Sangguniang Manwal ng Guro para sa Lumang Tipan

• Ano pa ang inaasahan ng Panginoon sa atin na higit pa sa
paminsan-minsang paggawa nang mabuti? (tingnan sa
D at T 14:7).
Repasuhin sa mga estudyante kung paano naligtas ang kaharian
ng Juda sa mga taga-Asiria (tingnan sa II Mga Hari
19:32–37) at itanong:
• Bakit nakaligtas ang Juda nang bihagin ang Israel (tingnan
sa II Mga Hari 19:32–37)?
• Ginarantiyahan bang poprotektahan ang Juda magpakailanman?
Bakit oo o bakit hindi?
• Bakit mahalaga para sa mga tao ng Juda na patuloy na
bantayan ang kanilang sarili laban sa kasamaan?
Tingnan ang aktibidad sa tsart sa mga mungkahi sa pagtuturo
para sa II Mga Hari 6–13 (p. 163) at II Mga Hari 14–19 at iatas
sa mga grupo ng mga estudyante ang sumusunod na mga
hari:
• Manases (tingnan sa II Mga Hari 21:1–18)
• Amon (tingnan sa II Mga Hari 21:19–26)
• Josias (tingnan sa II Mga Hari 22:1–23:30)
• Joachaz (tingnan sa II Mga Hari 23:31–33)
• Joacim, o Eliacim (tingnan sa II Mga Hari 23:34–24:7)
• Joachin (tingnan sa II Mga Hari 24:8–17)
• Sedecias, o Matanias (tingnan sa II Mga Hari 24:17–25:21)
Matapos nilang saliksikin ang kanilang mga talata, papunan
sa bawat grupo ang isang entry sa tsart para sa kanilang hari.
Itanong:
• Ano ang napansin ninyo tungkol sa mga hari ng Juda pagkatapos
ni Josias na katulad sa huling ilang hari ng Israel?
• Sa palagay ninyo ano kaya ang kahihinatnan ng Juda dahil
naging masama sila tulad ng Israel?
Basahin ang II Mga Hari 25:1–21 at talakayin ang nangyari kalaunan
sa kaharian ng Juda (tingnan din sa mga komentaryo
para sa 2 Kings 24–25 sa Old Testament: 1 Kings–Malachi, mga
pahina 215–17). Basahin ang 1 Nephi 1:4 at itanong:
• Ano ang sinikap gawin ng Panginoon para mailigtas ang
Juda?
• Sino ang ilan sa mga propetang nangaral sa Jerusalem noon?
(Jeremias, Zefanias, Obadias, Nahum, Habacuc, Ezekiel, at
Lehi; tingnan sa Gabay sa mga Banal na Kasulatan, “Cronolohiya,”
mga pahina 36–39.)
• Paano tumugon ang mga hari at mga tao ng Juda sa mga
propeta? (tingnan sa Jeremias 20:1–2; 1 Nephi 1:19–20).
• Tungkol saan ang babala sa atin ngayon ng mga propeta
ng Panginoon?
• Paano maihahambing ang paraan ng pagbabalewala ng
mga tao sa mga turo ng mga propeta ngayon sa paraan ng
pagtugon ng mga tao ng Juda sa kanilang mga propeta?
• Paano tayo dapat tumugon sa mga mensahe ng mga makabagong
propeta?
165
II Mga Hari 14–25
• Ano ang magiging mga bunga kung babalewalain natin
ang mga propeta? (tingnan sa Eter 2:10–11; D at T 1:1–17).
Pag-isipan ang sumusunod na mga tanong at banal na kasulatan
at ihambing ang ating panahon sa panahon ng kaharian
ng Juda.
• Ano ang panganib na kinakaharap ng ating henerasyon
ngayon? (tingnan sa D at T 1:35).
• Bakit magniningas ang poot ng Panginoon sa mga huling
araw? (tingnan sa 1 Nephi 22:16; D at T 133:48–51).
• Ano ang tanging pag-asa ng mundo para makaligtas?
(tingnan sa 1 Nephi 22:17–19, 22; D at T 1:36; 133:52;
Moises 7:61–62).
• Ano ang magpapasiya kung malalagpasan natin ang mga
panahong ito nang ligtas? (tingnan sa D at T 1:14, 38; 56:14;
84:36; 90:5; 108:1; 121:16–21).
II Mga Hari 22:3–23:3. Ang mga banal na kasulatan ay
may kapangyarihang baguhin ang ating buhay kung tutulutan
natin ito. (15–25 minuto)
Ipasulat sa mga estudyante ang mga sagot sa sumusunod na
mga tanong: Sabihin sa kanila na ang mga sagot nila ay para
sa sarili nila at hindi ipapakita sa iba.
1. Saan ninyo itinatago sa bahay ninyo ang personal ninyong
mga banal na kasulatan?
2. Gaano ninyo kadalas basahin ang inyong mga banal na kasulatan?
3. Sa isang sukatan mula 1 (pinakamababa) hanggang 10
(pinakamataas):
a. Gaano ninyo iniingatan ang inyong mga banal na kasulatan—katulad
ng maingat na pagmamarka rito, maayos
na pagtatago nito, at maingat na pagbubuklat sa mga
pahina?
b. Kung nawala, ninakaw, o nasira ang inyong mga banal
na kasulatan, gaano ang epekto nito sa buhay ninyo?
4. Magbanggit ng isang taong kilala ninyo na talagang pinahahalagahan
at iginagalang ang kanyang mga banal na kasulatan.
5. Ano ang pakiramdam ninyo kapag nakikita ninyong hindi
iginagalang ang mga banal na kasulatan?
Basahin ang II Mga Hari 22:3–7 at alamin kung ano ang ipinagawa
ni Haring Josias. Basahin ang mga talata 8–10 at hanapin
kung ano ang natuklasan ng mataas na saserdote habang
nagtatrabaho sila. Itanong sa mga estudyante:
• Ano ang inihahayag ng mga talatang iyon tungkol sa kahalagahan
ng mga banal na kasulatan sa mga tao?
• Sa palagay ninyo gaano kadalas nila binasa ang mga ito?
• Ano ang reaksyon ni Josias nang basahin niya ang mga banal
na kasulatan? (tingnan sa mga talata 11–13).
• Sa palagay ninyo, bakit ganoon ang reaksyon niya?