Sangguniang Manwal ng Guro para sa Lumang Tipan

Ang Aklat ni Jeremias
isang taong hindi isinugo ng Diyos na siya ay nagsasalita
para sa Diyos. Ipasaliksik sa kanila ang Deuteronomio 13:5;
Jeremias 14:15–16; at 23:9–40 at ipalista kung ano ang sinabi
ng Panginoon tungkol sa mga bulaang propeta.
Maaari ninyong ipabasa sa inyong mga estudyante ang kuwento
tungkol sa paghaharap ni Jeremias at ng bulaang propetang
si Hananias sa Jeremias 28 bilang halimbawa ng damdamin
ng Panginoon tungkol sa mga bulaang propeta (tingnan
din sa D at T 121:11–24). Talakayin kung paano natin
mapangangalagaan ang ating sarili laban sa mga yaong maituturing
na mga bulaang propeta ngayon at sisira sa ating pananampalataya
sa Diyos.
Jeremias 16:16 (Scripture Mastery). Ang mga misyonerong
tinatawag ng Panginoon ngayon ay ilan
sa mga “mangingisda” at “mangangaso” na ipinropesiya
ni Jeremias. (15–20 minuto)
Isulat sa pisara ang mga salitang mga mangingisda at mga mangangaso
. Ipapaliwanag sa mga estudyante kung ano ang ginagawa
ng bawat isa, anong mga paghahanda at kagamitan
ang kailangan, at gaanong pagsisikap, panahon, at konsentrasyon
ang kailangan para mangaso at mangisda.
Isulat sa pisara ang salitang mga misyonero at gumuhit ng mga
linya mula sa mga mangingisda at mga mangangaso hanggang sa
salitang mga misyonero. Basahin ang Jeremias 16:16 at itanong:
• Ano ang ilang paraan na maihahambing ang gawaing misyonero
sa pangingisda at pangangaso?
• Anong mga kasanayan ang kailangan ng mga misyonero
na tutulong sa kanila na mahanap, maturuan, mabinyagan,
at mapanatili ang mga nagbalik-loob?
Kung maaari, ipatalakay sa isang nakabalik nang misyonero
ang mga karanasan niya sa paghahanap sa mga yaong naghahanap
ng katotohanan. Isiping bigyan ang bawat estudyante
ng kopya ng sumusunod na mga pahayag at talakayin ito sa
buong klase.
Sabi ni Elder LeGrand Richards, na noon ay miyembro ng Korum
ng Labindalawang Apostol:
“Saan ninyo matatagpuan ang mga mangingisda at
mangangasong iyon na nabasa natin sa dakilang propesiyang
ito ni Jeremias? Sila [ang] mga misyonero ng
simbahang ito, at yaong mga nauna sa kanila mula
nang matanggap ni Propetang Joseph Smith ang katotohanan
at magpadala ng mga sugo para ibahagi ito sa
mundo. Sa gayon ay humayo sila, nangisda at nangaso,
at tinipon sila mula sa kaburulan at kabundukan, at sa
mga bitak ng malalaking bato” (sa Conference Report,
Abr. 1971, 143; o Ensign, Hunyo 1971, 99).
210
Sabi ni Elder L. Tom Perry, isang Apostol:
“Ngayon ay lumaki pa ang pangangailangan sa mas
maraming full-time missionary kaysa noon. At muli
naming ipinaaabot ang panawagan sa bawat karapatdapat
na binata na dinggin ang tinig ng propeta na
maglingkod bilang full-time missionary. Nananawagan
kami sa mga bishop at branch president na tiyaking
magkaroon ng pagkakataong makapagmisyon ang bawat
karapat-dapat at may kakayahang binata….
“Ipinarating ni Pangulong Kimball ang sumusunod na
pahayag tungkol sa mga dalagang naglilingkod: ‘Maraming
dalagang nais maglingkod sa full-time mission,
at maaari din silang maglingkod sa Panginoon. Ang
responsibilidad na ito ay hindi sa kanila kundi sa mga
elder, ngunit tatanggap sila ng saganang mga pagpapala
para sa kanilang di-makasariling sakripisyo. Ang
Panginoon ay nasisiyahan [sa] kanilang kahandaang
magdala ng mga kaluluwa sa kanya’ (President Kimball
Speaks Out [Salt Lake City: Deseret Book Co., 1981], p.
30)” (sa Conference Report, Abr. 1992, 32; o Ensign,
Mayo 1992, 24).
Sabi ni Pangulong Howard W. Hunter:
“Muli at muli sa kanyang mortal na ministeryo, naglabas
ang Panginoon ng panawagan na kapwa paanyaya
at hamon. Kina Pedro at Andres, sinabi ni Cristo,
‘Magsisunod kayo sa hulihan ko, at gagawin ko kayong
mga mamamalakaya ng mga tao’ (Mateo 4:19).
Tayo ay nasa gawaing magligtas ng mga kaluluwa,
mag-anyaya sa mga tao na lumapit kay Cristo, madala
sila sa mga tubig ng binyag upang patuloy silang sumulong
sa landas tungo sa buhay na walang hanggan.
Kailangan ng mundong ito ang ebanghelyo ni
Jesucristo. Ang ebanghelyo ang tanging daan para
magkaroon ng kapayapaan sa mundo. Bilang mga alagad
ni Jesucristo, hangad nating lumawak ang pagmamahalan
at pag-uunawaan ng mga tao sa mundo. Itinuro
ng mga unang propeta na dapat maglingkod sa
full-time mission ang bawat may kakayahan at karapat-dapat
na binata. Binibigyang-diin ko ang pangangailangang
ito ngayon. Kailangang-kailangan din natin
sa misyon ng mga mag-asawang may kakayahan.
Sinabi ni Jesus sa kanyang mga disipulo, ‘Sa katotohana’y
marami ang aanihin, datapuwa’t kakaunti ang
mga manggagawa: kaya’t idalangin ninyo sa Panginoon
ng aanihin, na magpadala siya ng mga manggagawa
sa kaniyang aanihin’ (Lucas 10:2)” (sa Conference
Report, Okt. 1994, 118–19; o Ensign, Nob. 1994, 88).