Sangguniang Manwal ng Guro para sa Lumang Tipan

Propesiya ni Isaias Katuparan ng
tungkol sa Aklat ni Propesiya ni
Mormon Isaias
Isaias 29:4 Joseph Smith—Kasaysayan
1:29–34, 42, 51–52
Isaias 29:10 Joseph Smith—Kasaysayan
1:10, 18–19
Isaias 29:11 Eter 4:4–6
Isaias 29:11–12 Joseph Smith—Kasaysayan
1:63–65
Maaaring makatulong ang ilan sa sumusunod na mga tanong
sa pagtalakay sa propesiya ni Isaias:
• Paano makakatulong sa mga tao ngayon ang malaman na
alam at ipinropesiya ng mga sinaunang propeta ang tungkol
sa paglabas ng Aklat ni Mormon?
• Paano makakatulong ang gayong mga propesiya sa Biblia
para maihanda ang mga tao para sa Aklat ni Mormon?
• Sa palagay ninyo, bakit ihahayag ng Diyos ang gayon kadetalyadong
kaalaman sa kanyang mga propeta?
• Ano ang itinuturo sa atin ng gayong mga propesiya tungkol
sa kaalaman ng Diyos sa mula’t mula pa?
• Paano nakakatulong ang pagkaunawa na alam ng Diyos
ang lahat at siya ay makapangyarihan para magtiwala tayo
sa kanya?
Ipinropesiya rin ng iba pang mga sinaunang propeta ang paglabas
ng Aklat ni Mormon, tulad nina Ezekiel (tingnan sa Ezekiel
37:15–17), Jose sa Egipto (tingnan sa 2 Nephi 3:11), at Nephi
(tingnan sa 2 Nephi 27:6–23).
Pamarkahan sa mga estudyante ang mga talata sa scripture
mastery (Isaias 29:13–14) at i-cross-reference ang mga ito sa
Joseph Smith—Kasaysayan 1:19. Itanong:
• Paano iginagalang ng mga tao ang Diyos sa kanilang pananalita
ngunit hindi sa kanilang puso?
• Paano naging “kagila-gilalas at kamangha-manghang gawain”
ang Panunumbalik ng ebanghelyo at Aklat ni Mormon?
• Paano mapapawi ng Aklat ni Mormon ang mga taong sinasabing
matalino sa mundo? (tingnan sa Isaias 29:11–14).
Maaari ninyong ipadula-dulaan sa tatlong estudyante ang
isang investigator na nagtatanong sa dalawang misyonero
tungkol sa Aklat ni Mormon. Makakatulong ang iba pa sa
klase na magbigay ng mga reperensya sa mga banal na kasulatan
sa mga estudyanteng gumaganap na misyonero. Maghanda
ng mga itatanong ng estudyanteng gumaganap na investigator
na gaya ng sumusunod—hindi nakikipagtalo, kundi
tunay na naghahanap ng katotohanan:
• May sinasabi ba sa Biblia tungkol sa Aklat ni Mormon?
199
• Bakit natin kailangan ng iba pang banal na kasulatan maliban
sa Biblia?
• Bakit hindi tinatanggap ng ibang mga simbahan ang Aklat
ni Mormon?
• May iba pa bang nakakita sa mga laminang ginto maliban
kay Joseph Smith?
• Paano ko malalaman na ang Aklat ni Mormon ay totoo at
si Joseph Smith ay isang propeta?
Ipalahad sa ilang estudyante kung ano ang pakiramdam nila
tungkol sa Aklat ni Mormon at ano ang epekto nito sa kanilang
buhay.
Isaias 28:23–29; 30–31; 36–37; 40. Ang kapangyarihan ng
Panginoon ay higit na dakila magpakailanman kaysa sa
tao. Kapag tayo ay “nangaghihintay” sa Panginoon—kapag
matiyaga tayong nagtiwala at sumampalataya sa kanya—tatanggapin
natin ang kanyang lakas upang tulungan
tayong matiis at madaig ang ating mga pagsubok at paghihirap
at sa huli ay matatanggap natin ang lahat ng ipinangako
niyang mga pagpapala. (35–40 minuto)
Itanong sa mga estudyante:
Isaias 24–35
• Sino ang ilang taong pinagtitiwalaan ninyo? Bakit?
• Sino ang pagtitiwalaan ninyong gumabay sa inyo nang ligtas
sa mapanganib na paglalakbay patawid ng Amazon River?
• Sino ang pagtitiwalaan ninyo kung kailangan ninyong
kumpunihin ang inyong kotse?
• Sino ang pagtitiwalaan ninyong mag-opera kung kailangan
kayong operahan?
• Sino ang pagtitiwalaan ninyong umakay sa inyo sa landas
ng kaligtasan?
• Bakit natin kailangang magtiwala sa Panginoon?
• Paano tayo natutukso kung minsan na huwag magtiwala
sa kanya?
Sabihin sa mga estudyante na noong panahon ni Isaias, natukso
ang Israel na magtiwala sa mga kalapit-bansa, tulad ng Egipto,
upang iligtas sila sa kanilang mga kaaway sa halip na magtiwala
sa Panginoon (tingnan sa Isaias 30:1–3, 7; 31:1–3). Dahil madalas
sumamba ang mga tao ng Israel sa mga diyus-diyusan at
umasa sa iba pang mga tulong, kailangan nilang matutong
magtiwala at maglingkod sa Panginoon para maligtas.
Ipabasa sa mga estudyante ang Isaias 30:15–17 at ipalahad sa
sarili nilang mga salita kung ano ang ipinangako ng Panginoon
sa mga Israelita at paano niya sila binalaan tungkol sa mga
bagay na pinagkakatiwalaan nila. Ipa-cross-reference sa kanila
ang mga talatang iyon sa Helaman 4:13. Itanong:
• Ano ang itinuturo ng plano ng kaligtasan kung bakit kailangang-kailangan
natin ang tulong ng Panginoon? (Lahat
tayo ay nagkakasala, lahat tayo ay apektado ng Pagkahulog,
at kailangan nating lahat ang Pagbabayad-sala ni Jesucristo.)
• Ano kaya ang magiging hinaharap natin kung hindi tayo
nakatanggap ng tulong o lakas mula sa Panginoon?