ng mga bulaang propeta ang
mga tunay na propeta at magpopropesiya sila ng napakalapit
sa katotohanan na malilinlang nila maging
ang mga hinirang” (Teachings of the Prophet Joseph
Smith, p. 365).
Para mailarawan ang pahayag na iyan, ipasaliksik sa mga estudyante
ang Jeremias 27:6–14, 19–22 at ipahanap kung ano
ang ipinropesiya ni Jeremias tungkol sa Juda at Babilonia.
Ipabasa sa kanila ang Jeremias 28:1–4, 10–11 at ipatukoy ang
bulaang propetang kumalaban kay Jeremias at kung ano ang
kanyang mensahe.
Basahin ang Jeremias 28:5–9, 13–17 sa inyong mga estudyante
at talakayin kung paano tumugon si Jeremias kay Hananias at
ano ang ginawa ng Panginoon sa bulaang propetang iyon.
Ipaunawa sa kanila na ang sagot ni Jeremias sa talata 6 ay
hindi nangangahulugang sumang-ayon siya. Maaaring sinabi
niyang “Siya nawa: gawing gayon ng Panginoon” nang patuya
o bilang pagpapahayag ng pagnanais na magsisi ang mga
tao at magtamo ng gayong mga pagpapala. Itanong:
Ano ang iminungkahi ni Jeremias na nagpapatunay na totoo
ang propeta? (tingnan sa t. 9; tingnan din sa Deuteronomio
18:20–22).
Ano ang magagawa natin para makaiwas sa pagliligaw ng
mga bulaang propeta ngayon?
Magpatotoo kung paano makakatulong ang pagsunod sa
mga utos para makaiwas na malinlang tayo ng mga bulaang
212
propeta. Ibahagi ang sumusunod na mensahe ni Elder
Gordon B. Hinckley, na noon ay isang Apostol:
“Nararapat tayong magpasalamat nang lubos, mga kapatid,
nagpapasalamat tayo nang lubos, para sa isang
propetang nagpapayo sa atin sa mga salita ng banal na
karunungan habang tinatahak natin ang ating landas
sa magulo at mahirap na mga panahong ito. Ang matibay
na katiyakan sa ating puso, ang paniniwala na ipaaalam
ng Diyos ang kanyang kalooban sa kanyang
mga anak sa pamamagitan ng kinikilala niyang lingkod
ang tunay na batayan ng ating pananampalataya
at gawain. Dapat tayong magkaroon ng isang propeta
o wala tayong mapapala; at dahil mayroon tayong propeta,
nasa atin na ang lahat” (sa Conference Report,
Okt. 1973, 161; o Ensign, Ene. 1974, 122).
Pambungad
Nangako ang Panginoon na ipanunumbalik niya ang Israel at
Juda sa mga huling araw. Inutusan si Jeremias na itala ang
mga pangakong iyon (tingnan sa Jeremias 30:1–3). Habang pinag-aaralan
ninyo ang Jeremias 30–33, hanapin ang kahalagahan
ng tipang Abraham at ng lipi ni Ephraim sa panunumbalik
o pagtitipong ito.
Ilang Mahahalagang Alituntunin ng
Ebanghelyo na Hahanapin
• Sa mga huling araw lipi ni Ephraim, na lipi ng pagkapanganay,
ang unang titipunin. Responsibilidad nilang tumulong
na matipon ang iba pang miyembro ng sambahayan
ni Israel, sa gayon ay matulungan ang Panginoon na isakatuparan
ang kanyang walang hanggang tipan (tingnan sa
Jeremias 31:1–14, 18–21, 31–34; 32:36–41).
• Sa Milenyo, susundin ng lahat ang ebanghelyo at makikilala
nila ang Panginoon (tingnan sa Jeremias 31:31–34;
32:36–41).
Mga Mungkahi sa Pagtuturo
Jeremias 30–33. Nagpropesiya si Jeremias tungkol
sa maraming magagandang kaganapang mangyayari
sa mga huling araw. (55–65 minuto)
S M T W TH F S
Jeremias 30–33
Ipagunita sa mga estudyante ang huling malaking palaro sa
kanilang lugar at talakayin kung paano ituturing ng ilang tao
na masaya ang kaganapang iyon samantalang malungkot ito
sa iba. Itanong: