Sangguniang Manwal ng Guro para sa Lumang Tipan

ANG AKLAT NI NEHEMIAS
Pambungad
Sa pinakaunang mga manuskrito ng Hebreo ang aklat ni Nehemias
ay pagpapatuloy ng aklat ni Ezra. Ang estilo ng talambuhay
ay nagpapahiwatig na maaaring si Nehemias ang
may-akda. Saklaw nito ang kasaysayan ng mga Judio mula
mga 446 hanggang 405 b.c.—ang pinakahuling panahon sa
anumang mga aklat ng kasaysayan sa Lumang Tipan.
Si Nehemias ay isang Judiong pinagtiwalaan ng katungkulang
“tagahawak ng saro” ni Artajerjes, hari ng Persia, na ibig
sabihin ay pinrotektahan niya ang pagkain at inumin ng hari
mula sa lason (tingnan sa Nehemias 1). Pinahintulutan siya ni
Artajerjes na magtungo sa Jerusalem at tumulong sa muling
pagtatayo ng kuta ng lungsod (tingnan sa Nehemias 2:1–6:15).
Naglingkod siya bilang gobernador sa Jerusalem nang labindalawang
taon, pagkatapos ay nagbalik sa Babilonia, kung
saan siya nanatili nang ilang panahon bago bumalik sa Jerusalem
sa ikalawang pagkakataon (tingnan sa Nehemias
5:14–15; 13:6; 13:7–31).
Nagpamalas si Nehemias ng pinakamatinding dedikasyon at
tapang sa muling pagtatayo ng mga kuta ng Jerusalem at sa
aspetong espirituwal ay muling pinatatag ang pananampalataya
ng mga tao (tingnan din sa Gabay sa mga Banal na Kasulatan,
“Nehemias,” p. 165).
Ilang Mahahalagang Alituntunin ng
Ebanghelyo na Hahanapin
• Pinagpapala ng Panginoon ang lahat ng nagsisisi at tapat
na lumalapit sa kanya (tingnan sa Nehemias 1:5–11; 4; 8–9).
• Dapat tayong maging sabik sa paggawa ng mabuting bagay
at aktibong labanan ang kasamaan (tingnan sa Nehemias
2:12–20; 4; 13:4–30; tingnan din sa D at T 58:26–28).
• Ang pag-aaral ng mga banal na kasulatan ay tumutulong
sa atin na magkaroon ng pananampalataya, tapang, at kapayapaan
ng kalooban (tingnan sa Nehemias 8–10).
• Nilalapastangan natin ang araw ng Sabbath kapag bumili o
nagbenta tayo sa banal na araw na iyan (tingnan sa Nehemias
13:15–18).
Mga Mungkahi sa Pagtuturo
II Mga Cronica 36; Ezra 1–10; Nehemias 1–13. Pinagpapala
ng Panginoon ang lahat ng nagsisisi at
tapat na lumalapit sa kanya. (30–40 minuto)
S M T W TH F S
Nehemias 1–13
175
Magdala sa klase ng sirang bagay at itanong sa mga estudyante
kung paano nila pagpapasiyahan kung alin sa mga sirang
bagay ang kukumpunihin at alin ang itatapon. Ipabasa
sa kanila ang Nehemias 1:1–3 at ipahanap kung ano ang nalaman
ni Nehemias na nawasak. Itanong:
• Bakit karapat-dapat na itayong muli ang mga kuta ng Jerusalem?
• Paano naging simbolo ng bansang Judio ang mga kuta noong
panahong iyon?
• Paano isinisimbolo ng mga kuta ang mga kundisyon ngayon
para sa mga taong walang mga turo ni Jesucristo?
Repasuhin sa mga estudyante ang dahilan kaya nabihag ng
Babilonia ang Juda (tingnan sa II Mga Cronica 36:14–21). Kung
minsan ay natatagpuan ng mga tao ngayon na ang sarili nilang
espirituwalidad ay katulad sa sitwasyon ng mga Judio—
na nanganganib na mabihag dahil sa kasamaan. Dahil maawain
ang Panginoon, binibigyan niya ang kanyang mga anak ng
mga pagkakataong makabalik sa kanya. Itanong kung paano
binigyan ang mga sinaunang Judio kapwa ng pisikal at espirituwal
na pagkakataong makabalik (tingnan sa Ezra 1).
Pinamunuan nina Ezra at Nehemias ang mga grupo ng mga
Judio pabalik sa Jerusalem nang itulot ng Panginoon na makabalik
sila. Ang karanasan nila ay naging huwaran para sa
lahat ng naghahangad na makabalik sa Panginoon.
Ang sumusunod na mga bahagi ng mga aklat nina Ezra at
Nehemias ay maaaring basahin at talakayin upang ipakita
ang ginawa ng mga Judio, hindi lamang para muling itayo
ang templo at mga kuta ng Jerusalem, kundi upang muling
buuin ang kanilang espirituwal na buhay:
• Ezra 3:1–7. Bago nila natapos ang templo, muling itinayo
ng mga tao ang altar at nagsimula silang magsakripisyo ng
mga hayop. Itanong: Ano ang ginampanan ng sakripisyong
iyon sa pagtutuon kay Cristo? Pagkatapos ng Pagbabayadsala,
anong mga sakripisyo ang kailangang gawin? (tingnan
sa 3 Nephi 9:19–20).
• Ezra 4; Nehemias 2:19; 4; 6. Pansinin ang iba’t ibang mga
paraan na tinangkang pigilin ng mga kaaway ang gawain
(tingnan lalo na sa Ezra 4:4–6; Nehemias 2:19; 4:1–3, 7–12;
6:1–13). Itanong: Paano natutulad ang mga sinaunang halimbawang
ito ng oposisyon sa mga paraan na sinisikap ng
mga tao ngayon na pigilan yaong mga lumalapit kay Cristo?
• Ezra 5:1–2; Nehemias 1; 2:17–20; 4; 6; 8–10. Basahin ang sumusunod
na mga talata, na hinahanap kung ano ang nakatulong
sa mga Judio na magtagumpay: Ezra 5:1–2; Nehemias
1:4–11; 2:18; 4:4–5, 9, 14, 19–23; 6:3, 9, 12. Alalahanin na
nang matapos ng mga tao na itayong muli ang templo at
mga kuta, higit silang naging espirituwal sa pamamagitan
ng mapakumbabang pakikinig sa pagtuturo sa kanila ni
Ezra mula sa mga banal na kasulatan (tingnan sa Ezra 8) at
pagbabagong-buhay pagkatapos (tingnan sa Ezra 9–10).