Sangguniang Manwal ng Guro para sa Lumang Tipan

ANG AKLAT NI JOB
Pambungad
Job 1–42
Ang aklat ni Job ang una sa mga aklat sa bahagi ng mga tula
o sulat sa Lumang Tipan (tingnan sa “Paano Isinaayos ang
Lumang Tipan?” sa p. 9). Ang nilalaman ng halos buong aklat
(Job 3–42:6) ay isinulat nang patula, at ang nilalaman ng aklat
ni Job ay itinuturing na napakahusay. Nakatala sa aklat ni Job
ang mga tanong, alinlangan, at pangamba ng isang nagdurusa.
Makakatulong ito na palakasin tayo sa oras ng pagsubok
at paghihirap sa pagpapaalala sa atin ng layunin ng Diyos
para sa ating pagdurusa.
Ang aklat ni Job ay sumasagot sa dalawang mahahalagang tanong
ng buhay:
• Bakit nagdurusa ang mababait na tao?
• Ano ang naghihikayat sa mabubuting tao na piliin ang kabutihan?
Ang aklat ni Job ay maaaring hatiin sa tatlong bahagi:
• Ang paunang salita (mga kabanata 1–2) ang nagpapasimula
at nagbubuod sa pangyayari.
• Ang tula (mga kabanata 3:1–42:6) ang nagkukuwento ng
mga pag-uusap ni Job at ng kanyang mga kaibigan kung
bakit labis na nagdurusa si Job.
• Ang katapusan (42:7–17) ang nagtatala sa huling pagpapala
at basbas ng Panginoon.
Para sa iba pang impormasyon, tingnan sa Gabay sa mga Banal
na Kasulatan, “Job” (mga pahina 95–96).
Ilang Mahahalagang Alituntunin ng
Ebanghelyo na Hahanapin
• Totoong may Satanas. Narito siya sa lupa at tinulutan siyang
tuksuhin tayo, ngunit kung lalabanan natin ang kanyang
impluwensya at susundin ang Tagapagligtas, hindi
siya magkakaroon ng kapangyarihan sa atin (tingnan sa
Job 1:7, 12–22; 2:2, 6–10; tingnan din sa D at T 10:22–27, 43).
• Ang pag-unawa sa plano ng kaligtasan at nagbabayad-salang
sakripisyo ni Jesucristo ay tutulungan tayong maunawaan
at higit na matiis ang mga pagsubok at pasakit ng
mortalidad (tingnan sa Job 1:21–22; 2:10; 5:6–11; 7:1–5;
19:25–26; 38:4–7; 42:1–6).
• Dapat tayong maging tapat sa lahat ng bagay, na ibig sabihin
ay mamuhay ayon sa ating mga pamantayan at laging
sumampalataya sa Panginoon, anuman ang mangyari
179
(tingnan sa Job 2:7–10; 13:15; 19:25–26; 27:1–6; tingnan din
sa Mosias 23:21–22; D at T 124:15, 20).
• Dapat nating damayan, aliwin, at palakasin ang mga nagdurusa
(tingnan sa Job 2:11–13; 6:14; 30:25; tingnan din sa
Mosias 18:8–9).
• Sa pagtanggap ng pagwawasto mula sa Panginoon, mas
bubuti tayo at higit na liligaya (tingnan Job 5:17–18; 34:31;
tingnan din sa Mga Awit 94:12; Mga Hebreo 12:6; D at T
136:31).
• Sa mortalidad, ang mabubuti kung minsan ay dumaranas
ng matitinding pasakit samantalang ang masasama ay tila
umuunlad. Malalaking pagpapala ang dumarating sa mga
yaong matagumpay na natitiis ang kanilang mga pasakit at
tatanggapin ng masasama ang gantimpalang nararapat sa
kanila (tingnan sa Job 6:24; 10:15; 12:6; 20:4–5; 21:7–14;
24:13–24; 27:8–23; 28:12–13; 42:5–17; tingnan din sa Mga
Awit 7:7–20; Malakias 3:14–18; D at T 101:4–5; 122:5–7).
• Dahil sa Pagkabuhay na Mag-uli ni Jesucristo, lahat tayo ay
muling mabubuhay matapos tayong mamatay (tingnan sa
Job 19:25–27; tingnan din sa I Mga Taga Corinto 15:21–22;
Alma 11:42–44).
• Kung gagawin natin ang tama, ang ating mga pagsubok ay
magiging malalaking pagpapala (tingnan sa Job 19:26–27;
23:10–12; 42:9–17; tingnan din sa D at T 98:1–3).
• Ang kaalaman at kapangyarihan ng Diyos ay walang
hanggan. Ang mortal at may hangganang isipan ay hindi
mauunawaan ang walang hangganang isipan ng Diyos
(tingnan sa Job 38:1–42:3).
Mga Mungkahi sa Pagtuturo
Job 1–42. Sa mortalidad, ang mabubuti kung minsan
ay dumaranas ng matitinding pasakit. Malalaking
pagpapala ang dumarating sa mga yaong matagumpay
na natitiis ang kanilang mga pasakit. (75–90 minuto)
S M T W TH F S
Magdala ng isang pirasong uling sa klase o kopyahin sa pisara
o sa overhead transparency ang mga larawan sa sumusunod
na diagram. Sulatan ng tatak ang mga ito habang nagtuturo
kayo.
Uling Init, mahabang panahon,
at mataas na temperatura
Diamante
(Sangkatauhan) (Mga pagsubok at paghihirap) (Pagkadiyos)