Sangguniang Manwal ng Guro para sa Lumang Tipan

Ang Aklat ni Isaias
“Inaanyayahan ko … ang mga miyembro ng Simbahan
na itayo ang templo … [bilang] dakilang simbolo ng
kanilang pagiging miyembro at [ng] makalangit na lugar
para sa kanilang pinakasagradong mga tipan….
“Maging mga tao tayong paladalo at mapagmahal sa
templo. Humayo tayo sa templo nang madalas hangga’t
kaya ng ating oras at paraan at sitwasyon. Pumunta
tayo hindi lamang para sa ating mga kamag-anak na
namatay, kundi para din sa personal na pagpapala ng
pagsamba sa templo, para sa kabanalan at kaligtasang
laan sa loob ng mga pinabanal at inilaang mga pader
na iyon. Ang templo ay isang lugar ng kagandahan,
isang lugar ng paghahayag, isang lugar ng kapayapaan.
“Ito ang bahay ng Panginoon” (sa “President
Howard W. Hunter: Fourteenth President of the
Church,” ni Jay M. Todd Ensign, Hulyo 1994, 5).
Maaari ninyong anyayahang magsalita ang isang taong nagpunta
sa templo kamakailan kung paano mas bumuti ang kanyang
buhay dahil sa pagsamba sa templo. Hikayatin ang tao na
huwag sabihin ang mga detalye tungkol sa templo, kundi kung
paano naging pagpapala ang karanasan niya sa templo.
Isaias 11. Ipinropesiya ni Isaias ang Panunumbalik ng
ebanghelyo sa mga huling araw at ang Ikalawang Pagparito
ni Jesucristo. (10–15 minuto)
Magpakita sa mga estudyante ng larawan ng isang lobo
[wolf] o ibang hayop na kumakain ng karne at ng hiwalay na
larawan ng isang tupa. Itanong sa kanila kung ano sa palagay
nila ang mangyayari kung magsama ang dalawang hayop na
iyon sa iisang kulungan. Ipakita sa mga estudyante ang kalakip
na larawan (na nasa p. 265 rin) at ipabasa sa kanila ang
Isaias 11:6–9.
Itanong sa mga estudyante:
• Kailan magkakatotoo ang tagpong nasa larawan?
• Kailan magiging “puno ng kaalaman ng Panginoon” ang
mundo? (Sa Milenyo; tingnan sa Isaias 11:9; tingnan din sa
196
komentaryo para sa Isaiah 11:9 sa Old Testament:
1 Kings–Malachi, p. 149).
Ipaisip na mabuti ang mga talatang iyon sa inyong mga estudyante
at ipalahad kung ano ang pinakagusto nila sa pamumuhay
sa panahon ng Milenyo.
Ipabasa sa mga estudyante ang Isaias 11:1–5, at itanong:
• Sino sa palagay ninyo ang binabanggit sa mga talatang
iyon? (Si Cristo.)
• Ano ang dapat mangyari bago sumapit ang Milenyo? (Ang
paglipol sa masasama at ang Ikalawang Pagparito ni Cristo.)
Basahin ang Doktrina at mga Tipan 113:1–4 at talakayin ang
natutuhan natin sa mga talatang iyon. Basahin sa inyong mga
estudyante ang Isaias 11:10–16 at talakayin kung ano pa ang
mangyayari bago sumapit ang Milenyo. (Titipunin ang Israel;
tingnan sa mga komentaryo para sa Isaiah 11 sa Old Testament:
1 Kings–Malachi, mga pahina 149–50). Basahin ang ilan
sa sumusunod na mga banal na kasulatan at ipaunawa sa inyong
mga estudyante kung paano sila natipon at na sila ay tinawag
upang tumulong na tipunin ang iba pa: Jeremias
16:14–16; 1 Nephi 10:14; D at T 29:7–8; 45:9; 88:81.
Pambungad
Isaias 13–23
Tingnan sa pambungad sa Isaiah 13–23 sa Old Testament:
1 Kings–Malachi, (p. 153).
Ilang Mahahalagang Alituntunin
ng Ebanghelyo na Hahanapin
• Kahit kung minsan ay ginagamit ng Panginoon ang masasama
upang parusahan ang kanyang piling mga tao, sa huli
ay lilipulin ang kasamaan sa lahat ng bansa (tingnan sa Isaias
13:6–11, 19–22; 14:24–26; tingnan din sa Isaias 10:5–27).
• Si Lucifer, isang espiritung mataas ang posisyon sa buhay
bago isilang sa mundong ito, ay pinalayas sa harapan ng
Diyos at naging si Satanas dahil hinangad niyang dakilain
ang kanyang sarili kaysa sa Diyos at mamuno sa iba pang
mga anak ng Ama sa Langit (tingnan sa Isaias 14:12–20;
tingnan din sa D at T 29:36; 76:25–28; Moises 4:1–4).
• Bilang ipinangakong Mesiyas, hawak ni Cristo ang mga
susi ng buhay na walang hanggan para sa buong sangkatauhan.
Tinitiyak ng kanyang Pagbabayad-sala na ang buong
sangkatauhan ay babangon mula sa libingan (tingnan sa
Isaias 22:20–25; tingnan din sa I Mga Taga Corinto 15:22;
Apocalipsis 1:18).