Sangguniang Manwal ng Guro para sa Lumang Tipan

• Mga Jaredita—Eter 15:6
• Mga Ammonihasita—Alma 15:15
Ipabasa sa mga estudyante ang 2 Nephi 26:11 at Eter 2:9–10,
at itanong kung kailan nililipol ng Panginoon ang isang grupo
ng mga tao sa daigdig.
Ipaunawa sa mga estudyante na sukdulan na ang kasamaan
ng mga tao ng Juda. Ang mga kabanata 2–35 ng Jeremias ay
puno ng mga babala ng mga propeta sa Juda na magsisi o
malipol. Piliin ang ilan o lahat ng sumusunod na mga talata
at ipahanap sa mga estudyante kung tungkol saan ang babala
ni Jeremias sa Juda: Jeremias 2:5–8; 3:1–11; 5:1–8, 23–31;
6:10–15; 7:1–31; 9:1–9; 10:1–14; 17:19–27.
Habang binabasa ninyo ang mga banal na kasulatang iyon,
ilista ang ilan sa mga kasalanan ng mga tao at talakayin kung
bakit hindi sila nagsisi (tingnan sa mga komentaryo para sa
Jeremiah 2–19 sa Old Testament: 1 Kings–Malachi, mga pahina
236–42).
Tulungan ang mga estudyante na ihambing ang panahon ni
Jeremias sa ating panahon sa pagtalakay sa sumusunod na
mga tanong:
• Paano natutulad ang mga kasalanan ng ating panahon sa
mga kasalanan noong panahon ni Jeremias?
• Sa palagay ba ninyo binabalaan tayo ng mga propeta at
apostol ngayon kung paano binalaan ni Jeremias ang kanyang
mga tao noon? Bakit oo o bakit hindi?
• Tungkol saan ang babala sa atin ng mga propeta sa mga
mensahe nitong huling kumperensya o sa mga artikulo sa
magasin ng Simbahan?
• Paano lubos na nabibitag sa kasalanan ang mga tao kaya
imposible na silang magbago? (tingnan sa mga komentaryo
para sa Jeremiah 13:22–27 at Jeremiah 15:1–14 sa Old Testament:
1 Kings–Malachi (mga pahina 240).
Hikayatin ang mga estudyante na tapalan ang anumang butas
na maaaring sumaid sa kanilang espirituwal na tubig sa
pamamagitan ng pagsisisi sa mga kasalanan at pagdinig sa
mga babala ng ating propeta.
Jeremias 14–26. Nagpapadala ng mga bulaang propeta si
Satanas upang ilayo ang mga tao sa mga tunay na propeta.
(40–50 minuto)
Bago magklase, butasan ng aspili o karayom ang ibabaw at
ilalim ng isang itlog at alisan ng laman sa pamamagitan ng
pag-ihip sa isa sa mga butas. Lalabas ang laman ng itlog at
balat lang ang maiiwan.
Ipakita ang isang buong itlog at ang itlog na walang laman sa
inyong mga estudyante, na tinatakpan ng mga daliri ninyo
ang mga butas. Itanong sa kanila kung masasabi nila ang
pagkakaiba ng dalawang itlog. Basagin ang dalawang itlog, at
sabihin na ang mahalagang kaibhan ay nasa loob.
209
Sa pisara isulat ang Isang lobo na nakadamit-tupa. Itanong sa
mga estudyante:
• Ano sa palagay ninyo ang ibig sabihin nito?
• Paano ito nauugnay sa dalawang itlog?
Ipabasa sa mga estudyante ang Mateo 7:15 at ipahanap
kung sino ang tinukoy ng Tagapagligtas na mga lobong nakadamit-tupa.
Ilang beses nakaharap ni Jeremias ang mga bulaang propeta.
Kopyahin ang sumusunod na tsart sa pisara o sa isang handout.
Isama ang mga reperensya sa mga banal na kasulatan
ngunit huwag lagyan ng mga sagot. Ipasaliksik sa mga estudyante
ang mga reperensya para sa mga kaibhan ng mga tunay
na propeta sa mga bulaang propeta.
Mga Katangian ng mga Bulaang Propeta
Deuteronomio 18:20; Hindi sila isinugo ng Panginoon.
Jeremias 14:14; 23:16
Isaias 30:8–10; Nagpopropesiya sila ng mga kasinungalingan
Jeremias 23:25–27, 32 at sinasabi nila ang gustong marinig ng
mga tao.
Jeremias 23:14 Nakikiapid sila sa hindi nila asawa.
Jeremias 14:13 Nagbibigay sila ng mga maling pangako ng
katiwasayan at kapayapaan.
Mga Panaghoy 2:14 Hindi sila nangangaral laban sa kasalanan.
Jeremias 26:8–9, 11 Tinatangka nilang lipulin ang mga tunay
na propeta.
Mga Katangian ng mga Tunay na Propeta
Jeremias 1:5–9 Sila ay tinawag ng Panginoon.
Jeremias 18:7–10 Itinuturo nila na nasa pagsisisi at matwid na
pamumuhay lamang ang tunay na
katiwasayan.
Jeremias 24:9–10; Nagpopropesiya sila ng katotohanan, kahit ito
2 Nephi 9:40 ay masakit.
Jeremias 23:1–2, 11–13 Tinutuligsa nila ang mga bulaang propeta at
saserdote at nangangaral laban sa mga
kasalanan.
Jeremias 20:4–6; 25:8–12 Natutupad ang kanilang mga propesiya.
Jeremias 1–19
Itanong sa mga estudyante kung bakit maling sabihin ng