Sangguniang Manwal ng Guro para sa Lumang Tipan

ng kahangalang ipagkatiwala ang ating buhay at kaligtasan
sa sinumang tao o anumang bagay sa mundo.
Ilang Mahahalagang Alituntunin
ng Ebanghelyo na Hahanapin
• Walang kapangyarihang magligtas o magpala ang mga
diyus-diyusan at iba pang mga likha ng tao. Ang Ama sa
Langit ang lumikha sa atin at ililigtas, pagpapalain, at palalakasin
niya ang mga nagtitiwala sa kanya (tingnan sa Isaias
40:12–31; 41:8–29; 43:14–21).
• Binibigyang-inspirasyon ng Panginoon kung minsan ang
mga lider ng mga bansa at mga tao na isakatuparan ang kanyang
gawain. Nangyayari ito kapag ang mga lider na iyon ay
handang tumanggap ng mga inspirasyong ibinibigay niya sa
kanila, kahit hindi nila alam kung saan nagmumula ang inspirasyong
iyon (tingnan sa Isaias 41:1–4; 45:1–4).
Mga Mungkahi sa Pagtuturo
Isaias 40–47. Ang mga diyus-diyusan, anuman ang katangian
ng mga ito, ay walang kapangyarihang magpala o
magligtas. (25–35 minuto)
Magdispley ng ilang bagay o larawang kumakatawan sa mga
bagay na maaaring maging makabagong mga idolo, tulad ng
pera, gamit ng militar, isang siyentipiko o kagamitang pangsiyensya,
mga artista at atleta, o mga simbolo ng gobyerno.
Magdispley rin ng isang larawan ng Tagapagligtas. Itanong sa
mga estudyante kung ano ang karaniwan sa mga bagay na
iyon. (Maaari nilang katawanin ang pinagtitiwalaan ng mga
tao na magpapaligaya at magliligtas sa kanila mula sa kagipitan.)
Basahin ang Doktrina at mga Tipan 1:12–16 at itanong
kung ano ang sinabi ng Panginoon sa mga talatang iyon tungkol
sa pagsamba sa mga diyus-diyusan. Basahin ang mga talata
17–23 at itanong kung ano ang ginawa ng Panginoon
upang maihanda tayo para sa hinaharap.
Sa matitinding kataga, inihambing ni Isaias ang kapangyarihan
ng Diyos ng Israel sa kawalan ng kapangyarihan ng mga diyusdiyusan.
Igrupu-grupo ang klase at atasan ang bawat grupo ng
isa sa anim na sumusunod na mga talata. (Kung napakarami ng
mga scripture block na ito at kapos kayo sa oras o maliit ang inyong
klase, gamitin na lang ang Isaias 40; 44; at 47.)
• Isaias 40:12–31
• Isaias 41:4–29
• Isaias 43
• Isaias 44:6–28
• Isaias 46
• Isaias 47
Ipaaral sa mga grupo ang kanilang mga talata at ipalista ang
sinabi ni Isaias tungkol sa kapangyarihan at kaluwalhatian ng
Diyos at sa kawalan ng silbi ng mga diyus-diyusan at panggagaway.
Ipabahagi sa mga grupo ang nahanap nila, lalo na
ang kaangkupan nito sa mga diyus-diyusan sa ating panahon.
201
Isaias 40–47
Sa Doktrina at mga Tipan ibinilang ng Panginoon ang pagsamba
sa mga diyus-diyusan sa Babilonia (tingnan sa D at T
1:16). Talakayin ang tsart tungkol sa Babilonia na kasama sa
komentaryo para sa Isaiah 47 sa Old Testament: 1 Kings–Malachi,
p. 188). Basahin ang sumusunod na karanasan ni Elder
Melvin J. Ballard nang sikapin niyang lutasin ang ilang mahihirap
na hamon:
“Sa pagkakataong ito hinanap ko ang Panginoon, … at
noong gabing iyon tumanggap ako ng isang kagila-gilalas
na pagpapakita at impresyon na nanatili magpakailanman
sa akin. Dinala ako sa lugar na ito [sa Salt
Lake Temple]—sa loob ng silid na ito…. Sinabihan ako
na may isa pang pribilehiyong ibibigay sa akin; at inakay
ako sa loob ng isang silid kung saan ipinaalam sa
akin na may katatagpuin ako. Pagpasok ko sa silid nakita
ko, na nakaupo sa nakaangat na entablado, ang pinakamaluwalhating
nilalang sa lahat ng nakita ko, at
inilapit ako para ipakilala sa Kanya. Habang palapit
ako, ngumiti Siya, tinawag ang pangalan ko, at iniabot
sa akin ang Kanyang kamay. Kahit umabot ako sa
edad na isang milyon hinding-hindi ko malilimutan
ang ngiting iyon. Nang ilapit Niya ako sa Kanyang
dibdib, niyakap Niya ako at hinagkan, at binasbasan
Niya ako hanggang sa mapuspos ng kagalakan ang
buo kong katauhan. Nang matapos Siya napaluhod
ako sa Kanyang paanan, at doo’y nakita ko ang marka
ng mga pako; at nang hagkan ko ang mga ito, na naguumapaw
ang matinding galak sa buo kong katauhan,
pakiramdam ko’y nasa langit ako talaga. Ang damdaming
sumapuso ko noon ay: Ah! sana ay mabuhay ako
nang marapat, bagama’t walumpung taon ang kakailanganin,
upang sa huli kapag tapos na ako ay makatungo
ako sa Kanyang kinaroroonan at matanggap ang
damdaming nadama ko noon sa Kanyang piling, ibibigay
ko ang buong pagkatao ko at lahat ng inaasam
kong kahinatnan!” (Melvin J. Ballard—Crusader for
Righteousness [1966], 66).
Isaias 40. Itinuturo sa atin ng mga propesiya ni Isaias ang
tungkol sa Ikalawang Pagparito at nagdudulot ito sa atin
ng pag-asa na tutulong sa atin na tapat na magtiis hanggang
wakas. (15–25 minuto)
Ang Isaias 40 ay naglalaman ng ilang mahahalagang turo
tungkol sa Mesiyas—si Jesucristo. Nilapatan ng musika ni
George Frederick Handel ang karamihan sa mga talata 1–11 sa
likha niyang awiting Messiah. Kung makakakuha kayo ng recording,
patugtugin ang ilang awiting bumabanggit sa Isaias
40. (Kabilang sa mga awiting nagsipi sa Isaias 40 ang “Comfort
Ye My People,” “Ev’ry Valley Shall Be Exalted,” “And the
Glory of the Lord,” “O Thou That Tellest Good Tidings to
Zion,” at “He Shall Feed His Flock like a Shepherd.”) Anyayahang
makinig na mabuti ang mga miyembro ng klase at pagkatapos
ay hanapin ang reperensyang kinanta. Sabihin sa kanila
na kinakanta ng mga tao sa buong mundo ang awiting ito
tungkol sa Tagapagligtas at sa kanyang banal na misyon kahit