Sangguniang Manwal ng Guro para sa Lumang Tipan

ANG AKLAT NG MGA AWIT
Pambungad
Bago pag-aralan ang aklat ng Mga Awit, basahin ang enrichment
section G, “Hebrew Literary Styles,” sa Old Testament:
Genesis–2 Samuel (mga pahina 303–6). Ang pag-unawa sa
katangian ng tula ng mga Hebreo ay lubhang magpapaibayo
sa pagpapahalaga ninyo sa mga awit. Ang Mga Awit ay
koleksyon ng mga tula o awit ng mga Hebreo, ilan dito ay
ginamit sa pormal at sagradong mga seremonya (liturhiya) sa
tabernakulo at sa templo. Ang ilan ay isinulat bilang papuri
sa Diyos; ang iba ay mga panalangin. Ang ilan ay halatang
kinanta sa saliw ng mga instrumentong musikal, habang ang
iba naman ay may mga ritwal na himig na walang saliw
(tingnan sa Gabay sa mga Banal na Kasulatan, “Awit,” p. 16;
tingnan din sa “Who Wrote the Psalms?” sa Old Testament:
Genesis–2 Samuel, p. 310).
Ang pamagat na Mga Awit ay nagmula sa Septuagint (ang pagsasalin
ng Biblia sa wikang Griyego) at ibig sabihin ay “mga
awitin.” Ang pangalan ng Mga Awit sa Hebreo ay Tehillim, na
ibig sabihin ay “mga papuri” o “mga awit ng papuri.” Ang Mga
Awit ay mga himno ng simbahan ng mga Hebreo. Maipapaliwanag
nito kung bakit mas maraming beses binanggit ang aklat na
ito sa Bagong Tipan kaysa sa iba pang aklat sa Lumang Tipan.
Noong araw, hinati ng mga Hebreo ang 150 awit sa limang
magkakahiwalay na aklat. Sa Biblia ngayon nahahati ang mga
ito ayon sa sumusunod:
1. Mga Awit 1–41
2. Mga Awit 42–72
3. Mga Awit 73–89
4. Mga Awit 90–106
5. Mga Awit 107–50
Mga Awit 1–150
Sa dulo ng bawat hati, nagtatapos ito sa isang doxology (kinantang
panalangin), o sa pormal na pagpapahayag ng kapangyarihan
at kaluwalhatian ng Diyos (tingnan sa Mga Awit
41:13; 72:19; 89:52; 106:48). Ang Mga Awit 150 mismo ay isang
doxology, gamit ang salitang Hebreong Hallelujah, “Purihin
ninyo ang Panginoon,” sa simula at sa huli, gayundin ang salitang
purihin nang labing-isa pang beses. Akmang pagtatapos
ito sa Tehillim, o mga awit ng papuri.
Ilang Mahahalagang Alituntunin ng
Ebanghelyo na Hahanapin
• Madalas ibigay ng Panginoon ang sumusunod na mga pagpapala
sa mga yaong sumasampalataya at nagtitiwala sa kanya:
183
a. Poprotektahan, ipagtatanggol, at ililigtas niya sila (tingnan
sa Mga Awit 4:1, 3, 5–6; 5:1–3, 11–12; 7:1–2, 10;
18:1–6, 30–32; 20:6–9; 23:4–5; 37:39–40; 56; 71:1–5;
143:9–12; 145:18–20; tingnan din sa Mosias 7:33).
b. Tatanglawan niya sila ng kanyang liwanag (tingnan sa
Mga Awit 4:5–6; 18:28; 27:1; 37:3–6; 143:6–10; tingnan din
sa Juan 8:12).
c. Kaaawaan at patatawarin niya sila (tingnan sa Mga Awit
6:1–9; 13:5; 23:3, 6; 25:1–13; 51; 103:17–18; tingnan din sa
Alma 12:33–34; 34:15–18).
d. Uunawain at palalakasin niya sila kapag nagdurusa sila
(tingnan sa Mga Awit 6:2–10; 22:1–5; 23; 25:15–22; 28:6–9;
38:8–15; 40:1–4, 11–13, 16; 57:1–3; 61; 63:1–8; 69:1–20,
29–36; 86; 130; 142; 146:5–9).
e. Puputungan niya sila ng karangalan at kaluwalhatian
(tingnan sa Mga Awit 8; 24:3–6; 73:24; 82:6; 84:11–12;
106:1–5; tingnan din sa I Ni Pedro 5:1–4; D at T 76:92–95;
109:76).
• Marami sa Mga Awit ang naglalaman ng mga propesiya
tungkol sa mesiyas o mga paglalarawan ng buhay at ministeryo
ni Jesucristo (tingnan sa Mga Awit 22; 110; 118).
• Ang kasalanan ay naghahatid ng pighati at kawalang-pagasa,
samantalang ang pagsunod at pagtupad sa mga tipan
ay naghahatid ng kapayapaan sa puso’t isipan (tingnan sa
Mga Awit 23–25; 34; 51).
• Maaari nating sambahin ang Diyos sa pamamagitan ng sagradong
musika, na magpapasigla at magpapadama sa atin
ng Espiritu.